طريقك للتفوق في الفريشمان + ملفات لأغلب الكورسات

السلام عليكم ورحمة الله وبركاته ,

نسبة كبيرة من الطلاب مع أول سمستر لهم في الفريشمان ( السنة الي بعد الأوريا ) يواجهوا مشاكل وللأسف بعضهم يأخذ Warning أو ديسميس في بعض الحالات والبعض يبدأ بمعدل نازل نوعا ً ما ( أقل من 2.5 ) وممكن تضيع عليه بعض الفرص مثلا التقديم على برامج المتابعة الجامعية أو التقديم على برنامج التبادل الطلابي . هذا الموضوع راح يكون فيه تجميع لبعض المواضيع والنصائح المفيدة للفريشمان + ملفات مهمة لأغلب الكورسات .

وأتمنى هذا الموضوع يفيد الفريشمان الجدد و الفريشمان الي كان 161 أول سمستر لهم في الجبل :


# لكن السؤال الأهم , ليش الأغلب يواجه مشاكل في الفريشمان ؟

- الفريشمان عكس الأوريا , في الفريشمان راح يكون تركيزك موزع على أكثر من كورس ويحتاج تنظم وقتك أكثر . في الجانب المقابل الأوريا تركيزك أغلبه بيكون على الماث والانجلش وهدفك فيها النجاح بس .

1- المذاكرة لكل الكورسات بنفس الطريقة ! كل كورس وله طريقة مختلفة مثلا مستحيل تذاكر الماث بطريقتك في مذاكرة الـ ics أو الإسلامي ! كل كورس وطريقة توزيع الدرجات و صعوبة الأسئلة تختلف عن غيره .

2 - البعض للأسف بعد الأوريا و بعد ما ارتاح و تطمن من موضوع الطرد من الجامعة . يفكر إن الموضوع انتهى و نسى إن توه بالبداية والنتيجة للأسف درجات سيئة بسبب الإهمال .

3 - البعض بسبب درجاته العالية في الأوريا , يتهور وينزل عدد ساعات كثيرة وللأسف ( غالبا ً) النتيجة تكون معدل نازل أو تحذير .
.
4 - للأسف تنخدع بكلام بعض الطلاب لما يصوروا لك إنهم جايبين العيد , فلما تجيب درجة سيئ يكون الموضوع عادي بالنسبة لك ومن هنا يبدأ الإهمال و اللامبالاة في موضوع الدرجات . فلا تنخدع بكلام بعض الطلاب وتهويلهم لصعوبة الفريشمان وسو الي عليك سواء كان الكورس صعب أو سهل .

5- يكون ضاغط على نفسه و طول الوقت مذاكرة لكن النتائج في المياجر الأولى خاصة الفزكس تكون سيئة أو أقل من الطموح فالبعض تصير عنده ردة فعل عكسية ويهمل الدراسة بسبب صدمة الدرجات . وغالبا ً النتائج السيئة تكون بسبب إن طريقة المذاكرة كانت خطأ . الموضوع مالها علاقة بعدد الساعات الي تذاكرها , الأهم هو طريقتك في المذاكرة .
(( بعض الكورسات للأسف ماتعرف طريقة المذاكرة الصحيحة لها إلا مع الفاينل )) مثل الفزكس 101 . فأعرف كيف تذاكر الكورسات من أول اسبوع في السمستر .



# تسجيل المواد :

1- طريقة التسجيل :

[ طريقة تسجيل المواد ]: لكل طالب انهى متطلبات السنة التحضيرية+ تحديث : مشاركة رقم #6

* نظام الأبروفال لتسجيل الكورسات : 1 + 2
* برامج تساعدك في التسجيل : keyboard maestro + clipcache pro + Type Pilot
* لترتيب الجدول : ikfupm.com
* إذا تبي تسجل في سكشن معين لكن السكشن مقفل : هذا الموقع ينبهك اذا فتح السكشن عشان تسجل فيه
csKFUPM


2- الخطة الدراسية :
كل تخصص وله خطة دراسية ( curriculum ) فمسؤوليتك إنك تعرف الكورسات المطلوبة منك ف الفريشمان و أهميتها + وش الكورسات الي تفتحها وتقدر تعرف هذا الشيئ عن طريق الـ ( Flowchart ) لتخصصك .

