انا ادرس عنده الان
و بصراحة لا تغركم هذه الردود لاني انخدعت فيها و ستندمون كما ندمت

 

ماث 102 ترم 152


التحضير : يحضر بداية الكلاس
طريقة الشرح : بالسبورة ونوتته خرافيه جداً
الكويزات : بعضها صعبة لكن اغلبها من سهل الى متوسط ( هو عنده موقع ويحط فيه اولد كوزز لكن مو محلولة وتقدر تحل وتصور الحل وترسل له بالايميل او تروح له بالاوفيس اور وتتناقش معه ) فبعض الاحيان يجيب كم سؤال من الاولد كوزز لكن اغلب كوزاته متوسطة الصعوبة

المياجر: كومون
الفاينلات : كومون
القريد النهائي: b
الصوت: ممتاز ومسموع
إضافات :

ايجابيات الاستاذ
1- شرحه خرافي ومن افضل المدرسين الي درسوني ماث اذا ماكان افضلهم كشرح
2-نوتته ممتازة جداًّ
3- يرحب بالأسئلة

السلبيات
1- اخلاقه للأسف ماتعجبني ، يزبد لبعض الطلاب كثير ، ويحرج الطالب الي مسرح ، او مثلا يجي يقول لطالب انت مو فاهم ، طيب اشرحلي وش الي فهمته بأسلوب ماله داعي ، اكثر شي ماعجبني انه يزبد كثير واحتمال يطقطق عليك
2- تصحيحة شدييييد ، شوف هو يعطيك حققكك لكن اغلب المدرسين اذا كتبت مثلاً في ميجر الرتن ثاني خطوة غلط والباقي (تكون معتمدة على الاولى) لكن بنفس طريقة الصح ينقصوك درجة او درجتين بالكثير ، ابو شوشة لا يعطيك اكس يحطمك نفسياً ويعتبر كل الخطوات الي بعد غلط ، يعني انا نقصني 10 درجات في الميجر عشان ماحطيت سكوير بس ! ،فا تصحيحة شديد مرة واغلب مدرسين الماث الي يدرسون اخوياي كلهم يمشون للطلاب ويعطوهم درجات في ميجر الرتن


المدرس امانةً شرحة ونوتته لاتعلى عليها
لكن لو رجع فيني الزمن مانزلت عنده لان تصحيحة شديد والاخلاق مو ذاك الزود

 

152 Math102

التحضير :بداية الكلاس ولو تتاخر 3 دقايق ليت و 10 غايب ومهما سويت ما يغيرها
طريقة الشرح : شرحه حلو ولكن لاحظت انه اللي متمكنين من الرياضيات واساساتهم تمام مع ذا الاستاذ اتوقع لهم أ+ او أ واللي اساسياتهم مش ولا بد راح يضيعون بشرحه وللاسف راح يخبصون بالمياجر والفاينل الا من رحم ربي لانه أبد ما يرجع يشرح للاشياء القديمه وهذا من ححقه
الكويزات : نار انا اخذت أ+ بماث101 لكن افرج كوزاتي من 6 او 7 كوزات كان تقريبا 4 وهذا راح ياثر على الكلاس وورك
المياجر: كومون لكن ما شاء الله يعطيك نصايح حلوة قبل المياجر وتصححيه لك عليه شديد شوي
الفاينلات :كومون
القريد النهائي: ب+
الصوت:واضح
إضافات : اذا انك كويس بالماث فانصحك فيه لكن اذا انك منت متمكن بالماث فهذا الاستاذ راح يعقدها عليك وبالنسبة للكلاس ورك انا كنت استحق 16 لكن خلاها لي 36 والسبب المياجر على حسب مياجرك يزودك لانه بالاخير غصبا عنه راح يزود الطلاب عشان يخليها بين 23 و 29 وهو خلاها 29 لكن مب كل الناس زودهم كثير من اخوياني اخذو درجتهم اللي يستاهلونها 10 او 14

 

