التحضير :

التحضير كل يوم بورقة تمر على الطلاب واللي يغيب ويخلي خويه يحضر له 0 في الاتيندينس ..
طريقة الشرح :

يشرح من سلايدات وشرحه كويس .. لكن المشكلة في اخر السكاشن يكون شرح طلاب وهو ما عنده سلايدات للسكاشن الاخيرة
الكويزات :
استاذ الريسايتيشن اللي هو عبدالله الاحمدي يسوي الاسئلة .. سهلة كلها من البراكتس بروبلم .. وبعض الاحيان بس يجيب سؤال من عنده بس يكون صعب نوعا ما ..
المياجر:

كومن

الفاينلات :

كومن ( كان صعب الفاينل وما يدرس المادة غير حسن المعلم والسعدي )
القريد النهائي:

b+
الصوت:

واضح .

إضافات :

الدكتور ممتاز جدا واخوي لدرجه كبيره .. لكن اللي ما يتكلمون عربي بيعانون معه لانه بعض الجزئيات يشرحها بالعربي


شخصيا درست عند المعلم والسعدي .. مع انه المعلم شرحه افضل نسبيا الا اني ارتحت عند السعدي لانه صراحة ما يجيب النوم زي الاستاذ حسن الله يذكره بالخير

بس بالنهاية طلعت بنفس القريد عند المعلم والسعدي

 

CHEM 102 LEC T132
التحضير :
ورقة تمر عالطلاب (ثلاث سكاشن مع بعض)
ما أنصحك تحضر لخويك
لإنه غالبا يتأكد نهاية الكلاس من الأسماء واللي خويه حضره ياخذ 0
طريقة الشرح :
من السلايدات - شرح واضح ويتجاوب مع أي سؤال
المياجر:
كومون
الفاينلات :
كومون
القريد النهائي:
A+
الصوت:
واضح (نص عربي نص انقلش)
إضافات :
في الكورس ذا همك الوحيد الشرح
لإن الدكتور مابيده يساعدك (مياجر وفاينلات كومون والكلاس وورك normalized)

 

دكتور ممتاز من الشرح والاخلاق

الدكتور محترم صراحة وحتى لما تلعب بالجوال او تسولف في كلاسه يكلمك بكل احترام

شديد شوي في الحضور بحيث ما يرضى انك تتاخر كثير ( فوق 10 دقايق )

في التحضير، احيان يحضر بالاسم واحيان لا ، الغالب الورقة تمشي وما يشيك عليها

انصح به

 

Chem 102 Term 152

التحضير : ورقة فيها الأرقام الجامعية وتكتب اسمك قدام رقمك, التأخير زيادة عن 10 دقايق ما راح يخليك تدخل.

طريقة الشرح : من الشرائح, شرحه حلو وتقدر تفهم عليه, وميزته أن ما يسرع كثير يعني يمشي حبه حبه بحيث يخليك تفهم المفاهيم صح.
الكويزات : كان الدكتور البيطار اللي يعطينا وياها. وكانت سهلة إلى متوسطة بس تحتاج تذاكر وتتابع
المياجر: -
الفاينلات : -
القريد النهائي: B+
الصوت: واضح ومسموع
إضافات : الدكتور خلوق ومتعاون مع الطلاب وشريح. من أحلى الكورسات اللي أخذتها, كورس ممتع جدا. وعموما في الكيمياء تحتاج تتابع أول بأول.

 

TERM 162 - CHEM 102
لتحضير: يمرر ورقة والطلاب يحضرون بأنفسهم , اذا تأخرت اكثر من ربع ساعة ما يدخلك
طريقة الشرح: يفتح السلايدات ويشرح منها وما يحب احد يقاطعه اثناء الشرح + الي يشوفه جالس على جواله يجلده بكم سؤال عشان ينتبه معاه
المياجر: المعلم كان يكتب المياجر
الفاينلات: المعلم الي كتب الفاينل
القريد النهائي: أعطيه b
الصوت: عادي
إضافات: الدكتور مو من النوع الي يلاحق الطالب عشان درجاته , اهم شي توصلك المعلومة وانت بكيفك.

 

chem 101 term 172
الشرح : يستخدم السلايدات حقته ( سلايدات خاصه فيه جمييييييييلة جدا حتى الطلاب اللي ما يدرسون عنده يذاكرون منها ) زي اي دكتور يشرح سلايدات .. بس تجيك مرتبة وصور وروابط والوان واشياء مريحة للعين. خلال الشرح ما يحب احد يقاطعه لكن بعد كل سلايد يوقف ويقول احد عنده سؤال ؟؟ وياخذ جميع الاسئلة ثم يكمل.

التحضير : ورقة تدور على كل القاعة واحيانا يشيك نهاية الكلاس على الاسماء. تتاخر اكثر من 10 دقايق او ربع ساعة ما بيدخلك.

الصوت: وااضح جدا.
الكوزات : كانت عند مدرس الريساتيشن بحكم ان الدكتور هو التشيرمان حق الكمستري. وكل اعمال السنة عند حق الريساتيشن.