الـ curriculum و flowchart موجودين على موقع تخصصك إلي عليك تدخل موقع التخصص مثلا اكتب :
Mechanical Engineering Department - KFUPM - curriculum

هذا الرابط فيه الخطة الدراسية لبعض التخصصات :

إستشارات الجداول والمواد لـ Term 162 & 163

- لاتعتمد على غيرك في موضوع التسجيل , أو تسجل نفس الكورسات الي هو منزلها بدون ماتراجع الخطة . صحيح تخصصات الهندسة والحاسب مشتركة في الفريشمان لكن فيه إختلافات في بعض الكورسات .

( واحد من الشباب نزل نفس كورسات روميته وتالي في نص السمستر اكتشف إنه نزل ics 103 و المفروض ينزل
ics 102 لأن تخصصه حاسب !! )


* هذي هي الإختلافات بين التخصصات الهندسية والحاسب في الفريشمان :

- طلاب كلية الحاسب ( ماعدا cise + ise ) يأخذوا كورس ics 102 أما طلاب التخصصات الهندسية و ise +cise يأخذوا ics 103.
- طلاب الهندسة الكيميائية يأخذوا كورسين كيمستري chem 101 + chem 102 اما بقية تخصصات الهندسة والحاسب يأخذوا كورس واحد وهو chem 101 .
- طلاب الهندسة المدنية يأخذوا كورسين كيسمتري لكن chem 101 + chem 111

هندسة البترول صار فيه تغيير كبير على حسب كلام واحد من شباب التخصص :

- التخصصات الإدارية مشتركة فيما بينها .


- ابتدي الفريشمان بعدد معقول من الساعات : الأفضل تبتدي بـ 14 أو 15 ساعة بالكثير . وبعد السمستر على أساس درجاتك والضغط تقرر عدد الساعات المناسبة لك في بقية السمسترات . فيه شباب ما شاء الله عليهم نزلوا 19 وخذوا اونر لكن الموضوع مخاطرة كبيرة .

ملاحظة : - ( الحد الأدنى هو 12 ساعة والحد الأقصى 19 ساعة )
- إذا كان عليك warning فالحد الأقصى تنزل 15 ساعة في السمستر العادي و 7 ساعات في السمستر الصيفي .

- لاتجمع الثلاثي ( ماث + كيمستري + فزكس ) في سمستر خاصة أول سمستر لك
( فيه البعض نزلها وطلع بأونر لكنها مخاطرة ) : إذا كنت كيميكال فأنت مجبور بشكل غير مباشر إنك تنزل الثلاثي في سمستر واحد لكن الأفضل إنك تسوي هذا الشيئ في السمستر الثاني لأنك بتكون عرفت وضع المواد وطريقة المذاكرة .

- مب كل الكورسات تنزل في الصيف ( فأنتبه وانت تسوي خطتك في الفريشمان والسفمور لأن هالشي ممكن يأخرك سمستر أو سنة في بعض التخصصات ! )

- كورسات الفريشمان الي (( غالبا = آخر 3 سنوات )) ما تنزل في الصيف :
إنجلش 101 - كيمستري 102 .

- بعض الكورسات يفضل تأخذها في الصيف مثل :
فيزكس 102 - إنجلش 102

والسبب إن الفزكس توزيع القريدات فيه ستنادرد (يعني مب أفرج ) فسواء كان الأفرج عال أو نازل التوزيع ماراح يتغير .

بينما بعض الكورسات مثل الكيمستري والماث افرج والقريدات فيها تتغير على حسب الأفرج وغالبا ً الأفرج يكون عال في الصيف فبنفس المجهود في السمستر العادي ممكن تأخذ قريد أعلى من القريد الي خذته في الصيف .

