تقييم سيرتك الذاتية هنا!

-ال Objective طويل خلها اقصر سطرين بالكثير ويكون مختصر ويبين إنك تبي وظيفة متعلقة بتخصصك , واذا كنت راسل ال cv بعد ماشفت اعلان لوظيفة معينة حاول تذكر المسمى الوظيفي الي مقدم عليه . ولو تبحث عن نماذج جاهزة لل Objective يكون أفضل لأنها غالبا تكون خالية من الأخطاء في ال spelling و grammar وتكون مكتوبة بصيغة ممتازة .

Aridh, 2685 - أحذفها .
- الخط صغير ( الخط المستخدم تحت العنوان ) ومتعب للعين , حاول تخليه اكبر ( 12- 14 )
- عدل BACHELORS إلى BACHELOR
- اذكر المعدل في ال cv اذا كان عالي
- في قسم التدريب , حاول تذكر الأشياء الي سويتها على شكل نقاط مختصرة وإذا ماعطوك شي في التدريب فخله مثل ماهو ولاتذكر شي ماسويته لأن اكيد راح يسألونك عنه في المقابلة .
- المهارات , حاول تركز على الأشياء التكنيكال خاصة اذا جيت تقدم على الوظايف المرتبطة بتخصصك ولو فيه برامج ثانية استخدمتها اذكرها واشوف لو تكتب ال skills على شكل أعمدة يكون أفضل مثل كذا


Siemens PLC شئ ممتاز إنك ذكرته لأن اغلب الشركات الي شغلها فيه اتوميشن تعتمد عليه أو على أنظمة مشابهة له , ولو اشتغلت عليه في التدريب أو في مشروع معين حاول تذكر التفاصيل . وتوقع في المقابلة إنهم يسألونك عنه بالتفصيل .
وهالبرابط فيه ملفات لل plc راح تفيدك إن شاء الله لو محتاج مراجعة عن plc

PLC - Google Drive
​

احذف Discipline أو صيغها بطريقة أفضل وفي جملة قصيرة بدل كلمة .
- ال activities لو تحذفها يكون أفضل لأن أغلب الدورات ماهي مهمة , خاصة أول دورتين . وإذا تبي تخليهم فإذكر تاريخها ومصدرها .
- ضف سكشن جديد بعنوان المشاريع : وخل فيه مشروع التخرج وإشرح الاجزاء الرئيسية فيه على شكل نقاط مختصرة . و لو سويت مشاريع جيدة اذكرها مع شرح مختصر وهالسكشن أهم من الدورات الي فوق فإذا ماحصلت مساحة احذفهم وخلها للمشاريع .

الله يوفقك .

 

وعليكم السلام
- تجنب إنك تخلي ال cv صفحتين خاصة إنك فريش , ال cv عادي مافيه شي لكن في نماذج أفضل والي خلها صفحتين هو المسافات بين كل سكشن وسكشن .
هذا الرابط فيه نماذج ممكن تفيدك
Sample Resume Format for Fresh Graduates (One-Page Format) | JobStreet Philippines

- المعلومات الشخصية ماخذة مساحة كبيرة , اذا استخدمت النماذج فوق راح توفر لك مساحة تشتغلها في أقسام أهم .
- لاتخلي تاريخ الميلاد إلا لو الشركة ذكرت هالشي , ونفس الشي مع رقم الأحوال لأن للأسف بعضهم يستغل رقم الأحوال خاصة من أصحاب إعلانات الوظايف المشبوهة الي يكون فيها الايمل غير رسمي ومب محددين في الإعلان اسم الشركة.

- العنوان , خله Saudi Arabia - Eastern Province - Alhasa لأن بعض ال hr ( للأسف أجانب ) و مايعرفون وين الحسا. مقر السكن وقربه من مكان العمل من المعايير الي تستخدمها بعض الشركات لفرز المتقدمين .

