فهد السماعيل

مدرس لاب 360

مدرس ممتاز ويريحك في اللاب لآخر درجــة
اللاب معــه ما كأنك منزل لاب ..
من ناحية الفهم فهو ما يقصر يشرح اللي يقدر عليه ويساعد الطلاب باللي يقدر عليــه

الكويزات سهلــة والفاينل برضو سهل ولكن في الأخير هي مسألة أفرج ,,

أفرجنا كان فوق 16 ونزلنا كلنــا

أنصح فيــه وبشدة لأنــه متساهل جدآ ومتعاون مع الطلاب ,,

 

مدرس رائع .. طيب ومتعاون ويسهل عليك اللاب والتجارب وكويزاته والفاينل سهل جدا

محبوب ومحترم جدا .. يحرجك من طيبة تعامله معك ..

في التجربة سوي الي يقولك عليه بالضبط .. وتطلع .. حتى لو خلصت التجربة في نص ساعه

أهم شي بس لا تتأخر عنده لأنه يحضر أول دقيقتين

طبعا في كورس 360

الله يوفق الجميع

 

مدرس اكثر من رائع معاه كانك مو منزل لاب اخذت لاب 360 معاه
لدرجة انه مره قلنا لا تحضروا الاربع الاسابيع القادمة (اثنين منهم اوف اساسا واثنين دمجهم مع لابات اخرى)
الريبورتات افضل شي عنده كل اربع او خمسة يسلمون ريبورت واحد (كل طالب يسوي ريبورت بالشهر) واغلب القروبات يجيبون فل فيها
الفاينل جدا جدا سهل
كويزات مافي
افرجنا كان 17 ونص واضطر ينزل كل طالب درجتين ونص (اعلى واحد جاب 17 ونص واقل واحد 13 ونص)
تقييمي له a+

ملاحظة : لا انصح فيه للدوافير اللي يبغون فل باللاب ويدورون الكرف

 

ممتاز من كل النواحي
ما عدا الشرح !

تطلع من اللاب مثل ما دخلت
ومادة مهمه مثل الـ 360، لازم مدرس ممتاز

 

EE306 Lab - T171

التحضير : بداية الكلاس ينادي الأسماء و ماعنده مشكلة تتأخر شوي، ما أدري إذا يسمح بالميك أب لكنه حبيب ممكن يقنع إذا عندك عذر مقنع

طريقة الشرح : بداية اللاب يشرح الكونسبت و التجربة باختصار، بشكل عام شرحه عادي

الكويزات :
أعطانا كويزين ورقيين، الأول أسهل من الثاني و كل واحد عليه 2%
أعطانا تجربتين تست سهلات مرة نسخ لصق من تجارب اللاب، باختصار تشبك السركت و بعدين تسوي إعدادات الكاسي و بعدها يسألك كم سؤال
الفاينل كان صعب شوي
بالنسبة لكتابة الريبورتات ركز مع الدكتور في أول لاب لأنه في أشياء محددة يطلبها
*عشان تحل زين بالكويز و الفاينل لازم تحفظ القوانين بالمانيوال ممكن تجي أسئلة عليها، ممكن تجي أسئلة على قرافات مثلًا يقولك أي وحدة للفولت VS الكرنت في الحالة الفلانية، ولا يقولك القراف الفلاني لأي موتر ولا جنريتور
*الريبورت لازم تكتب فيه انترودكشن و اوبجكتف و بروسيدجر و الحسابات حقت المانيوال و الكونكلوجن، شخصيًا كنت اكتب كونكلوجن و بروسيدجر و انترودكشن قصير و سريع مرة مايهتم له كثير، و الأوبجكتف أنسخها من المانيوال و الكالكوليشنز أهم شي و أكثر شي يركز عليه بالتصحيح و أهم شي تكون كل الخطوات واضحة و محلولة (حتى لو غلط يمشيها لك) و مهم جدًا تحت كل قراف تكتب كومنت و تسمي الرسمة

المياجر: -

الفاينلات : -

القريد النهائي: أتركه لكم

الصوت: واضح جدًا، الدكتور سعودي

إضافات :

إيجابيات

---

حبيب و محترم و مبتسم و شغوف و مجتهد
يرحب فيك بالمكتب
تصحيحه سريع
متعاون شوي بالتحضير
متعاون بموعد (Deadline) تسليم الريبورت، يعني مثلًا بإسبوع الميجر أجله لنا
يسمح باستخدام الإكسل بدل برنامج الكاسي السيء

سلبيات

---

في يوم اختبار التجربة كنا نقعد برا بالساعات أحيانًا مع أنه طلبنا منه يسوي جدول مقسم إلى مجموعات و يرسله لنا، بحيث كل مجموعة تجي بوقت محدد بدل تضييع الوقت
الوقت اللي يعطيه لنا في الاختبارات قليل سواء تجربة أو ورقي
مو متعاون بتسليم الريبورت في موعده (لا هذه ما تناقض الفقرة اللي قبل)... يعني إذا جاء موعد التسليم لازم تسلمه

نصيحة أخيرة: لا تنقل شي من زميلك أو من مصادر ثانية إلا إذا أنت مستعد تتعرض للعقاب، العقاب ممكن يكون خصم درجات باللاب و قد يصل إلى F بالمادة
سوي ريبورتك بنفسك لمصلحتك، لأنه القسم "فعليًأ" يقعد يقارن بين الريبورتات و يشوف إذا أحد ناقل من أحد و ياخذها من الدكتور كل أسبوع

السيلابس رفعته بالريسورسيز

و إن شاء الله ما نسيت شي

 

دكتور متمكن اخذت معاه Power system analysis
على الرغم انه جديد على تدريس المحاضرات الا انه متمكن و متعاون من ناحية تحديد موعد الميجر... وهذه نقطة ايجابية لان الطلاب بيختبروا وهم مرتاحين والضغط مخفف عنهم... يشرح جميع النقاط والاسئلة ماتبعد عن مستوى الشرح

 

شباب كيفه في التصحيح ؟؟؟؟
متساهل ولا ؟؟

 

EE202 182
التحضير : يحضر كل يوم بالبلاكبورد عشان تشوف حضورك وغيابك اي يوم لكن اخر ثلاث اسابيع ماصار يحضر
طريقة الشرح : يقرا السلايدات وللاسف السلايدات محشورة شوي ومو منظمة وشرحه مو كويس مرة
الكويزات : كويزات خيارات يا 0 يا 5 كل سؤال حتى لو خطواتك صح هو عليه من الاختيار اللي مختاره انت
المياجر: كومن MCQ
الفاينلات : كومن MCQ
القريد النهائي: C لانه انسان بشوش
الصوت: واضح
إضافات : مادة مهمة الصراحو وللاسف اضطريت اخليها سيلف ستدي