أما الإنجلش فجرت العادة أن يكون الدكاترة متعاونين في الصيف والقريدات أفضل من السمستر العادي . لكن إنتبه لنقطة و هي إنك عشان تقدر تنزل انجلش 102 في الصيف لازم تكون جايب قريد معين في 101 غالبا الشرط يكون قريد : C

- حاول تخلص كورسات الفريشمان في الفريشمان ولا تأخر أي كورس إلا لو كنت مضطر خاصة الكورسات العلمية مثل الماث والفزكس والكيمستري لأنها راح تزعجك في السفمور أو الجونير من ناحية مواعيد المياجر والفاينلات و في السفمور أغلب تركيزك بيكون على كورسات تخصصك اكثر من كورسات الفريشمان .


# مطلوب مني معدل 2.5 للتغير التخصص ؟

الموضوع يعتمد على تخصصك الحالي , لكن أفضل خطة هي :
Math 101
Chem101 = بدل فزكس 101 لأن الفزكس الأغلب يأخذ فيه قريدات ماتساعدك على التحويل مثلا c أو أقل . فالكيمستري أضمن لك .
IAS 111 + IAS 101 = نزل كورسين اسلامي وعربي عشان ترفع المعدل .
English 101
PE101

16 ساعة ( لكن في الواقع هي 12 ساعة لأن كورسين الإسلامي والعربي ماراح يشكلوا عليك ثقل وتقدر تجيب فيهم B+ على الأقل خاصة إذا نزلتهم مع دكاترة متعاونين مثل السعدي - الخالدي - القحطاني )


- إذا بدأت بمعدل نازل في اول سمستر لاتتحطم يمديك ترفعه حتى فوق الـ 3 وتتخرج بأونر لأنه بيكون باقي لك اكثر من 100 ساعة تقريبا ً !

 

# طريقة مذاكرة الكورسات

قبل بداية السمستر إطلع على مواضيع التقييم لكل كورس وشوف آراء الطلاب ونصائحهم

# هذي المواضيع والروابط فيها نصائح مهمة وبشكل مرتب لكل كورس في الفريشمان + ملفات مهمة :​

Math
​

تقييم المقررات الدراسية

تجربتي مع الماث من d+ إلى A+

طريقك إلى الـ a والـ a+ في الماث (إن شاء الله)

سلسلة علمتني كورسات الماث (101 & 102)

رابط فيه اولداقزام + كويزات قديمة + السلاباس لكل كورسات الماث

KFUPM Department of Mathematics and Statistics - Course Files

Phys​

تقييم المقررات الدراسية

هل الفزكس شي مستحيــل . . . . . ؟؟

حل أسئلة د.الكحليي بالفيديو + أفضل طريقة لمذاكرة Phys101

جميع ماتحتاجه للحصول على A+ في phys 101

Physics - Google Drive

موقع القسم فيه السلوشن للمياجر والأولداقزام
http://www.kfupm.edu.sa/departments/phys/default.aspx

Chem ​

تقييم المقررات الدراسية

تجربتي مع chem 101

Chemistry - Google Drive

موقع القسم
http://www.kfupm.edu.sa/departments/chem/SitePages/en/ContentDetailsPage.aspx?CUSTOMID=127

ICS​

تقييم المقررات الدراسية - ICS

ICS - Google Drive

الكورس مب صعب لكن لأنك بتكون مشغول بكورسات الماث والفزكس أو الكيمستري فتركيزك عليه راح يكون أقل و يصير الكورس غثيث بالنسبة لك لكن بشكل عام الكورس يحتاج متابعة + تدريب بشكل مستمر
صعبة قبل الميدتيرم بأسبوع أو اقل تفهم كل شيئ

English​

تقييم المقررات الدراسية

الإنجلش في الجبل يعتمد على الدكتور فحاول تنزل مع الدكتور المتعاون والكريم في الدرجات مثل جوش بلام لكن اذا ماحصلت دكتور ممتاز فلا تتحطم,حاول تفهم نظام الدكتور من اول اسبوع في السمستر وتطبق كل شيئ يقوله وراجعه في المكتب عشان يعلمك أخطائك وتعرف وش الي يركز عليه . للأسف بعضهم لو سويت كل شي ماراح يعطيك قريد طيب لكن بعض الدكاترة ممكن تطلع معاه بقريد ممتاز مثلا B+ لو عرفت نظامه حتى لو كان الأغلب يذم الدكتور