- في education رايي تخلي بس شهادتك , اما الكورسات لو ماتخليها يكون أفضل , إلا لو انت عارف مجال الشركة وماخذ كورسات اختيارية مثلا ترتبط بمجال الشركة وفي كل الأحوال لو تبي تخلي الكورسات لاتخليها قصيرة كذا , اما انك تضيف على العنوان او تضيف أهم مواضيع الكورس بين القوسين مثل كذا
1 - (Process Safety ( HAZOP Study , ESD
Industrial Water Treatment (Membrane Filtration - Pre Treatment Approaches )- 2
وخل العنوان الفرعي Relevant Courses بدل Studied courses

- مشروع التخرج والمشاريع الثاني خله تحت قسم جديد بعنوان Projects و حاول تشرح المشروع على شكل نقاط مختصرة أو في سطر سطرين , لكن النقاط أفضل لأنها تكون مرتبة أكثر .

- قسم التدريب , ما ادري اذا سويت وعطوك شغل صح في التدريب , اذكره على شكل نقاط لكن اذا كان التدريب مب حيل , خله مثل ماهو لاتفصل وتذكر أشياء مب فاهمها صح عشان لاتتوهق في المقابلة . بس بشكل عام ترا اكثر شي يركزون عليه في ال cv هو التدريب ومشروع التخرج و المهارات خاصة التكنيكال

- ال skills : خل المهارات التكنيكال مثلا البرامج المهمة في تخصصك في البداية . very good ما احسها مناسبة ( ما عندي فكرة شالبديل ) لكن اذا تبي تخليها , فكتبها كذا Very good at بدل Background . في المقابلات حاول تكون مستعد لأسئلة تكنيكال على المهارات الي كاتبها فإذا في شب مب متمكن منه لا تكتب إنك خبير فيه .
,judgment احذفها لأن نادراً ماتستخدم

- Volunteering & Membership خلهم في نفس القسم .
في العضوية احذف officer
والتطوع : احذف act as و خلها Health Educator

- interests ما اشوف لها داعي , احذفها خاصة اذا ماحصلت مساحة للأقسام السابقة .


الله يوفقك

 

ارفعه على رابط ثاني اذا ماعليك امر لأن اذا جيت انزل الملف يطلب تسجيل دخول لل gmail

 

شباب هل كويس انك تحط معدل كورسات التخصص في السي في ؟؟؟

 

مب لازم تخليه , لكن انتبه من انك تخلي معدل التخصص على إنه هو معدلك التراكمي لأن اذا اعرفوا هالشي بيعتبرونك كذبت عليهم و شبه اكيد بيستبعدونك .
اغلب الي شفتهم يخلون معدل التخصص جنب معدلهم التراكمي , خاصة إذا كان المعدل التراكمي مب عالي حيل . بس نصيحة مادام معدلك التراكمي مب حيل مثلا اقل من 2.5 من4 لاتخلي لا التراكمي ولا معدل التخصص في ال cv إلا لو طلبت الشركة .

شوف هالموضوع ممكن يفيدك
بخصوص المعدل في السيرة الذاتية

 

لا يا اخ

هو الكلام واضح لو حطيت انها معدل كورسات التخصص قريب الاربعه هذا شي كويس

 

اخ شدعوه الشكر قليل في حقك والله أسأل الله العلي العظيم أن لا يحرمك الأجر و شكراً جزيلاَ لك.

- تم أختيار احد النماذج الله يعطيك العافية.

-بالنسبه لرقم الأحوال أتجنب أني اوضعه للشركات او الاعلانات الغير رسميه مثل ماتفضلت.

- بالنسبه للمواد مع الفورم يبدو انه ماجي مجال أني أضيفهم بسبب ان الصفحه تعبت.

- تم وضح ال Projects في قسم لحاله لكن مثل ماهو واضح في الملف ان الصفحة تعبت فـ ماصار عندي مجال اشرح عن المشاريع ، فـ مدري شنو رأيك ؟

- قسم التدريب أعتقد مثل ما تفضلت انه يكون كذا أفضل.

