تقييم سيرتك الذاتية هنا!

وعليكم السلام
مايحتاج تخلي المواد ،
سو قسم بعنوان Academic Projects
وفيه خل ( أهم ) مشاريعك في الجامعة مثلا مشروع التخرج وومشروع في كورس مهم للشركات و اكتب فيه بعض التفاصيل المختصرة على شكل نقاط.
طبعا الأولوية في ال cv هي للخبرة والتعليم والمهارات التكنيكال ، واذا توفرت لك مساحة وكانت عندك مشاريع ممتازة اذكرها ، ليش لا ؟!
ونصيحة يا عبدالله اذا كنت مقدم على جهة معينة وانت لك رغبة فيها وكنت مشتغل على بروجكت له علاقة بمجال الشركة فحاول تذكر هالبروجكت في ال cv بشكل يلفت النظر او تفصل فيه شوي ( واهم شي تبتعد عن الجمل الطويلة )

الله يوفقك.

 

و عليكم السلام و رحمة الله وبركاته ،
في البداية الي بقولك اياه يا زهير ، لا تشيل هم او تشك في قدراتك ، انا درست معاك من قبل واقولك اياه ماشاء الله عليك دافور ، لكن بخصوص إن الشركات ماترد عليك فالسبب في المعدل الي ذاكره في ال cv ، هو نوعا ما عالي لكن المشكلة إن الشركات عدد مب قليل منها تسحب على الي معدلهم اقل من 3 . فرايي لاتذكره خاصة إذا الشركة كانت تطلب معدلات عالية .

ال cv مب حيل واضح لكن بقولك الي قدرت اشوفه :
- خل الاوبجكوتيف اقصر شوي
- خل الجمل على نفس المستوى ، مثلا النقاط في التدريب الكلمة الي تحت الشرطة رايحة لليسار
- في المهارات : ابتدي بالمهارات التكنيكال مثل hysys والماتلاب تالي برامج الأوفيس والمهارات الشخصية.
- اذا اشتغلت من قبل في وظائف بدوام جزئي او شي اذكرها
- اذكر مشروع التخرج او المشاريع الثانية تحت قسم Acadmeic Projects وحاول تشرحه على شكل نقاط واضحة و مختصرة.


اذا جيت تقدم على شركة بالايميل او شي
حاول تذكر في العنوان الوظيفة الي طالبينها & خبرتك &
Production Engineer - Fresh Graduate - Zuhair ALXXXX

وفي نص الايميل حاول تكتب شي مختصر عنك مثلا تدريبك و في اي المجالات الي انت متمكن منها على شكل نقاط
والهدف هالشي إنك تبين لمسؤول التوظيف إنك عارف الشركة و متمحمس للوظيفة و الأهم إنك تتميز عن مئات الايميلات الي يمكن توصل للموظف في نفس اليوم .

الله يوفقك و يرزقك الوظيفة الي تتمناها .

 

لاتشيل هم ، اذا في شي مكتوب راح تاخذه ان شاء الله ، اهم شي استمر واسعى وبإذن الله بتحصل كل خير.

- الايميل حاول تخليه رسمي ، مثلا Mohsen_alali1_@hotmail
- احذف كلمة theoretical
- معدلك عالي لكن جرب ماتخليه وتقدم على بعض الشركات يمكن هو السبب لكن ، انت حاول تشكل يعني بعض الشركات تذكر المعدل في ال cv ,بعضها لا
إلا لو الشركة اشترطت ذكر المعدل.
- شي ممتاز انك ذكرت مسؤولياتك في التدريب لكن اذا تقدر حاول تذكر بعض الأشياء التكنيكال ، يعني لاتخليها تكنيكال بشكل كبيرة ولا تكون عامة .
مثلا اذكر انك اشتغلت على hazop study او اي مصطلح تكنيكال

&
حاول تهتم بملفك في اللنكد ان و بيت كوم وحاول تخليه مثل السيرة الذاتية لكن الموقع المساحة مفتوحة لك تقدر تفصل و تذكر تفاصيل مثلا مشاريع في الجامعة ، شهادتك في التدريب ، الدورات وكل شي ومب ملزوم بمساحة معينة مثل ال cv & حاول تطلع على ملفات مسؤولي التوظيف في الشركات الي لها علاقة بتخصصك وتعمل معاهم connections ، ماتدري يمكن واحد منهم يدور على مهندس ولما يشوف حسابك يتواصل معاك.

