كيف قريدات ال307 في السمستر الماضي (131) ؟

 

مزاجية أغلب الشعب c أو +c

 

بالله ياشباب كيفه في 307

 

كلمته عشان ابروفل صك السماعة بوجهي !!



شكله فالكلاس ممتع لكن واضح انه مزاجي ..

 

اللي اخذوا معه السمستر ذا عطونا رايكم تكفون من ناحيه الشرح والمياجر والكويزات والهوموركات والتصحيح اهم شي التصحيح

 

up

 

تبي سواليف خذ معه
بس للأسف قريد سيء جدا
فيه أولد اقزامز تكررت 100% بالميجر الأول
الميجر الثاني كان من أسئلة الكتاب

الفاينل بالنسبة لي كان صعب لكن اعتقد كان فيه أسئلة من التشك بوينت

 

Ise320 - t142

يحضر بداية الكلاس و المتأخرين يحضرهم أخر الكلاس
الدكتور راعي سوالف وماتحس بالكلاس معاه، يشرح المادة من جهة التطبيق و الحياة العملية
كان الكلاس ممتع بالنسبة لي خصوصا نظامه زي نظام الشياب في السوالف من سعة صدر و أريحية
مياجره كلها حفظ في حفظ بس المادة مو صعبة ولاهي عميقة، يبغالها يومين قبل المياجر تقرا الكتاب وتحفظه
المسائل في المياجر كانت من الاكزامبلز حقت الكتاب و بالفاينل وزع علينا مسألة محلولة جات بالنص زي ماهي

 

+1000
بالضبط لا انصح به في 307 بالذات
طلاب كثير اعرفهم اكلوا مقلب معه اغلبهم قريد c

 

Term 151
ISE 320

بالبداية احب اقول ان التقييم هذا بناء على رأيي الشخصي
وعلى تدريسه للمادة 320

التحضير : يهتم بالحضور وكل كلاس ينادي عالاسماء

طريقة الشرح : يفتح السلايدات ويبدا يتكلم عن المادة بشكل عام ويشرح مفاهيم المادة اللي تتكلم عن الجودة عن طريق الشرح بالكلام , يعني ممكن الكلاس كامل يمر بدون مايكتب شي واحد عالسبورة , الدكتور يحاول انه يربط شرح المادة بالواقع و الجودة في الشركات والمصانع , يشطح بعض الاحيان بالشرح ويروح على سوالف مالها علاقة :D

الكويزات : لايوجد

المياجر: متوسطة , تعتمد عالحفظ بشكل كبير , 20% ممكن تكون عالتعاريف فقط , قليلة الاسئلة اللي تعتمد على الحل الطويل للمسائل
بحكم ان المادة ماتعتمد على الحل بكثر ماتعتمد عالفهم


الفاينلات : نفس صعوبة المياجر

القريد النهائي: B+

الصوت: واضح

إضافات :
الدكتور عبدالرحيم ممكن تحصل انقسام في الآراء عنه بشكل واضح
كثير يمدحونه وكثير بعد مايعجبهم
بوجهة نظري ise 320 مادة تعتمد عالشرح بالكلام والربط بالواقع اكثر بكثير من انك توقف عالسبورة وتجلس تحل وتكتب مثل مادة ise 205 على سبيل المثال
هذا الشيء ممكن ازعج الطلاب اللي مايحبون الشرح بهالطريقة لكن اشوف انه افضل حل لهالمادة
الدكتور يتاخر بشكل كبير جدا في تصحيح الاختبارات
عنده بروجيكت واحد نهاية الترم و الدكتور يعطي قريد بشكل كبير عليه
الدكتور مرح شوي والكلاس معه يمر اسرع من باقي الكلاسات

انصح انك تاخذ معه 320
ولا انصح ابداً ابداً انك تاخذ معه كورس ثاني مثل الـ 307

 

ISE 320 - term 161

التحضير :
بداية الكلاس ينادي على الأسماء، ويحقط على التأخير

الآن أنا مضطر أخرج قليلا عن باقي بنود التقييم، لأن الدكتور فعلًا يحتاج له تقييم خاص، والكلام حوله كثير ومتناقض أحيانًا، وأنا سأحاول أن أقيمه بشفافية ومصداقية في النقاط التالية :

- من ناحية الاستفادة منه في الكلاس، وبشكل عام في مفهوم الـ quality ، فالدكتور عنده خبرة واسعة جدًا في هذا المجال، اشتغل في أكثر من شركة وتعامل مع قضايا كثيرة، فالكلاس بصراحة ممتع لأنه يربط ما يشرحه في الكلاس بالحالات اللي واجهها في الشركات، بأسلوب بسيط وواقعي، فالكلاس يتحول إلى نقاشات وسوالف، لكنه يوصلك الفكرة ( بشكل عام ).

