وظائف المؤسسة العامة للري و الصرف - 1439 ( معلومات عن الراتب و الاختبار )

المتقدمين على وظائف مؤسسة الري

 

تفضل
Eng. Abdulaziz.zh on Twitter

 

الوظائف هذي في الأحساء لكن المؤسسة عندها فروع في
القطيف
الأفلاج
دومة الجندل

 

السلام عليكم ، أتمنى تشاركونا الأسئلة الي جاتكم بحيث الدفعات القادمة تستفيد بالإضافة أن الاختبار كان من قياس فإحتمال كبير هذا الاختبار يكون مشابه لاختبارات مؤسسات وجهات حكومية ثانية.

هذي تجربتي في الاختبار - قسم هندسة كهربائية :
- الاختبار مدته 3 ساعات كاملة و الأسئلة عددها 50 ومافي إلا قسم واحد ـ يعني عكس اختبار القدرات الي تكون الاسئلة مثل 100 مقسمة على 4 اقسام.
- الاختبار كان مكتوب عليه ( مقياس المخرجات الهندسية ) فإذا حاب تستعد للاختبار اسئل الشباب الي دخلوا اختبار مخرجات التعليم العالي
- الاختبار باللغة الانجليزية بالرغم إن الموقع كان مكتوب إنه بيكون بالعربي
- فيه نماذج لكن للأسف ما علموا عنها الشباب إلا متأخر وهي من اختبار قياس للمهندسين وفيه نماذج أسئلة لأغلب التخصصات الهندسية & مقياس مخرجات التعليم العالي
مقياس مخرجات التعليم العالي – التخصصات الهندسية
اختبارات الهيئة السعودية للمهندسين

- اختبار اليوم الصراحة اشوفه متوسط مايل للصعوبة ويحتاج مذاكرة وحفظ للقوانين ( للأسف ماكان فيه فورملا شيت ، عشان ما أظلمهم ، اذا السؤال يحتاج معادلة معينة فيكتبونها لك في نهاية الاختبار في ال references لكن ماكان فيه الا 3 معادلات .
المشكلة إن الي تخصصه كنترول او كوميونكيشن او اي تخصص دقيق راح يتعب لأن الاختبار لشامل وفيه عن الباور و أشياء ما خذناها ،

الأسئلة الي جاتني :

- يعطيك سيركت ويقول لك هل هذي HP filter h, LP filter , Band filter فنصيحة ياشباب حفظوا السيركت للفيلترز
- سؤال احسب ال thevenin equivalent voltage and resistance
- يكتب له ديفرنشال ايكويشن ويقولك حولها باللابلاس
- يعطيك معادلة و يسألك كيف بتكون لو كتبناها بالماتلاب ، طبعا عند 4 خيارات كل خيار هو عبارة عن كود وانت تختار الكود الصحيح ( انتبه في الاشارات )
- 1/s+1 ( باللابلاس ) يسألك هل هو LP filter او Band reject filter او ...
- يعطيك bode plot ويقولك اوجد transfer function
- فيه 3 أسئلة توجد فيها قيمة الفولتج بطريقة Nodal
- فيه كم سؤال عن Nyquist frequency
- ركزوا على y و delta connection وكيف تحسب per phase current & voltage ( تثريبا 7 أسئلة كانت عليها )
- كيف تحسب ال power factor وكم لازم تكون قيمة الكباستور لو تبي ترفع الباور فاكتور
- ايش الفايدة من ال grounding
- لو في السيستم load كان unbalanced كم بيكون الكرنت في النيوترال واير.
- يعطيك اكثر من ديجيتال سيركت ويقولك لك أي وحدة منها هي الصحيح لو نبي نحول من 3 bit إلى 2 bits
- اختر السيركت المناسب لو بنصمم 8*1 multiplexer من 4*1 multiplexer
- يعطيك op amp circuits ويعطيك الاوتبوت ويطلب منك مثلا تحدد قيمة المقاومة او الكباستور ، الي جانا كان عبار عن integrator و طلب قيمة R
- سأل ايش هو الافرج باور ل sine - الجواب صفر و ان شاء الله اني ماني غلطان
- فيه سؤال لو عندك موتور 100kv ويدور بسرعة 1000 دورة في الدقيقة ، و المقاومة هي 100 + 1 اوم كيف تقدر تزيد سرعته إلى 2000 دورة في الدقيقة
هل نضيف ريستور إلى armature او shunt field وكم قيمة الرزيستر ؟
- يعطيك قيم للاندكتر و الكباستور ويطلب الريزونانس فريكوينسي.
- فيه سؤال كان لو attenuation بيكون 3 db و receiving signal is 1W كم لازم تكون الموجة الي نرسلها ؟
- لو بين لوحين كنا مخلين هواء واستبدلنا الهواء بمادة ثانية ، ايش راح يصير للالكتريك فيلد ( طبعا هو مخلي ارقام لكن هذي فكرة السؤال )
- لو كان فيه تيارين في نفس الاتجاه ، ايش بتكون القوة الي تأثر عليهم ( attractive - repulsive - 0 - same as I )

هذا الي اذكره ، واذا حصلت شي ، او الشباب ارسلوا شي في قروب التليقرام إن شاء الله راح انزله في هذا الموضوع
واسف على الكلمات الانجليزية الي كاتبها بالعربي لكن زهقت من التحويل للانجليزي والعربي

بالتوفيق ياشباب

 

واحد من الشباب مقدم عليهم تخصصه موارد بشرية وصلته رسالة لرفع بعض الأوراق مثل الشهادة والترانسكربيت على الموقع.
ياليت الي توصله اي رسالة منهم سواء رفض او قبول خاصة للتخصصات الهندسية ، ينبهنا هنا أو في قروب التليقرام لأنهم الظاهر إنهم مايردون بالرفض.