الله يوفقك
-------------

وعليكم السلام ورحمة الله وبركاته ،
الصراحة اشوف هالنوع من السيرة الذاتية مب مناسبة ، ( تأكد من بقية الشباب ) لكني اشوف النماذج التقليدية مناسبة أكثر كتنظيم و وضوح وخاصة بعد الطباعة.
1- اكتب بعد الرياض بين القوسين ( willing to relocate )
2- أهم شي تحدد المجال الي بتشتغل فيه أو الوظيفة الي مقدم عليها ( وحاول تختصر يعني سطرين أو سطر ونص مناسب أما اكثر فالموظف بيحسه حشو كلام )
3- خلها تبع التعليم وخلها اخر شي ، لأن البكالوريس اهم من الدبلوم.

------------------

المشكلة أغلب الشركات تطلبه عشان تقبلك أو لا،، فأنت جرب حظك قدم على بعض الشركات بالمعدل وبعضها لا.
لكن الشركات الكبيرة الي تتوقع إنها تشترط معدل ثاني فلا تكتب المعدل في cv الا لو طلبت منك هالشي.
-------------------

و عليكم السلام ،
- لا تخلي عنوانك الحسا , لأني لاحظت أغلب الشركات تستبعد الي ساكن في الحسا ، فأكتب Eastern Province ( Willing to Relocate (
- الاوبجكتيف يحتاج تعديل وتعيد صياغة بعض الأشياء ، مثلا اذا تقصد وظيفة في مجال نفط و الغاز فرايي تكتب in oil & gas industry أو field
الشي الثاني ، الميكاترونكس ما اتوقع بتحصل شي مرتبط فيه في المجال الي تقول عنه ، فرايي ما تحصر نفسك بهذا المجال ، فخل المجال engineering بدون ماتحدد تخصصك لأن تبي الصراحة نسبة كبيرة من الشركات و موظفي hr مايعرفون الا التخصصات الرئيسية اما التخصص الفرعية او الدقيقة مثل الميكاترونكس فما يعرفونها ويفضلون خريجي التخصصات الرئيسية. فأنت سو cv لمجال الهندسة بشكل عام.

- بعد الاوبجكتيف ، يجي التعليم تالي المهارات أو مشاريعك الأكاديمية .
- شيك انواع الخطوط و احجامها لأن في جملة مكتوب بخط والي تحتها مكتوبة بخط ثاني

- حاول تستفيد من شهادة الأوشا خاصة ل وبتقدم على وظيفية في مجال الانسكبشن و السيفتي لأن بعض هذي الوظايف تطلب تكون مهندس بغض النظر عن تخصصك الدقيق
فلما تجي تقدم على هالنوع من الوظائف حاول تخليها في بداية المهارات.
- في البرامج خل المهارات التكنيكال او شي تالي الأوفيس .

هذي الملاحظات الي اشوفها ويمكن اكون غلطان فأستشير بقية الشباب & اعرضها على اكثر من شخص

الله يوفقك واسف على التأخير

 

السلام عليكم، CV متواضع اتمنى تساعدوني في تحسينه

 

بالنسبة للمعدل كيف يعني اذكر المعدل العام فقط ؟ لاني مو كاتب الا معدلي الجامعي من 4

وبالنسبة للدورات كيف احطهم بأعمدة ؟ تقصد جداول ؟ ولا وش

طيب عادي لو صار صفحتين ولا الأفضل اضغطه بقدر الامكان ؟

وشكرا لوقتك وسعة صدرك ياغالي

 

هلا عبدالله ،
انا شفتك كاتب Final GPA And Overall Grade ففكرتك كاتب معدلين ، بس توني انتبه ان قصدك المعدل و القريد
و رايي اذا معدلك اقل من 2.5 من 4 لاتكتبه ، و الخبرة الي عندك اتوقع بيخليهم يتغاضون عن شرط المعدل

الي اقصده بالأعمدة مثل الي في الصورة

حاول تخليها صفحة ، صحيح انك خبرة لكن من الي اشوفه في معارض التوظيف إنهم يفضلون الصفحة الوحدة حتى لو كان المتقدم خبرة ، إلا لو كانت الوظيفة الي مقدمها عليها مهمة مثلا مانجر لقسم او شيئ من هالنوع.

