شركة الفارابي للبتروكيماويات

اخوي سعاده المهندس كيف قدمت عليهم؟؟ مقدم على الموقع من جولي 2013!! هل فيه ايميل او شي

 

الشركة عندها مصنع بجيزان الان ويحتاجون مهندس مشاريع لمتابعة المشروع هناك
مو بالضرورة يكون العمل هناك لكن بيكون اكيد فيه زيارات
ميزات الشركة كانت مثل سابك قبل التعديلات الاخيرة, والان ماعندي علم بها
بيئة العمل مو ممتازة بسبب وجود لوبي مسيطر داخل الشركة (مو اجانب) وفيه ناس ماسكين مناصب من دون اي احقية
بشكل عام الشركة ليست سيئة وبتكون بداية جيدة لو هي الاولى لك لكن على المدى الطويل ماتصلح

 

على مااتذكر كان فيه لك كورسين بالسنة خارجية وكانوا يقولون بيسوون برنامج ولا ادري استوى ولا باقي
انا ماادري عن اللي تبيه بالضبط لكني اشوف حديد بمساوئها افضل
لو تستخير وتشوف الوضع مرة ثانية مابيضرك

 

حديد جزء من سابك ونظامها اقوى وحتى لو حصل فيه تجاوزات تبقى محدودة لمركزية الادارة
الفارابي طلعت منهم وكان وضعهم جيد, لكن اللي حصل بعدها ان الشركة صارت تمشي على المزاج من بعض المتنفذين
القرار يرجع لك لكن اللي اعرفه انك لو طلعت من سابك ماتقدر ترجع قبل سنتين
فياليت تعيد النظر
بالتوفيق

 

انا كنت بحديد مثلك وعارف الجو كيف صاير
ولما نقلت للفارابي يوم كان وضعهم جيد وكنت بقسم الهندسة
والحقيقة استفدت منهم كثير ولا ندمت على ترك حديد
لكن الان الوضع تغير بالشركة ولا نبي ننشر غسيل هنا
لكن اعتقد لو حاولت تنقل لقسم الرولنق ميلز فممكن
اعد النظر واستخر وفكر عشر مرات غير اللي فكرت فيها
نتمنى لك التوفيق

 

السلام عليكم

كنت ابي استفسر عن المقابله من اكثر من يوم لكن عضويتي ماتفعّلت الا اليوم

عالعموم بالتوفيق للجميع

 

الله يبقيك

انا عندي مقابله بعد كم ساعة معهم

 

السلام عليكم ورحمة الله وبركاته, انا جاي من المستقبل ..اخباركم ايها البتروليون ..

انا اسف على عدم رده عليك ولو اني اعتقد انكم كملتم الموضوع في الخاص ..كنت بستفيد لو تكلمتوا هنا

انا تدربت في بتروكيميا وكان الفارابي جارنا شفت الشركة مرتبة وجميلة لكن ما ادري وش يحصل داخلها
حاولت اقدم عن طريق موقعهم ولكن ما ادري وش الخلل مايرضى يسوي سبميت


كل التوفيق للجميع ..

 

ادري الموضوع قديم لكن نفسي موظفين سابك يجوا عندنا اسبوع ويشوفوا الوضع ويحمدوا ربهم

 

وش فيه الوضع عندكم؟ ومن اي ناحية تشوفه سيء ؟