وظائف و مقابلات شركات SMP - أرامكو ، تحديث 21/9 مع ملف PDF , WORD

١٤-١٧ اوقوست هذي المواعيد للمنطقة الشرقية أما الغربية على حد علمي باقي ما بدؤوا

كونهم طلبوا معلومات ما يدل على شيئ غالبا لو بيرفعون اوراقك يعلمونك(هذا الغالبية أما انا رفعوها من دون ما يعطوني خبر).

اذا عندك خبرة يفضّل تعلمهم تفرق بالراتب(واحد من اللي انقبلوا بالشرقية خبرة سنتين).

الية الترشيح ما عندي تفاصيل دقيقة لكن المعدل أكيد منها أما الجامعة متأكد ٨٠% تفرق.

 

اي والله يا ليت

 

اي والله يا ليت

 

أنا حصل معي نفس القضية وكان المسؤول عني الأستاذ يعقوب. على حسب كلامه أن اخذوا احتياجهم كامل ولا توجد شواغر فحطوني باك اب
قالي إذا في أشخاص يرفضون العقد أو تحصل معهم مشكلة في الباكقراوند سواء من الوركشوب اللي في الشرقية ولا الرياض ولا الغربية راح ينادون الباك اب على اكتوبر تقريبا.

 

للاسف الوضع الي صار في ورش التوظيف لهذي الشركات جدا جدا جدا مؤسف .،
البعض منها واسطات ولا يأخذ الوظيفه صاحب المعدل المرتفع والكفائه المرتفعة ويأخذها الأقل كفائه ولا يكون منتج بالقدر الكافي بسبب نقص المعلومات الي عنده وبذلك تكون سبب في الاقاويل الدارجه بأن السعودي إنتاجيته ضعيفه ،،
في نفس المقابله مع شركة معينه ( بدون ذكر اسمها ) كان في ٦ مرشحين للوظيفه ويبون هم ٣ .، ٣ منهم راحو مكتب ع اليمين وال ٣ الآخرين راحو مكتب ع اليسار يعني ما قابلهم نفس الشخص .، وبعض المقابلات سريعه اما ان يكون هناك احتياج كبير او ان الوظيفه قد حجزت لاشخاص معينين

 

الله يعوضك ياخوي, تخصصك HR؟ وش المسميات الادارية الموجودة لدى الشركة؟

 

عندك دليل على كلامك ولا تنفيس غضب؟

أما الانتاجية فما عمره يعكسها المعدل ولا لو اي شركة تحتاج مثلا ٣ موظفين جدد خلاص ترسل لأعلى ٣ معدلات قدموا عليهم وتوقيع فوري بالايميل مو لازم يشوفونه ولا حتى يقرون الCV ولا؟

وأما بخصوص ان ما يقابلهم نفس الشخص فهذا من أول يوم ذكرنا ان فيه ٤ لجان تقابل أو أكثر كل لجنة مكونة من شخصين الى ثلاثة وهذا طبيعي جدا لكثرة عدد المتقدمين. غير كذا انت حجبت اسم الشركة اللي تقصدها على اساس ما تبي تشهر فيها لكن يكون بعلمك اللي يسوي المقابلات ارامكو مب الشركة اللي حاطها ببالك أو أي شركة smp.

وبخصوص ان المقابلات سريعة فهذا يعتمد على مين يقابلك وايش كاتب بالcv وخبراتك لكن عموما المقابلة حدها ٥ دقايق وطبيعي بيخلصون بأسرع وقت لمقابلة الجميع.

أتفهّم احباطك لكن كلامك خاطئ وبلا دليل ويدخل اليأس بنفوس اللي ما بدت مقابلاتهم بالرياض وجدة لكن حجتك أنه ناس تدخل غرفة وناس غرفة لا تدل على شيئ وبالتوفيق لك في فرص أفضل من smp.

ملاحظة/ ما أنكر وجود الواسطة عموما سواء smp وغيرها لكن مب مثل ما صورتها انت بالsmp.

 

يعني لو كنت اعمل ف اي مجال غير تخصصي ف انا عندي خبره!!
و شكراً لك يا عزيزي..

 

احد عنده خلفيه عن شركه انترتك العربيه

 

عندي مخالفات مرورية غير مسددة هل ممكن يأثر في اجتياز KYC ؟

 

رسلت الCV لشركة أركاد وبعد يومين أرسلوا لي

Hope this email find you well,

We are interested in your resume, kindly send your academic documents, certificates & Gosi copy for further formalities

أيش الوثيقة اللي يحتاجوها من ال Gosi
مع العلم إني لست موظف
وهل عادي أرسل لهم اللي طلبوه وهم ما عملوا معاي مقابلة ؟؟

 

كيف قدمت على الشركة لاهنت؟

 

يبون وثيقة مدد الاشتراك؟

اذا ايه فسجل بموقع التأمينات بعدين بحسابك بتلقى عاليمين اصدار الشهادات-مدد الاشتراك يطلع ملف PDF فيه تاريخك الوظيفي كامل.

 

انا بعد طلبو مني ارفق وثيقة Gosi مع نموذج KYC انت طلبو منك بعد؟ وهل عليك مخالفات مرورية غير مسددة؟

 

عن طريق الإيميل بس مدري إذا ما يمنع أحطه هنا
أرسل لي رسالة ع الخاص وأرسله لك

 

ماطلبوا مني KYC أنا خريج كوريا الجنوبية
أيش موضع CYC بالضبط؟؟

 

في سؤال محيرني في اعلانات التوظيف للمشاريع ... ليش حاطين كل البوزيشينات المطلوبه باستثناء project engineer ? مع انه يعتبر اهم عنصر في اي PMT

 

ايه طلبوا مني ارفق النماذج وعندي يمكن ٩-١٠ مخالفات بس كلها مسددة.

 

سلام عليكم شباب الرياض هل تم تحديد مقابلات معكم عن طريق مجموعة الحقيط؟ افيدونا لاهنتم

 

انا نفسك لحد الان مراسلو لي KYC بس طلبو من اوراقي مثل الرخصة و الجواز و الأوراق الي من المفترض نرسلها مع الفورم. انت تبع اي شركه ؟
انا AHCEC