152 Math102

التحضير :بداية الكلاس ولو تتاخر 3 دقايق ليت و 10 غايب ومهما سويت ما يغيرها
طريقة الشرح : شرحه حلو ولكن لاحظت انه اللي متمكنين من الرياضيات واساساتهم تمام مع ذا الاستاذ اتوقع لهم أ+ او أ واللي اساسياتهم مش ولا بد راح يضيعون بشرحه وللاسف راح يخبصون بالمياجر والفاينل الا من رحم ربي لانه أبد ما يرجع يشرح للاشياء القديمه وهذا من ححقه
الكويزات : نار انا اخذت أ+ بماث101 لكن افرج كوزاتي من 6 او 7 كوزات كان تقريبا 4 وهذا راح ياثر على الكلاس وورك
المياجر: كومون لكن ما شاء الله يعطيك نصايح حلوة قبل المياجر وتصححيه لك عليه شديد شوي
الفاينلات :كومون
القريد النهائي: ب+
الصوت:واضح
إضافات : اذا انك كويس بالماث فانصحك فيه لكن اذا انك منت متمكن بالماث فهذا الاستاذ راح يعقدها عليك وبالنسبة للكلاس ورك انا كنت استحق 16 لكن خلاها لي 36 والسبب المياجر على حسب مياجرك يزودك لانه بالاخير غصبا عنه راح يزود الطلاب عشان يخليها بين 23 و 29 وهو خلاها 29 لكن مب كل الناس زودهم كثير من اخوياني اخذو درجتهم اللي يستاهلونها 10 او 14

 

MATH102 - T152

التحضير : يومياً ينادي بالسيريال نمبر
طريقة الشرح : يكتب القانون ويحل عليه أمثلة ليين تطفش ... عادةً تكون متدرجة في الصعوبة
الكويزات : صعبة للأمانة وتحتاج مذاكرة جيدة
المياجر: -
الفاينلات : -
القريد النهائي: B+
الصوت: واضح
إضافات : -الدكتور متمكن من الماث ماشاءالله تبارك الله ونوتته جداً خرافية
-تحس إنه جو الكلاس معاه يكون متوتر ، الدكتور مستعجل في الشرح ويحاول يقفط الطلاب اللي ما يفهموا معاه والطلاب قاعدين يفكروا يسألوا وإلا ما يسألوا ... هذا الشيء اللي ما ناسبني للأمانة مع الدكتور ، يعني هو كان يبغى الطلاب يسألوا ودايماً يقول ، لكن مع الجو المتوتر ، محد يسأل إلا نادراً
-أخلاق الدكتور أفضل بكثير في الأوفيس من الكلاس ... في الكلاس الوضع ربكة شويتين

 

رايكم فيه ب١٠١ السنه الي راحت والي قبلها منزل عنده الترم الجاي ومتخوف من كلامكم نبي معلومات اكثر

 

ما ادري وش الفائدة من هالردود المبهمة، تكذب أغلب الردود في هالموضوع بدون ما تذكر السبب؟ :/

التحضير: بداية كل كلاس، حرفياً في البداية، يجي قبل الكلاس بخمس دقايق تراه و يحضر اول يبدأ الكلاس، يعيد قراءة الاسماء بعد ما يخلص، اذا جيت بعدها متأخر و يحذرك من تكرار هالشيء في نهاية الكلاس.

الكويزات: أصعب من المياجر في نظري خخ، و يمكن هذا أفضل شيء فيه، كنت اكره الكويزات لانها صعبة جداً جداً، بس أحس صعوبتها هي الي خلتني اجتاز المياجر و الفاينل

الشرح: صحيح انه ممكن يكون سريع شوي، بس ما عنده مشكلة يعيد اذا أحد سأله، بالعكس من أكثر الاشياء الي يكررها "أحد مو فاهم؟"، و يزعل اوقات كثيرة لما يحس الكلاس مو فاهمين معه و يجلسون يسلكون له، هو اسلوبه يخوف و حماسي بزيادة لذلك الاغلب يخافون يسألون، لكنه طيب جداً، اذا عندك سؤال اسأل، حتى لو رفع صوته او كان متوتر و هو يشرح لك اعرف ان نيته أصلاً طيبة و يهتم جداً بفهم الطالب