- غيرت بشكل كامل طريقة عرض المهارات و خليتها على قسمين منصلين ( Personal skills and Technical skills ) و أتمنى تعطيني رأيك فيهم.

- تم دمج Volunteering & Membership ، لكن بالنسبه لـ officer اعتقد اني اخليها و ممكن يكون داعم جيد لي كوني كنت ال officer تبع كليتنا لـ SPE و لا ؟؟
و عدلت على التطوع مثل ماتفضلت.

- تم حذف الـ interests.

ملاحظة : رأيك في الـ CV الجديد + هل يعتبر مريح ؟؟ أحس صايره السطور قريبه من بعضها و لا الأمور تمام أن شاء الله ؟؟

 

شيك الخاص , & اسئل بقية الشباب يمكن عندهم أفكار افضل وملاحظات ثانية او نماذج جاهزة .

 

اذا ما عليكم امر أحد يشوف السي في تبعي اذا عنده ملاحظات

 

ممتاز ال cv بس لو تكبر الخط شوي ( اقصد الكلام الي مب مخليه bold )
- رقم الأحوال وتاريخ الميلاد لاتخليهم الا اذا الشركة كانت طالبة هالشي .
- عندك مساحة اخر ال cv , لو حضرت دورات مهمة او خذت شهادات اذكرها ، واذا ماعندك اذكر references خاصة لو كنت بتقدم على وظائف أكاديمية .

- العنوان مخليه السعودية لكن وظيفتك الحالية في الامارات ؟! رايي اذا بتقدم على شركات في الامارات اكتب عنوانك الحالي .

الله يوفقك

 

يعطيك العافية. انا ناوي اقدم فالسعودية فمحتار ايش اخلي العنوان. خوفي يشوفون الامارات ويسحبون.

 

اذا بتقدم على الشركات في الامارات خله عنوانك بالامارات . اذا على السعودية خل مع المعلومات الشخصية انك سعودي و willing to relocate
وان شاء الله بقية الشباب يفيدونك اكثر . لأني مب متأكد من نقطة العنوان لكن الي فوق اشوفه حل مناسب

 

السلام عليكم. اتمنى تقييم سيرتي الذاتيه,

مع العلم عند ثلاث اوراق علميه من غير اوراق الموتمرات، و براءه اختراع ما زالت في التدقيق (الوصف الشكلي). و لكن افضل ما اكتبها في السيره الذاتيه لاني ناوي اغير للقطاع الخاص, هل هذا التصرف صحيح او يفضل اكتبها

شكرا

 

قمت بعمل بعض التعديلات بعد نصايحك. ما أدري هل الريفرنس ليست المفروض تكون كذا ولا في طريقة معينة؟ للمعلومية راح أقدم عالسعودية فقط. يعطيك العافية شدعوة بيض الله وجهك.

 

ممتاز ال cv وما شوف الرفيرنس فيه مشكلة بالعكس مرتب , واسف على التأخير في الرد .

وعليكم السلام ,
النموذج الي مستخدمه جيد لكن المشكلة إنه مخلي ال cv صفحتين ونوعا ما الخط حجمه كبير فحاول تغيره أو ترتب وتشيل بعض الأشياء عشان يصير ال cv صفحة وحدة لأن صحيح إنك خبرة لكن اشوف في أشياء ماخذة مساحة وهي مب حيل مهمة .
- رقم الأحوال لا تخليه إلا اذا طلبته الشركة وكانت شركة موثوق فيها , نفس الشي مع الحالة الإجتماعية .
- ال objevtive جيد لكن لو فيه نماذج جاهزة وأفضل منه ولو تذكر فيه المسمى الوظيفي يكون أفضل
- الهوايات شلها .
- استخدم نفس الخط في كل ال cv , انت مستخدم اكثر من خط في ال cv بتلاحظ هالشي لما تقارن الأرقام . استخدامك لخط واحد و بحجم معين والتنسيق راح يوفر لك مساحة فلا تستهين بهذا الشي .
- رايي خل الخبرة بعد التعليم على طول , المهارات مهمة لكن اقل اهمية من الخبرة .
- في سكشن الخبرة حاول تكتب اسم الجهة الي اشتغلت فيها وجنبها مدة عملك فيها وتحت العنوان المسؤوليات و طبيعة عملك على شكل نقاط مثل كذا :