IAS (الإسلامي\العربي)
​

تقييم المقررات الدراسية
كورسات الإسلامي والعربي صحيح إنها سهلة لكن لاتسحب عليها أو ليلة الميجر تقعد تذاكرها وخصوصا IAS 101 لأن صعبة تحفظ القواعد و تفهمها بسرعة
- تبي A+ ذاكر الكتاب تالي الأولداقزام . لاتعتمد على الأولداقزام بس ,لأن القسم يغير الأسئلة + بعض الاولداقزام محلولة غلط
- إحرص إنك تسجل مع دكتور يعطي بونص عشان تضمن الـ A+

IAS - Google Drive

PE​

نزل مع دكتور متعاون وإحرص على الحضور لأن الأغلب تروح عليه الـ a+ بسبب الغياب

طلاب تخصصات كلية الإدارة
إنضم لقروب كلية الإدارة على الفيسبوك (فيه ملفات كثيرة لمواد الإدارة)
https://www.facebook.com/groups/406374306056476/

Econ تقييم المقررات الدراسية

Acct&MIS : تقييم المقررات الدراسية​

# مشكلة الدكاترة
شيئ طبيعي إنك تبي تنزل عند دكتور ممتاز وشريح لكن هالشي صعب خاصة إن أغلب الدفعة تحاول تسجل في سكاشن معينة 3 أو 4 دكاترة . فلو ماقدرت تسجل عند الدكاترة الممتازين لاتتحطم

فيه مصادر ثانية تقدر تستفيد منها مثلا

1- الشروحات على الـ blackboard=online courses بعضها بالفيديو مثلا لفزكس 102 من د.احمد سليم

​

2- مواضيع الكورسات في الفريشمان أغلبها موجودة على اليوتيوب
مثلا الماث : patrickJMT
خان أكاديمي : Khan Academy

3- إذا عندك سؤال ودكتورك غير متعاون تقدر تراجع الدكاترة في القسم حتى لو كانوا ما يدرسوك , بعضهم متعاون ومستعد يشرح لك على سبيل الماث فيه د.بدر الحميدي

4- برنامج ( زميلي يساعدني ) يقدم المساعدة لكورسات الماث : 001-002 -101 -102 و كورسات الفزكس 101 + 102

لكن الأهم إنك تنتبه لوضعك و تصحح أخطائك بدري , ماينفع قبل الميجر بيوم أو يومين تطلب مساعدة غيرك أو ترجع للمصادر فوق وحتى لو مشى الموضوع معاك هالمرة تأكد إن مب كل مرة تسلم الجرة و هذا غير الضغط النفسي و انت تحاول تغطي وتفهم الماتيريال في وقت قصير

# حذف السمستر
للأسف عدد مب قليل بسبب درجاته في المياجر الأولى يبتدي يفكر بدروب السمستر,ممكن يكون هذا القرار الصحيح وممكن لا لكن قبل ماتدردب السمستر إطلع على هذي الملاحظات راح تفيدك كثير
عبدالرحمن خالد on Twitter
شدعوة on Twitter

وتذكر موضوع الدرجات السيئة ممكن يتكرر حتى لو دردبت ورجعت السمستر الجاي , فأعرف سبب المشكلة و قرر هل تقدر تعوض في الي باقي من السمستر أو الدروب هو أفضل خيار

# ملفات إضافية :
إذا احتجت أي ملف ( اولداقزام-كويزات- مانول سلوشن ..) إبحث في هذي الروابط

KFUPM Resources

EE LEGACY - Google Drive

ME Heroes - Google Drive

ISE Zalt - Google Drive

Dropbox - CHE Courses at KFUPM (CHE CLUB)

# روابط إضافية مهمة :
زبدة الزبدة ؛ الطريق الى مراتب الشرف
نصائح بخصوص الحياة الجامعية من د .هاني سندي
طريقة مذاكرة الفيزكس والماث للفرشمان من تجربة سنة كاملة
​

بالتوفيق وفالكم الأونر