اضافات: الكالكيولس مسبب لي عقدة، يالله عديت 101 و أخذت F في 102 أول مرة أخذته، المرة الثانية كانت مع الدكتور محمد و ما اتوقع كان ممكن اعدي لولا الله ثم هو، شرحه ممتاز حتى للناس الي مثلي يقفل مخهم لما يشوفون الاعداد تتراكم فوق بعض، و في الكلاس وورك أعطاني درجة ما كنت متوقعها و بصراحة ما استاهلها بناءً على شغلي -أعلى درجة في كويز كانت 5 من 10 خخ-، الله يجزاه خير و اتوقع الناس الي فعلاً فاهمة في المادة راح تستفيد منه أكثر و أكثر

 

شرحه بطل بطل بطل بس مشكلته سريع في الشرح وكويزاته صعبة شوي

عموماً أنصح به لأنه شخص محترم ويعرف يشرح ومتعاون مع الطلاب

اذا واجهتك صعوبة في الماث اكتب اسم الدرس باليوتيوب وبتحصل مقاطع كثيرة مفيدة

 

MATH102 /153

التحضير : بداية كل كلاس , و يحضر نهاية الكلاس المتأخرين .. تدخل بعد ما يحضر ليت على طول ..
طريقة الشرح : أفضل مدرس درسني إلى حد الآن كشرح , إذا ركزت معه مستحيل ما تفهم , الإنسان هذا مخلص في تدريسه بشكل ما يتصور , يعطيك أمثلة و تمارين على كل سيكشن إلين تطفش , حريص جدا على فهم الطالب , يطقطق بعض الأحيان وفلاوي ..
الكويزات : صعبة وبعضها يكون متوسط و تصحيحه شديد , لكن في نهاية الترم يرفع الكلاس وورك رفعه جامدة , أنا رفعني أربع درجات من 10 , الآفرج ع الأغلب يكون عنده 7.5 من 10
المياجر : طبعا الميجر الثاني هو ريتين , تصحيحه يختلف بشكل كبير عن الكويزات , يعني أحسه ما يبغى يظلم أحد في المياجر , فأشوف تصحيحه كويس ولا هو على قد كلام الشباب اللي قبلي
الفاينال : كومن
الصوت : واضح , و يحاول يجعل الكلاس كله مركز معه , الشرح أغلبه عربي ..
القريد النهائي : A+ بقوة بعد .. نادرا تلقى مثل إخلاصه وحرصه في الجامعة
إضافات : إذا لقيته سجل عنده و أنت مغمض , و أنصح فيه للي يعتمد على الشرح , راح تفهم و تحل زين في المياجر والفاينال وراح يرفعك في الكلاس وورك وش باقي تبغى ؟

 

Math 101 Term 161
التحضير: تحضير بداية الكلاس وبالدقيقة ، غالبا اذا دخلت الكلاس وخلص محضر يغيبك عن المحاضرة
طريقة الشرح: يكتب على السبورة ، نوتاته حلوة ومفيدة إذا بتكتب وراه ، يشرح الكونسيبت ويحل أمثلة ، شرحه ممتاز بس يعيبه سرعته ، وماعنده مشكلة أنك تسأله بالعكس يفرح
الكويزات: ست كويزات من متوسطة إلى صعبة ومتعاون مع الطلاب من ناحية اختيار الوقت
المياجر : كومن
الفاينلات : كومن
الصوت : واضح جدا ، واغلب شرحه بالعربي
إضافات : يعيبه أخلاقه ورده ع بعض الطلاب يحرج وأحيانا يحرج الطالب وهذا الشي اللي خلاني أندم اسجل عنده ، بالإضافة انه شديد بالغياب ، غالبا يحط أول غيابين فري والباقي يخصم من الكلاس وورك ، احيانا اذا بغيت تتفاهم معه بموضوع ماتوصلون لحل ويزبد كثير ، بالنبة للكلاس وورك أنا ماعجبتني طريقة توزيعه للدرجات رغم إني طلعت بدرجة عالية ، أحس فيها ظلم للطلاب ، البعض ياخذ بونص عالي والبعض وسط وفيه ناس ماتاخذ
القريد النهائي: B+

 

MATH101-161
​

التحضير: قبل ما تبدأ المحاضرة بدقيقة و إذا دخلت بعد التحضير غايب ودقيق جدًا بالوقت

طريقة الشرح: يكتب نوت عالسبورة: يبدأ بالكونسبت ويحل اسألة عليه وأشوف هذي افضل طريقة ممكن تشرح فيها

الكويزات: متوسطة

المياجر: --
الفاينلات: --

القريد النهائي: A

الصوت: واضح

إضافات: دفني بالكلاسوورك دف مب طبيعي. عيبه وللأسف اخلاقه، ترا الكلمه الطيبه ببلاش. عمومًا لو حصل لي بنزل عنده وأنا مغمض..​

​

 

MATH101 Term 161 ​

التحضير : شديد جدًا بالتحضير بعد دقيقة من بداية الكلاس انت غايب .