- لكن هل هذا كل شيء؟ الجملة " ما يشرحه في الكلاس " تحتاج لتوضيح أكثر، الدكتور ينتقي من الشباتر اللي يشعر انه مهم، ثم يفتح السلايدات ويتكلم عن بعضها ويربطها بالواقع، ويتجاهل البعض الآخر، فبالتالي إن كنت تتكلم عن الماتيريال لمادة 320 وهي statistical quality control ، ويتضح من الاسم أنها مادة stat ، فباعتقادي لن تخرج من فهم المادة وهدفها الأساسي إلا ب 30-40% ، وبإمكانك التأكد من ذلك بمقارنة نفسك مع طلاب الدكتور شكري مثلا، هناك يأخذون المادة بحقها.

- عمومًا، سواءً اتفقنا أو اختلفنا في أهمية المادة، وهل يكفي فهمها من ناحية concept - كما يحدث عند د.الغامدي- ، أو يجب فهمها من ناحية إحصائية أيضًا - كما عند د. شكري - ، ( وهذا محل نقاش داااائم بين الطلاب ) ، فنكمل تقييم الدكتور الغامدي الآن في ما تبقى من بنود :

الكويزات
لا يوجد، ولا هومووركات

المياجر والفاينلات
تتشابه مع الأولد اكزام بنسبة 90% ، حوالي 30% من الاختبار تعاريف تحفظها ثم تكتبتها ، والدكتور يصححها بحسب تقييمه الخاص هو، وتصحيحه شديد بصراحة، والباقي إما أسئلة نظرية أو حسابية ، ومراجعته في التصحيح صعبة أيضًا

البروجكت
أعتقد أن البروجكت عند الدكتور يمثل أهم معيار لتقييم الطلاب، يطلب منك تقديم بعض الشباتر النظرية في الكتاب في بريزنتيشن، ثم تطبيق هذه الشباتر على case حقيقي تجيبه من شركة من برا. وتقديم البروجكت يكون في قروبات

القريد النهائي:
C+
والقريد أعتقد فيه مزاجية عالية جدًا، تقريبا لا تستطيع التنبؤ به ، وهذه سلبية كبيرة، قد يسعدك القريد جدًا وما تتوقعه، وقد يجحفلك

الخلاصة : مع د. الغامدي ، بتكون مريح طول السمستر ، لا كويزات، لا هومووركات، كلاس ممتع، مياجر وفاينل من الاولد اكزام، عليك تقدم بروجكت فقط في النهاية، لكن القريد غير مضمون
ما أقدر أعطيك نصيحة محددة إنك تنزل معاه أو لا ، هذا الشي يعتمد عليك بناءً على المكتوب في الأعلى

 

Term 162 ISE 307

التحضير :
اول ثلاثة اسابيع مِن بداية الفصل كانت ورقة نكتب الإسم فيها. بعدها قام ينادي على الأسماء. طبعا حتى لو جيت متأخر يمديك تحضر بنهاية المحاضرة بس كلمه قبل لا يطلع مِن الكلاس. و إذا غبت يقول لك انك كنت غايب اذا حضرت المحاضرة اللي بعدها.

طريقة الشرح :
هذي النقطة اهم نقطة . طريقة شرحه سلايدز ما ادري شنهو مصدرها بس اتوقع انها من مع مدرس ثاني او حقت الكورس. طبعا قلنا له يرفعهم بالبلاكبورد بس ما رضى. طبعا المحاضرة كلها سوالف خارجية. احيانا يكون لها دخل بالدرس و احيانا لا و هذا الشي اللي كان ما يخليك تفهي مع انه شي مو حلو. بالنسبة لي ما احب طريقة الشرح هذي مع ان البعض يمدحها.

الكويزات :
لا يوجد كوزات.

المياجر:
طبعا ذا المُدرس عنده ميزة ان مياجره و فينلاته تختلف عن جميع المدرسين و لا اعرف شنهو السبب(للمعلومية الكورس common). بالنسبة لي كانت صعبة جدا. تجيك ورقة واحدة فيها ستة اسئِلة تقريبا. و الحل تكتبه بورقة خارجية يعطيك اياها. بداية يجيك سؤال "عرف التالي". بعدها تجيك اسألة ما ادري من وين جاية. اسئِلته كِلها كِتابية. ما معه شي اسمه إختر الإجابة. انا طبعا كنت اذاكر مِن الكتاب بما انه هو مصدري الوحيد للمُذاكرة ولا جبت درجات.