 

السلام عليكم،
انا حديث التخرج ودي رايكم في ال CV جزاكم الله خير.

 

هذا الCV
عملته من ايام كورس English 214 وكل فترة اسوي عليه تعديلات
ياليت تعطوني ملاحظاتكم واقتراحاتكم

 

السلام عليكم، أنا طالب خريج هذا السمستر ان شاء الله.
ممكن تعقيبكم على السي في؟

للمعلومية:
-فيه بعض المشاريع بخلصها بنهاية الترم، فذكرتها بالسي في، هل فيه مشكلة يعني او تمام؟
-كذلك فيه مشاريع سويتها لكن هي خاصة بالمواد، فهل أذكرها؟

شكرًا، ويعطيكم ألف عافية.

 

كتب لك بعض الملاحظات

 

يعطيك الف عافية حبيبي، لكن ما اعتقد بيكون واضح متى تخرجت بالضبط، للمعلومية أنا تخرجت ب٤سنوات ونص، لكن كنت حاذف سمستر لظروف خاصة، فبالتاريخ ما اعتقد بتكون واضحة، مو؟

 

+ مافهمت شنو تقصد بالsubject

 

السلام عليكم
ما يحتاج تكتب تاريخ الميلاد إلا لو الشركة طلبت هالشي ( مثلا مشترطة عمر معين )
الابوجتكيف الهدف منه إنك تحدد الوظيفة الي ناوي تقدم عليها ، فحاول تخليه نوعا ما مختصر و واضح ، سطرين بالكثير و البوزشن رايي خله Bold مثل كذا
... as a Mechanical Engineer
لأن مسؤول التوظيف تجيه سير ذاتية كثيرة و لوظائف مختلفة فالأفضل تحدد الوظيفة الي مقدم عليها ،
هذا مثال وحاول انك تكمله او تعدل عليه
Seeking a challenging career as a Mechaincal Engineer that provides an opportunity to apply technical background and ...

-------

في education
مايحتاج تكتب مكان الجامعة ، إلا لو بتقدم برا السعودية ،
ونصيحة لاتكتب إنك مابعد تتخرج ترا هالشي معناها مسؤول التوظيف بيخلي x على اسمك وعلى تقديمك للوظيفة . & يمكن الموظف مايشوف ال cv الا بعد ماتتخرج بكم شهر ، فوقتها بسبب إنك كاتب expected او Present بيفكر انك مابعد تتخرج فبيستبعدك
اكتب تاريخ التخرج بس ، وخلها بهذا الشكل :
Bachelor of Applied Electrical Engineering
King Fahd University of Petroleum & Minerals ( June , 2018 )
GPA : 3.59 / 4

------------

في cv حاول تخلي الأقسام بهذا الترتيب :
الاوبجكتيف - التعليم - الخبرة - المهارات و الدورات - المشاريع الأكاديمية

-----------
المشاريع الأكاديمة ، ماتعتبر خبرة .
الخبرة هي تدريبك الصيفي أو التعاوني و الوظايف البارت تايم ، فالي مفروض تسويه ،
تخلي المشاريع في سكشن لحالهم بإسم Academic Projects

اما التدريب الصيفي او التعاوني والبارت تايم تخليه في قسم Experience و تخليه بشكل مرتب وبعنوان واضح ، يبين اسم الشركة او الجهة ومتى تدربت ( بالتاريخ مب المدة ) معاهم وتحته تكتب المسؤوليات الي كانت عليه على شكل نقاط
&
وهذا مثال :




في المهارات ، حاول تبتدي وتركز على المهارات الهندسية والتكنيكال ، اما المهارات الثاني فهي مهمة لكن مب بنفس درجة المهارات الهندسية ونصيحة حاول تبتعد عن بعض الكلمات الي ممكن توهقك مثل ( Excellent , expert وغيرها ) لأن بعض مسؤولين التوظيف لما يشوفها يبدأ يحجر ولو كنت مب متمكن منها صح فراح يفكرك تخدعه او يشكك في بقية الاشياء الثاني الي في cv
فالحل الوسط إنك تقسم المهارات على حسب مستواك فيها أو على الأقل تذكرها بدون ماتحدد مستواك فيها
وهذا مثال :


و الاوفيس صحيح انها برامج مهمة لكن المفروض تصيربعد باقي البرامج ، لأن الصراحة حاليا الأغلب مقتنها و كثير يعتبرونها ضرورة أكثر من إنها مهارة.