طريقة الشرح : شرحه بطل لكن يعيبه السرعة في الشرح ، يكتب نوت عالسبورة ممتازة جدا .

الكويزات : ٦ كويزات في الترم متوسطة مايلة للصعوبة .

التصحيح : يعطيك حقك بالملّي .

القريد النهائي: A

الصوت: واضح جدا

إضافات :
- إذا انت راعي تأخير لا تنزل عنده أبد .
- عنده حسبة غريبة للكلاس وورك ، لكن اذا عندك غيابين أو أقل راح يرفعك كثيير .
- بعض الأحيان يحرج الطالب في أشياء مالها داعي .
- من أفضل المدرسين " شرحًا " .

 

أخذت عنده MATH 102 ترم 162

التحضير :
يجي الكلاس قبل المحاضرة ب5 دقايق ويحضر أول ما تبدأ المحاضرة، يعني لو كلاسك يبدأ الساعة 9:00، ما تجي 9:01 إلا هو مخلص التحضير.
اللي يجي متأخر غياب.

طريقة الشرح :
يكتب نوت على السبورة ويشرح، شرحه جدًا ممتاز ويوصل المعلومة، لكن عيبه إنه شوي سريع.

الكويزات :
عطانا تقريبًا 6 كويزات وحذف أسوأ كويز، الكويزات فيه سهل وفيه متوسط وفيه صعب وواحد جا حريقة (أغلب طلاب السكشن جابوا 0).

المياجر:
كومون

الفاينلات :
كومون

القريد النهائي:
A

الصوت:
واضح وعالي وما يجيب النوم.

إضافات :
1- أعتبر دكتور محمد من أفضل الدكاترة اللي درسوني ماث، أحيانًا شوي يشد على الطلاب لكنه لمصلحتهم.
2- إذا كنت راعي تأخير أو سحبات لا تنزل عنده أبد.
3- إذا تبي تضمن درجة عالية في الكلاس وورك لا تغيب ولا محاضرة، هو في بداية السمستر راح يقول لك إن غيابك ما راح ينقصك شيء من الكلاس وورك، وإذا جبت درجة كاملة في الكويزات بتأخذ فل في الكلاس ورك، هو صح ما راح ينقصك شيء بسبة غياباتك، لكن أظن من شبه المستحيل إنك تجيب فل في كل الكويزات، فبتكون محتاج للبونص بعدين. أنا الحمد لله طلعت وأنا راضي عن درجة الكلاس وورك اللي أعطاني إياها تمام الرضا، لكن لو كنت تغيب ومستواك نازل ما أظن إنك بتكون راضي. حسبته للبونص بعدين كالآتي:
The less absences you have and the more scores you have, the more bonus you will get.
كل ما كانت غياباتك أقل، ودرجاتك أعلى كل ما كان البونص اللي بتأخذه أكبر، والغيابات لها Big consideration لما يجي يحسب البونص.
يعني نقدر نقول لو ما عندك ولا غياب إن شاء الله ضامن فوق ال30 من 40 .. لذلك قلت اللي راعي تأخير وسحبات لا ينزل عنده لأن راح يحس إنه مظلوم في حسبة الكلاس وورك بعدين بسبة الغيابات.
4- عمومًا دكتور محمد أبو شوشة هو من أفضل الدكاترة لكن أظن البعض ما راح يناسبه حسبته للكلاس وورك لذلك حبيت أوضح هالشغلة، عن نفسي لو بيدي نزلت كل كورسات الماث عنده، بس للأسف ما يدرّس إلا 101 و102 .

