معشر العاطلين ياخالد السلطان

كلامك صحيح من جهة
وخاطئ من جهة اخرى
صحيح ان مدير الجامعة متحمس ويهايط طول الوقت
والخطأ انك تشوف مدير الجامعة كأنه هو المسؤول عن توظيفك وهذا غلط
السوق الان صعب على الي يدور شغل وعلى الشركات ايضا صعب

الجامعة فقط تعلمك اخلاقيا وعلميا
والشهادة حقتها في اخر الاوقات بدأت تقل هيبتها عند الشركات
لان الجامعات الثانية بدت تشد حيلها

 

انا ضد الكلام والمدح المبالغ فيه للجامعة لكن نفس الوقت المدير أو الجامعة مالهم علاقة بموضوع التوظيف , دورهم في التنسيق مع جهات التوظيف وهالشي يشكرون عليه بالرغم إن عدد مب قليل من العروض الي توصل عن طريق الجامعة أقل من المستوى ومثال عليهم الإعلان الموجود في الموضوع لكن نسبة كبيرة من الشركات توظف برواتب منخفضة خاصة للسعوديين سواء كان متخرج من افضل جامعة في العالم اوالأسوء , فالمشكلة اكبر من الجامعة , المشكلة في عدد كبير من الشركات الي تبخس حق الخريج لأسباب مب منطقية .

بخصوص الجامعة , ماحد ينكر الفرص الي توفرت عن طريقها او بسبب سمعتها ( مثل برامج المتابعة الجامعية في سابك وارامكو و GE والتدريب برا السعودية وفرص التوظيف الي تكون بالتنسيق مع جهات التوظيف )

لكن اتمنى من مدير الجامعة وبعض الأشخاص الي يكررون هذا الكلام انهم يكونون واقعيين , الموضوع مب بس تجيب عدد الوظائف المعروضة في يوم المهنة ( عدد مب قليل منها وهمي ) وتقسمها على عدد الخريجين !
ما انكر بعض الشباب تقدم له اكثر من عرض لكن خطأ انك تعمم هالشي على كل الطلاب
اذا تبي تمدح الجامعة او تبين تميزها حاول تسوي هالشي بالأرقام الدقيقة مثلا نسبة الخريجين إلى توجهوا للشركات الكبيرة سابك و ارامكو و ...
نسبة الخريجين الي كملوا الدراسات العليا و الوظائف الأكاديمية وغيرها من الأرقام الي تشجع الطالب انه يستغل فترة تواجده في الجامعة ويزيد ولائه للجامعة مب يحس نفسه مخدوع لما ينتظر فترة طويلة بعد التخرج بدون وظيفة .

في النهاية الجامعة تشكر على جهودها لكن الأفضل تبتعد عن المدح المبالغ فيه و تستمر في تقديم الفرص للطلاب والتنسيق مع جهات التوظيف والتدريب .

وللشباب الي مابعد تخرج و ممكن يشوف هالموضوع او يسمع الاخبار عن المهندسين ويتحطم , الي احب اقوله ما الومك لكن حاول تسوي الأمور الي في يدك مثلا تدخل التخصص الي تميله له مب تدخل جامعة او تخصص عشان سمعته , معدل عالي , فهم للتخصص , تطور شخصيتك , تكون علاقات الي ممكن تساعدك في التوظيف , اما الظروف الثانية مثل سوق العمل و الرواتب فهذي الأشياء متغيرة ما تقدر تأثر فيها , مثل ما كانت الأمور ممتازة قبل 4 - 5 سنوات وتغيرت في لحظة , ممكن يصير العكس لما تتخرج فلا تشيل هم وابذل الي تقدر عليه وبإذن الله ما يروح تعبك هدر .

طال الزمن ولا قصر , راح يتغير الوضع للأفضل ان شاء الله و تنجبر الشركات توظف السعودين بشكل اكبر . والوضع مقارنة بآخر سنتين من ناحية توفر الفرص والوظائف , فيه تحسن .

وبخصوص سمعة الجامعة , سواء للبترول او غيرها انطباع الشركات وسمعة الجامعة تتغير بسبب امرين :
1- اداء خريجي الجامعة في المقابلات , 2- الأداء و الإلتزام بعد التوظيف
فكل خريج يعكس صورة عن الجامعة بشكل غير مباشر عن طريق ادائه والتزامه وبعض الشركات و هالشي شفته بعيني , بسبب سوء اداء متدرب وعدم التزامه وقفت الشركة استقبال المتدربين من جامعة معينة او خلت شروط اضافية على القبول و تركت الاعتماد على اسم الجامعة بس .

فحاليا , اسم الجامعة مثلا البترول او انك متخرج من امريكا من جامعة تصنيفها عالي , مايكفي , يمكن يساعدك على الترشيح للمقابلة بس
& احرص على انك تعكس صورة طيبة في مكان تدريبك او عملك لأن هالشي في صالحك ونفس الوقت يفتح فرص لشباب جامعتك وللخريجين السعودين بشكل عام .

 

الاقتراح الأول مطبقته الجامعة وكثير من الشباب خاصة الي معدلاتهم عالية تواصلت معاهم جهات التوظيف عن طريق الجامعة
بالإضافة إن الجامعة ترسل اعلانات الوظائف الي تكون بالتنسيق مع الشركات على ايميلات الخريجين و المرشحين للتخرج.

 

Retweet

 

شوف ياحبيبي, انا من تخرجت للان عاطل 4 شهور . ماراح احط اللوم ع الجامعة , صحيح انه الدكتور خالد السلطان معيش الطلاب حياه وردية وانه فيه مليون وظيفة لكل واحد, هذا الكلام كان زمان ممكن صحيح. الان الوضع تغير , مع ذلك صار فيه تحسن السنه هذي ملحوظ عن السنة الماضيه. الوظيفة رزق وبيجيك مادام انك بتاخذ بالاسباب ان شاء الله. فيه ناس كثير ماشاء الله توظفت اعرفها وفيه شباب جاه اكثر من عرض ورواتب جامده ومعدلاتهم اقل من 3, كلها ارزاق من رب العالمين, لاتستعجل ع رزقك وتزعل. خذ بالاسباب وقدم في كل مكان.

والله يوفقك ويسر لك

 

تم تحرير هذه المشاركة


المشرف

 

أتفق معك لأسباب:
الراتب كما ذكرت مجحف بحق مهندس متخرج من جامعة محترمة

بس لا أتفق معك لأسباب منها:

عند دخولك أنت للجامعة (2012 تقريًبا) وضع السوق كان مختلف، كان حيوي و منتعش أكثر (وحدة من الاسباب سعر البرميل كان 100$+)
+
المشكلة أكبر من أن تحل من قبل مدير جامعة


و أسأل الله أن يرزقك و غيرك من المعطلين من واسع فضله