اللغات الأفضل تخليها كذا ،
English ( Fluent ) - Arabic ( Native )


وحاول تبتعد عن الجمل الطويلة واستخدام I و my وهالأمور . حاول تخلي اغلب ال cv على شكل نقاط بحيث تجذب مسؤول التوظيف لأنها بتكون سهلة القراءة ونفس الوقت مرتبة و و بإمكانه يقرأها بشكل سريع وياخذ انطباع جيد عن مهارات ومؤهلاتك ، اما الجمل الطويلة فصدقني عدد كبير من مسؤولي التوظيف يسحب عليها.


-
مشروع التخرج حاول تشرحه بشكل بسيط وعلى نقاط واضحة ونوعا ما مختصرة وتخلي عنوانه bold


الشي الثاني حاول تستخدم نفس الخط والتنسيق في cv لأن مسؤولي التوظيف يدققون على هذي الأشياء واذا طبعت cv بتكون واضحة اكثر
مثلا• All references are available upon request. مكتوب بحجم مختلف عن باقي cv


الله يوفقك واسف على الإطالة

 

و عليكم السلام
- لاتكتب تاريخ الميلاد إلا لو الشركة طلبت هالشي او مشترطة عمر معين.
- حاول تغير لون الخط لأنه مايل للرمادي و مب مريح للعين واذا طبعتها بتلاحظ هالشي
- الابوجكتيف نوعا ما زين لكن حاول تكتب البوزشن الي مقدم عليها ( شوف الرد الي فوق ^^ عشان توضح الفكرة ) وحاول تبتعد عن استخدام my
- السينير بروجكت خله في قسم لحاله بعنوان Academic Projects واشرحهه بشكل مختصر على شكل نقاط ، واذا عندك مشروع ثاني وكان مميز او مرتبط بمجال الشركة الي مقدم عليها ذكره.
- سو قسم بعنوان experience و اذكر فيه تدريبك الصيفي أو التعاوني او اي وظيفة حتى لو بارت تايم اشتغلت فيها
- المهارات الشخصية الطويلة منها حاول تخلصها مختصرة أكثر و تصيغها بشكل أفضل
و وحدة منهم فيها خطأ اعتقد ( الي مكتوب فيه throughout your )
- المهارات و البرامج لاتخلي الاوفيس اول مهارة ،
& خلهم على على شكل اعمدة عشان توفر على روحك مساحة وتستفيد منها في أشياء ثانية أكثر اهمية
مثل الي في الصورة




الهوايات ، احذفها . الشركات تهتم بالمؤهلات و المهارات


وترتيب ال cv خله كذا
ابوجكتيف
تعليم
خبرة
مهارات و دورات
مشاريع


الله يوفقك ويرزقك الوظيفة الي تتمناها

 

و عليكم السلام
بالعكس ال cv جيد ومحتاج تعديلات بسيطة .
- لاتكتب expected graduation لأن باختصار
متوقع تخرجه = استبعادك عند فرز المتقدمين
اكتب تاريخ التخرج بس ، ماتدري يمكن الموظف اصلا مايشوف ال cv الا بعد فترة طويلة

- الخبرة في مترو الرياض ، ممتازة لكن حاول تكتب وش المسؤوليات او المواضيع الي اشتغلت عليها على شكل نقاط مختصرة و واضحة .
الشي الثاني ، ياليت توضح ليش مكتوب ايطاليا و الدينمارك ؟ لأن يمكن مسؤول التوظيف مايفهم الي تقصده ( اعتقد تقصد إن الشركة عبارة عن تحالف من شركات ايطالية و سعوديةو .. )

- في قسم المشاريع
حاول تشرح المبادرة بشكل بسيط على شكل نقاط ، و اذا عندك فيديو او مقطع تعريفي له حاول تخلي رابط المقطع
Solar Decathlon Middle East
بحيث لما يضغط على عنوان البروجكت ، على طول راح يحوله على الموقع فوق ^^^
طبعا طبق هالشي اذا جيت بتقدم عن طريق الايميل او المواقع و اللينكد ان.