الله يوفقه وين ما كان

 

Math 102 term 162
التحضير : في بداية الكلاس , يجي قبل الكلاس بفترة يكتب أمثلة وبعدها ينتظر أول مايبدا الكلاس يبدأ يقرا الاسامي بسرعة ,يخلص تحضير تقريبا في دقيقة .

طريقة الشرح :شرح سريع وجبار، في البداية يشرح فكرة الدرس و يشتق القوانين بعدها علطول يبدا في الأمثلة وفي بعض الاحيان يذكر تطبيقات للدرس .

الكويزات : متوسطة مائلة للصعوبة ،كل اسبوع فردي (every odd week ), كانت 6 كويزات بس واحد كان عليه 20 درجة 10 درجات منها بونص ,حسبة الكلاس وورك كانت كالتالي : 40*(60/(sum of all quizzes )) .

القريد النهائي:A++++

الصوت: واضح جدا

إضافات :
- الدكتور يقدر الوقت بشدة ,لو يبقى في الكلاس دقيقتين يروح يعطيك مثال فيها،ويحل أمثلة كثييييير .
- نصيحة بعدما يشرح الكونسبت بتشوف انه كاتب بعض الأمثلة حاول تحلها قبله بعدين قارن حلك مع حله .
-الدكتور يعصب بقوة اذا محد شارك ، عصب علينا وعطانا كويز طويل مرره .
-كلاسه ممتع واطلع منه بفايدة على عكس معظم المواد الثانية .

 

MATH 101 163
التحضير يقرا القائمه مرتين بعده انت غايب
الشرح ممتاز جدا
الكوزات افكار اساسيه من الدروس تكون سهله الى متوسطه وافكارها جميله تجهزك الى الميجر
الصوت واضح جدا ويشطح شوي عربي
القريد النهائي A++++++++
الدكتور محمد الله يحفظه شديد في التحضير لاسباب في مصلحه الطالب ويحب الطالب المهتمين
ما يخليك تطلع من الميجر او الفاينل الا اذا حليت كل الاسئله او انت متاكد اذا خمنت اي سؤال
يقول الك حاول تحله يبغا تبذل اقصى طاقتك في الكورس اخيرا بفضل الله ثم فضله A+في الكورس

 

Math 101 - 171

التحضير يحضّر في أول دقيقتين تقريباَ, بعد ما يخلص التحضير يعيد الاسماء عشان لو فيه احد جاء متأخر.​

طريقة الشرح : شخص مطنوخ في شرح الأفكار + يغرقك بحل الاسئلة ( نادر تلاقي شخص يجمع بين الثنتين هذي )
الكويزات : متوسطة الصعوبة.
المياجر: كومن
الفاينلات : كومن
القريد النهائي: A++++++
الصوت: واضح جداً
إضافات :​

1- مشكلة الكويزات عنده في الوقت وليست الصعوبة.
2- حريص جداَ على فهم الطالب فإذا شافك مسرّح او على وجهك علامة عدم الفهم ممكن يكلمك بنبرة صوت عالية فلا تفهم انه فاصل عليك,
بالعكس من حرصه يبي الكل يطلع فاهم, يستقبل اي سؤال.
3- إذا انت حريص معه ما بتواجه صعوبة في المياجر ان شاء الله لأنه يشرح اغلب الافكار اذا مو كلها.
4- حاول تكتب كل شي يكتبه على السبورة, طبعاَ ممكن ما تلحق لانه سريع في الشرح فصّور واذا رجعت الغرفة انقله, النوت اللي كتبته
معه كان المصدر الوحيد لمذاكرتي, وبعد توفيق الله طلعت بقريد ممتاز.​

 