الفاينلات :
نفس المياجر

القريد النهائي:
C

الصوت:
صوته في بعض الاحيان احس يجيب النوم.

إضافات :
بصراحة ما انصح احد ينزل معه. بالنسبة لي اسوء مدرس مر عليي (من قبل كان ناصر الدرويش بس ذا اسوء). كان فاتح سكشن بالبلاكبورد ولا حط فيه اي شيء. و غير كذا, عطانا بروجكت و ما فيه كان اي تعليمات عن طريقة عمل المشروع. انا كنت جايب العيد حدي بذا الكورس. كان توزيع الدرجات كالتالي: 25 للمياجر (الاول و الثاني) الفاينال 25 و الكلاسورك 25. الميجر الأول جبت 2.5 من 25. الميجر الثاني تحسنت و جبت 5 من 25 . الفاينل الله العالم كم درجتي من 25 بس اكيد اقل من 10 . الكلاسورك اتوقع فل بما اني ما غبت ولا غياب. مجموع درجاتي بالنهاية اتوقع كان بين 25 و 35 درجة بس جبت D بنهاية الكورس . الميزة الحلوة بذا المدرس ان الدرجات النهائية على مزاجه و ذي النقطة هي اللي فادتني.

 

Term 162 ISE 307

التحضير :
اول ثلاثة اسابيع مِن بداية الفصل كانت ورقة نكتب الإسم فيها. بعدها قام ينادي على الأسماء. طبعا حتى لو جيت متأخر يمديك تحضر بنهاية المحاضرة بس كلمه قبل لا يطلع مِن الكلاس. و إذا غبت يقول لك انك كنت غايب اذا حضرت المحاضرة اللي بعدها.

طريقة الشرح :
هذي النقطة اهم نقطة . طريقة شرحه سلايدز ما ادري شنهو مصدرها بس اتوقع انها من مع مدرس ثاني او حقت الكورس. طبعا قلنا له يرفعهم بالبلاكبورد بس ما رضى. طبعا المحاضرة كلها سوالف خارجية. احيانا يكون لها دخل بالدرس و احيانا لا و هذا الشي اللي كان ما يخليك تفهي مع انه شي مو حلو. بالنسبة لي ما احب طريقة الشرح هذي مع ان البعض يمدحها.

الكويزات :
لا يوجد كوزات.

المياجر:
طبعا ذا المُدرس عنده ميزة ان مياجره و فينلاته تختلف عن جميع المدرسين و لا اعرف شنهو السبب(للمعلومية الكورس common). بالنسبة لي كانت صعبة جدا. تجيك ورقة واحدة فيها ستة اسئِلة تقريبا. و الحل تكتبه بورقة خارجية يعطيك اياها. بداية يجيك سؤال "عرف التالي". بعدها تجيك اسألة ما ادري من وين جاية. اسئِلته كِلها كِتابية. ما معه شي اسمه إختر الإجابة. انا طبعا كنت اذاكر مِن الكتاب بما انه هو مصدري الوحيد للمُذاكرة ولا جبت درجات. وشي اخير, ياخذ وقت طوييييييييييييييل بالتصحيح.

الفاينلات :
نفس المياجر

القريد النهائي:
C

الصوت:
صوته في بعض الاحيان احس يجيب النوم.

إضافات :
بصراحة ما انصح احد ينزل معه. بالنسبة لي اسوء مدرس مر عليي (من قبل كان ناصر الدرويش بس ذا اسوء). كان فاتح سكشن بالبلاكبورد ولا حط فيه اي شيء. و غير كذا, عطانا بروجكت و ما فيه كان اي تعليمات عن طريقة عمل المشروع. انا كنت جايب العيد حدي بذا الكورس. كان توزيع الدرجات كالتالي: 25 للمياجر (الاول و الثاني) الفاينال 25 و الكلاسورك 25. الميجر الأول جبت 2.5 من 25. الميجر الثاني تحسنت و جبت 5 من 25 . الفاينل الله العالم كم درجتي من 25 بس اكيد اقل من 10 . الكلاسورك اتوقع فل بما اني ما غبت ولا غياب. مجموع درجاتي بالنهاية اتوقع كان بين 25 و 35 درجة بس جبت D بنهاية الكورس . الميزة الحلوة بذا المدرس ان الدرجات النهائية على مزاجه و ذي النقطة هي اللي فادتني.