ونفس الشي مع مشروع التخرج لأن
- الشي الثاني الأفضل تستبدل كلمة Now ب Present

قسم المهارات والدورات ممتاز كتنسيق ومحتوى لكن الدورتين حاول تحركهم لليسار شوي عشان تكون في نفس المستوى مع بقية ال cv
البرامج مثلا الاتوكاد وغيرها من البرامج الهندسية والأنظمة الي اشتغلت عليها خلهم في البداية ،

- في اللغات جنب العربي اكتب بين قوسين ( Native ) بس
اما الانجليزي لاتكتب شي . لأن كلمة Limited تعطي انطباع انك مب متمكن من اللغة او مب في المستوى المطلوب

بشكل عام ال cv ممتاز بس عاد حاول تستفيد من المهارات والمشاريع في انك تخلي ملف في linked in مميز وتسوي connections مع مسؤولي التوظيف في مجالك
لأن أغلبهم ينجذب للملفات الي يكون فيها مشاريع كثيرة ومشاركات في مبادرات خاصة الي تكون برا السعودية مثل المبادرة الي انت مشارك فيه تبع هيئة الماء والكهرباء في دبي



الله يوفقك و يرزقك الوظيفة الي تتمناها

 

الله يجزاك خير وماقصرت وملاحظات ممتازة وراح اشتغل عليها بإذن الله
بالنسبة للتدريب اللي اقصده انه كان جزء منه هنا وجزء في الخارج ، تقريبا شهرين هنا وشهر بين ايطاليا والدنمارك.
هل هي غير واضحة بحيث اكتب التاريخ حق التدريب الخارجي والداخلي بشكل منفصل ؟

 

اكتب بعبارة واضحة إن مثلا شهرين من التدريب كانت في ايطاليا والدنمارك و خله بخط bold عشان يلفت نظر موظف hr

 

السلام عليكم وجزاكم الله خير على جهودكم
انا حديث تخرج ودي برايكم بال CV
وشكرا مقدما

 

و عليكم السلام ، بشكل عام ممتاز ال cv كتنسيق لكن يحتاج بعض التعديلات :
احذف My career objective ,

كلمة good company شوي مب مناسبة ،
حاول تصيغها بشكل افضل او تستبدلها مثلا
professional work environment where I will be able as a Chemical Engineer to apply my technical background and participate in achieving the company goals.
هذا مثال للي اقصده لكن مب معناه انه صحيح 100 % فحاول تصيغ ابوجكتيف بطريقتك و تختار الألفاظ المناسبة واهم شي تذكر المسمى الوظيفي وتخليه Bold

الخط نوعا ما صغير و اللون الرمادي مب مريح للعين فحاول تستبدله باللون الأسود وتزيد الحجم


General Chemical Engineering مب واضح وش تقصد فيها فرايي تحذفها


في التدريب حاول تذكر وين كانت مكان التدريب لان الشركة الي ذاكرها مب معروفة.
الشي الثاني حاول تصيغ مسؤوليات على شكل نقاط وبشكل افضل لأن visiting تعطي انطباع انك ما استفدت من التدريب
و فيه خطأ اعتقد في هذي الجملة supervise over , احذف over
وبدل step اكتب stages , رايي تغير الكلام لأن شوي الصياغة لك عليها .

مشروع التخرج ممتاز ولو تقدر تضيف تفاصيل اضافية على شكل نفاط بيكون افضل خاصة إنك ذكرت ارامكو فيه , واذا ماتقدر فعادي لكن جهز روحك في المقابلات عشان تشرح البروجكت صح .


- استخدم نفس الخط والتنسيق في كل ال cv , لأن المهارات الي على اليمين صايرة بلون و الي على اليسار بلون ثاني.
- احذف I have a
- المهارات الهندسية خلها اول شي

- • Hazard and operability in industry course (HazOp), from ARAMCO Compony. خلها أول دورة
واحذف company , اسم ارامكو يكفي واكتب تاريخ الدورة .


الله يوفقك ويرزقك الوظيفة الي تتمناها

 

الله يكثر خيرك ويجمل حالك اخوي شدعوه وما قصرت ع النصايح ولك منا الدعاء في ظهر الغيب

عندي استفسار بسيط الحين انا معدلي ٣.٣٧ من ٥ يعني تقريبا ٢.٧ من ٤
ومتردد احطه بالسيفي ولا لا
ابي اجابه صريحة الله لا يهينك