MATH 101-171
التحضير :
جدددا شدييييد وكان للأسف اول كلاس ليا في دوامي فكان مسببلي أزمة فحياتي ، واتسجلي غيابات كثير بسبب اني اتاخر دقيقة او دقيقتين بسبب الباص .. بس لاحظت انه غيابات الرزيتيشن اللي اتسجلت ما اخدها ولا اهتم انه ياخدها (بس انتبه في ترم 171 كان يدرسنا واحد هندي الرزتيشن لكن في الفصل الجديد 172 صار حتى الرزتيشن يدرسها ابو شوشة مع اللكتشر برضو فلا تعتمد على اخر نقطة)
طريقة الشرح :
جباااارة والجبار الله وبشهادة كل اللي سجلو معاه .. بس مشكلته يكتب ويمسح بسرعة واللي يكتب نوت مابيلحق الا اذا يصور وينقلها بعدين
الكويزات :
صعععبة مع اني اعترف اني كنت اخذ 0 وسالب واحد لكن الدوافير كانت درجاتهم ٣-٦ وغير انه تصحيحه سيييء لانه يبغا خطوة بخطوة حتى لو الناتج صح والطريقة غلط يعطيك صفر ، وعلى ترمنا ما اعتمد عالغيابات زي الاترام الماضية فالبونص وقلنا اللي عنده 11 غياب زي اللي عنده غياب واحد مافي فرق بينهم واعتمد البونص على سلوكك واهتمامك بالحضور فالاوفس اور وكويزاتك
المياجر:
كومون
الفاينلات :
كومون
القريد النهائي:
A
الصوت:
لهجة اهل الغربية
إضافات :
عشان اكون معاكم صريح اذا انتا مهتم فالمادة وحريص وداخل عشان تجيب قرييد عاالي فانا انصحك فيه ، لكن اذا انتا مو من النوع دا وداخل عشان تنجح ولا قريد متوسط فلا تغلط غلطتي لانه كل اللي كان يمدحلي فيه دوافير ولو بيدي ماكنت نزلت عنده

 

عادي احضر له كمستمع ؟ او ما يرضى

 

التحضير : سيئ متشدد في الحضور التحضير بداية المحاضرة ٩ بالضبط بعد ما يقرا الاسامي مرتين خلاص غايب لكن فيه شي غريب اتذكر مرتين حضرت وهو يقرا الاسامي حطني غياب سلامات ؟ ومرة من المرات اخذ التحضير الساعة ٩:٥٨ لدرجة ان اللي حضروا الساعة ١٠ حط لهم غياب ههههههههههههههههههههههههههههههههههههه سلامات ؟!
الشرح : شرح سيئ تحسه يقرأ كتاب او مجلة وهو يشرح وسريع مرة لدرجة انه خلص باول اسبوع ٥.٢ ؟ ويوم الميجر الاول كان يشرح 7.3 ! مدري وش راح استفيد اذا كنت متقدم بالدروس ! حتى الاسالة اللي يحلها مسائل الكتاب المحلولة بالاحمر اللي سهلة ومافيها اي تعقيد يعني المسائل اللي فيها تريكات ولعب عليك انت !!! لكن للامانة كان يعطي اسالة نهاية المحاضرة يقول حلوها بالبيت مدري ماعمري حليتها بصراحة طبعا الكورس كاملا كنت معتمد فيه على مقاطع البلاكبورد وانتهى بحذف الترم بسبب اني كنت اعطي الرياضيات اكثر وقتي والمواد الثانية XXXXXX
الكويزات : حريقة حريقة وتصحيحه حريقة ممكن تكتب ٤ خطوات وبالخطوة الاخيرة فيه خطا لاتستغرب اذا عطاك صفر او واحد

 

التحضير : بكل اختصار تدخل بعد المحاضرة بدقيقة غايب
الشرح : ممتاز لكن سريع بشكل غير طبيعي الطبشورة تتكسر من يده ويكمل ويكتب بسرعه
تلهى عن شرحة دقيقتين تضيع طول المحاضرة
الاسئلة يتقبلها لكن يفشلك قدام الطلاب اذا سالت سؤال مو كويس , احيانا اخجل اني اسأل للأسف
الدكتور يمدحونه الطلاب بشكل كبير لكن ماناسبني , انا كويس بالماث وشديت حيلي نزلت عنده وجبت قريد اقل من طموحي وماادري اذا السبب منه او مني

أسوأ عيب فيه انه صارم بشكل سيء جدا ومو متساهل مع الطلاب أبدا وعصبي
اذا انت طالب اونر وتضمن انك ماتتاخر وتركز معه بشكل غير منقطع طول الكلاس ومنتظم وماتخطي نزل عنده
اذا تفتقد اي وحده من اللي فوق لاتنزل عنده نصيييييحه