- حاول تتجنب استخدام I و الجمل الطويلة في ال cv , غالبا مسؤول التوظيف يطلع على ال cv بسرعة فلما تذكر خبرتك بشكل مرتب و اسم الشركة bold مع مدة عملك والمسؤوليات على شكل نقاط انت قاعد تسهل عليه البحث في ال cv وتختصر الوقت عليه ونفس الوقت التنسيق الي فوق مريح للعين .

- ماشاء الله عندك دورات برا السعودية فحاول تستغل هالنقطة , وتخلي اسم الدولة أو الجهة المظمة أوعنوان الدورة بارز مثل كذا , طبعا خل الدورات من الأحدث إلى الأقدم ومب شرط تلتزم بهذا التنسيق لكن خليته عشان توضح الفكرة


-في الخبرة بدل current استخدم present

-lab skills الصراحة ماعندي فكرة عنها وما ادري هل هي تدخل ضمن المهارات أو المسؤوليات والمجالات الي قد اشتغلت فيها , لكن لو هي من المسؤوليات في وظيفتك الحالية أو السابقة , رايي تخليها تحت المسمى الوظيفي مثل الصورة الأولى فوق ^^^ , عشان توفر مساحة ونفس الشي تبين لمسؤول التوظيف طبيعة عملك .


- Computer Skills & Courses -
- خلها كذا ^^^ , الدورات لذكر تاريخها واذا تحس مالها اهمية احذفها .
-اكتب King Abdulaziz City for Science and Technology بدل KACST واذكر تاريخ الدورات .
كمل هالجملة لأنها ناقصة : at Petroleum Engineering
اكتب الأرقام كذا 5 بدل five


رايي تخلي الترتيب كذا :
Objective
Education
Experience
Training
Computer Skills
...

- بخصوص الأبحاث وبراءات الإختراع , رايي تذكرها اذا حصلت مساحة ولاتعتقد إن اغلب الشركات مب مهتمة بهذا المجال , في شركات عندها أقسام خاصة بال R&D فأحرص على ذكرها خاصة لو تتوفر في الشركة الي بتقدم عليها الفرصة وعندك الرغبة في إنك تكمل في مجال الأبحاث والتطوير .

أما الشركات الصغيرة والمتوسطة فهمها غالباً إنك ماتطلع منها أو تفكر إنك تكمل أبحاث ودراسات عليا فتجنب تذكر انك صاحب ابحاث و تطمح تكمل دراسات عليا لأن غالبا النتيجة بعد المقابلة بتكون الرفض لأنهم يبون واحد يستمر معاهم .
ماعندي فكرة عن كل الشركات لكن اغلب الشباب الي اعرفهم لما قدموا على بعض الشركات , في المقابلة سألوهم هل ناوي تكمل ماستر ؟ الي جاوب بنعم استبعد و الي جاوب بإنه يرغب في العمل في الشركة ومستبعد فكرة الإبتعاث او الماستر توظف أو وصل لمراحل التوظيف النهائية .
على العموم بخصوص كتابة الابحاث في ال CV استشير الشباب في المنتدى بموضوع منفصل وإن شاء الله الشباب ماراح يقصرون



الله يوفقك ويرزقك الوظيفة الي تتمناها .

