وش اللي يحدد قبولك في ارامكو

هم ما يرسلون لك الفحص الطبي الا اذا كنت مقبول

 

مو شرط حبيبي
انا عطوني الفحص الطبي و الbi و ال co

و بعدها ارسلوا لي رسالة اني مرفوض من المقابلة

 

الخيره فيما اختاره الله

 

ممكن يرفضوك حتى من الفحص الطبي
سمعت عن واحد قبل 10 سنوات عدى المقابله ورفضوه لان ما معه الا خصوه وحده
القصه حقيقه .... ما هي مزح

ارامكو عيبها تبحث عن الكماليات وعن اشخاص ما يعرفون يقولون لا
يعني يبون ناس مثل الصلصال يشكلونه على كيفهم

وبعدين الفتره الاخيره هذي خاصه الخمس سنوات اللي راحت
لاحضت كل اللي ينقبلون عيال نعمه ما شافوا الشقاء
وكلهم يعرفون بعض ومتوظفين على اساس برستيج لا غير

قد عمرك شفت احد موظف ارامكو من عائله على قد حالها
وفجاءة صار موظف عندهم......ما فيه الا من الجيل القديم اللي في التسعينات
اما الان كلهم تقول طالعين من قراطيس مغلفه

كل شي بيد الله ...... والرزق يجيك من الله
والحمدلله على كل حال

 

حصولك على الأوفر



-----------
الأخ (جنوبي) أحسّ وصفك ظالم .. أو يعتمد على طريقتك لتصنيف الناس عيال نعمة ... لكن بشكل عام انا اشوف انه مافيش معارف لأغلب المتوظّفين ومو شرط انهم عيال نعمة ...

 

انا بعد ما تواصلت معاهم و سألتهم كان الرفض من الفحص الطبي

قالوا ،، دام جاتك رسالة ان الرفض من المقابله ، معناها انت ما اجتزتها ..
سألتهم ليه طيب سويت فحص طبي .. ما حصلت منهم جواب

الحمدلله .. انا حاليا متوظف و لا افكر في هالموضوع كثير.. لكن رسالتي ان ما في شيء مضمون انك انقبلت الا اذا وقعت العقد

 

صحيح الكلام .

المقابلة والفحص والفيرتفيكشين تيست وال bi وال co لا تربطهم علاقة ولاهم جايين بالتدرج in series .

قد تجتازهم جميعا وقد تسقط في واحدة فيهم .

هذا الا فهمته من رسالتهم .

دعواتكم ياشباب .

بالتوفيق

 

ولكن في شباب جاهم الرفض واخرين جاهم الفحص الطبي وباقي الاجراءات في نفس اليوم . مادري لو هذا الشي يكون حسب الادارة ام معناه اجتياز المقابلة بالنسبه للي جاهم الفحص الطبي .

 

إذا صارت البطاقة بيدك وقتها ممكن ترتاح نفسياً وتقول توظفت بأرامكو
لأنهم ممكن يخلوك تسوي كل شيء وتتجاوز كل المراحل بنجاح بعدين يقولون لك معليش ما فيه وظيفة!! لكن طالما قاعدين يطلبون منك إما فحص أو سجل أو bi فلا تقطع الأمل ..
والله يوفقنا جميعاً

 

شوف يالغالي من الآخر ..... اذا الإدارة الي سوو معك مقابلة تبيك ..... انتهى الموضوع حتنقبل بإذن الله حتى لو كنت معوق ..... الفحص الطبي وآل bi كلها إجراءات روتينية .... حتى لكونت مريض أو مسوي عمليه هاذي مؤ مشكله اذا الإدارة مواقفه عليك..... بالتوفيق

 

ايه شفت كثير

مشكله ارامكو بروسس التوظيف مره بطيء ومعقد
الاقسام بشكل عام تحتاج وبقوه بعد تحتاج موظفين في الفتره الحالية
وبالعكس حاليا جالسين يوظفون وبس ، يمكن اكبر عملية توظيف في تاريخ ارامكو كلها

 

يا شباب انا سويت مقابلة وبعدها ارسلو لي biو تحديد مكان ووقت الفحص الطبي بس في نفس الوقت قالو لي انه الى الان القسم اللي سويت معاه مقابلة مارد عليهم رفض او قبول بس قال لي موظف احتمال انك مقبول بنسبة 80 في المية لان اسمك ما كان في قائمة المرفوضين
سؤالي الان هل الفحص الطبي يعتبر دليل على القبول او مجرد خطوة في البروسس حق التوظيف ؟؟؟
شباب رايكم لو سمحتوا

 

الله يزيدهم من واسع فضله امين

ما هو حسد ولا شي

يمكن استخدمت تعبير خاطئ اللي قصدي
في عوائل ما شاء الله معروفه في المنطقه الشرقيه
يستغلون اسمهم في توظيف ابناءهم وايصالهم مناصب في ارامكو
يعني ابناء المناطق الاخرى يتوظف في ارامكو صح
بس ما يوصلونه مناصب

كل المدراء والمناصب العاليه في الهرم لابناء هذه العوائل


الله يكتب ما فيه الخير للجميع ويرزقنا واياكم من واسع فضله
والله يسامحنا ان كنا تعدينا على احد

 

أرامكو عندك معارف تتوظف ماعندك انت وحضك

انا مهندس ميكانيكي معي واحد تخرج نفس معدلي توظف مباشرة بعد التخرج علشان ابوه يعرف فلان وفلان
وانا باقي نايم هههههههه

لاكن الواحد يتوكل علي الله ويؤمن بقضاء الله وقدرة
الله يوفقكم شباب

 

والله هذي مشكلة حــــرف الواو

ناس تجتهد وتجيب اعلى الدرجات واخر شيء قعده في البيت على فيس بوك - وآتساب - انستغرام - كيك - توتير الى ما لا نهاية

الله يكون في عون الجميع وهذا شعر من العصر العباسي

تَوكلْتُ في رِزْقي عَلَى اللَّهِ خَالقي ...... وأيقنتُ أنَّ اللهَ لا شكٌ رازقي
وما يكُ من رزقي فليسَ يفوتني ....... وَلَو كَانَ في قَاع البَحَارِ الغَوامِقِ
سيأتي بهِ اللهُ العظيمُ بفضلهِ ....... ولو لم يكن مني اللسانُ بناطقِ
ففي أي شيءٍ تذهبُ النفسُ حسرة ً ...... وَقَدْ قَسَمَ الرَّحْمَنُ رِزْقَ الْخَلاَئِقِ

 

توظفت ولا باقي ؟

 

Simply in one word WASTAH what determines your acceptance in ARAMCO

 

اللي يحدد قبولك بارامكو هو معدلك فقط
ما يهتمون بمهارات الشخصية كثير
بالمقابلة الثانية اللي حضرتها كانو اربعه اشخاص وكلهم اونر