 

الله يكتب اجرك و يرحم والديك على النصائح القيمة

 

السلام عليكم ورحمة اللة وبركاته
ياليت تقيمون cv لأني للأسف مقدم وماجاني اي رد فقلت ممكن cv فيه مشاكل

 

وعليكم السلام
والله شوف النموذج الي انت مستخدمه مب سيئ كتنسيق لكنه غير مناسب , حاول تستخدم نموذج تقليدي ومرتب أكثر ويوفر عليك مساحة لأن سيرتك الحالية صايرة فاضية وأعتقد هالشي بسبب النموذج .

- المعدل يمكن هو السبب إن أغلب الشركات ماردت عليك لأن حاليا الشركات اغلبها تستبعد الي معدلاتهم أقل من ( 3 من 4 ) أو أقل ( 4 من 5 ) وهالشي بتلاحظه في الشركات الي يكون عدد المتقدمين كبير فيضطر ال hr يفرز المتقدمين على حسب المعدل وهالشي اشوفه مب عدل لكن هذا الي صاير . فلا تخلي المعدل إلا لو طلبت الشركة .

- objective في اكثر من خطاٌ كقرامر وسبيلنغ فالأفضل تستخدم نماذج جاهزة لل Objective وتعدل عليها بشكل بسيط مثلا تضيف المسمى الوظيفي الي بتقدم عليه .
- education خله اول شي تالي الخبرة و شيل مشروع التخرج وخله في سكشن لحاله بإسم acdemic projects واذكر المشاريع الي اشتغلت عليها واشرح مشروع التخرج على شكل نقاط مختصرة وفيها شوي تكنيكال بس اهم شي تكون واضحة ومب جمل طويلة .

- في الخبرة حاول تستفيد من التدريب خاصة لو عطوك شغل جامد في التدريب , و ما ادري هل تدريبك كان في اسبانيا أو لا , لكن اذا كان في اسبانيا استفيد من هالشي وخل اسم الدور بارز و حدد بالضبط وش سويت هناك على شكل نقاط مختصرة عشان يحس ال hr انك استفدت من التدريب وماكان تضيع وقت . شوف الصور في الردود الماضية عشان توضح الفكرة .

في المهارات حاول تكتب كل البرامج الي اشتغلت عليها ونوعا ما فاهم فيها , اتوقع انك اشتغلت على Aspen HYSYS من قبل فذكره في ال cv .

- الهوايات لاتخليها لأنها تأخذ مساحة وفي اشياء أهم منها مثل سكشن البروجكت والتدريب والريفرينس .
- تاريخ الميلاد لاتخليه الا لو طلبت منك الشركة .
- الكورسات , انا ضد ان واحد خلي كورسات عامة مثلا عن تطوير الشخصية , والوظيفة الي متقدم عليها مالها علاقة بالدورة يمكن اكون غلطان , لكن اذا بتخليها لازم تذكر في أي معهد أو مؤسسة خذت الدورة .
- لو حصلت مساحة فاضية اذكر references خاصة لو كنت تعرف احد من الشركة الي تدربت فيها وكان يعرفك صح وموافق , خل اسمه في كمرجع

- في اللغات خلها كذا :
English (Fluent) Arabic (Native

ونصيحة خل اكثر من واحد يقيم ال cv يمكن في اخطاء الواحد يغفل عنها وينتبه لها شخص ثاني ونفس الوقت ممكن تجيك افكار ممتازة أو تتذكر أشياء مميزة لك في الجامعة أو في التدريب مثلا مشاريع نشاطات لكنك ناسيها.

الله يوفقك ويرزقك الوظيفة الي تتمناها

 

ارفقت السي في .. ياليت لو تلقون نظره وتعطونا ملاحظاتكم
شاكر ومقدر تعاونكم والله يرزقكم ما تتمنون

 

السلام عليكم

اتمنى تقييم سيرتي الذاتيه بعد اختيار فورم جديد و اجراء بعض التعديلات.

الله يجزاكم كل الخير.

شكراً