اضافات : الدكتور ما شاء الله علم وخبرة وفاااااهم جدا ومتمكن من الكمستري.

 

Chem 101 - Term 172

التحضير: ورقة تمر على الكلاس كله، أحيانًا يتأكد من الحاضرين آخر الحصة ويا ويلك يا سواد ليلك لو درى إن خويك محضرك :d
نقطة ثانية إنه ما يخلي المتأخرين يدخلون بعد 10 دقايق أو 15 دقيقة، وأخيرًا ما يحب اللي يطلعون ويدخلون كثير وقت الكلاس عشان الإزعاج وصوت الباب. بالبداية كان يمشي هالشيء بس بالفترة الأخيرة صار ينزعج منه
الشرح: من سلايداته، سلايدات مرتبة وممتازة بس لاحظت ترتيب المواضيع فيها يختلف عن الكتاب أحيانًا
الكويزات: كان الريسايتيشن عند دكتور ثاني
الصوت: واضح بس لو قعدت ورا بيجيك نوم
إضافات: الدكتور فاهم ما شاء الله عليه مثل ما قالوا الشباب فوق، تعامله ممتاز مع الطلاب ويجاوب على كل الأسئلة (أشوف هالشيء فيه شوي سلبية لأن بعض الطلاب يكررون الأسئلة ويضيع الوقت)، يجلد اللي يشوفهم جالسين على الجوال كثير ويحرجهم
أنصح فيه

 

chem 101-172

التحضير : ورقة تمر على الكلاس , ايام ياخذ الورقة ويقرا الاسماء واللي محضر خويه يعطيه صفر بالحضور ( انسان يحفظ الوجوه والاسماء انتبه لا يحطك براسه ) ويطرد المتاخرين بعد 10 دقايق
طريقة الشرح : يفتح سلايداته ويشرح منها بشكل عام حليله وتفهم منها لكن ايام تضيعك ولا تدري وش انت قاعد تقرا خصوصا اذا فهيت بالكلاس , يشرح بالانقلش والعربي شرحه ممتاز ويتفاعل مع الاسئلة لكن الشباب كانوا يسالون اسئله كثير وغبيه او مالها علاقة بالدرس فصار يسوي سكيب للي يسأل
الكويزات : دكتور ثاني
المياجر:كومن
الفاينلات :كومن
القريد النهائي:ِِA
الصوت: متوسط ايام يكون منخفض
إضافات : الدكتور بشكل عام جيد بس انه حار شوي ما حصلته ولا مره بالاوفيس اور شكله مشغول لانه اتوقع صار رئيس القسم

 

CHEM102 - Term 211

التحضير : كان عنده طريقة جديدة في التحضير بحيث انه قال لنا اختاروا اماكن لكم وراح يصير لكم لنهاية الترم وعنده ورقة ويشوف الكرسي الفاضي ويغيب الطالب، مو كل يوم يحضر بس غالبها يعني ويعطي غيابين فري
طريقة الشرح : من السلايدات اللي هو مسويها شرحه كان جيد جدا إلى ممتاز الا في بعض الشباتر كان مستعجل فيها وما شرحها بالشكل المطلوب يمكن السبب انه من زمان ما درس الكورس، عموما حسيت الدكتور ممتاز .
الكويزات : عند دكتور ثاني
المياجر: كومن
الفاينلات : كومن
القريد النهائي:ِِ A
الصوت: مسموع وواضح رغم انه الكلاس كان في قاعة فيها ازعاج مكيفات
إضافات : انصح في الدكتور اذا شفت سكشنه مفتوح، مثل ما قلت في غالبية الشباتر ما كنت احتاج ارجع للكتاب افهم من شرحه غالب الدرس

 

CHEM101-Term 221

التحضير : كان بداية اول اسبوع ينادي بالاسماء لكن بعدها صار التحضير بالبلاك بورد نهاية الكلاس بس دايم يحذر لحد يعطي الرمز لشخص غائب

طريقة الشرح : الدكتور ماشاء الله عليه متمكن وسلايداته جدا ممتازة حتى صرت ارجع لها اذا في جزئية مافهمتها من الكتاب وطبعا الكورس ثقيل فا الدكتور يحاول يخلص وما بيرجع لنقطة ثانية. كان يسوي قبل المياجر بالريستيشن تجميع لاولدات شاملة للتشابتر ويجمع فيها الافكار المهمة ويحلها معنا.

الكويزات : عن نفسي اشوفها سهلة الى متوسطة, مرن جدا باوقات الكويزات اذا كانت فترة ميدات ولا شي واغلبه كان يسوي بالتصويت متى يكون الكويز. اختبرنا 7 كويزات كان افرجها 6 من 10 بالبداية او 7 لكن بعدين سوا لنا كويزين يساعدنا فيها وكان افرجها عالي جدا فا انخسفنا من النورم شوي

المياجر: كومن
الفاينلات : كومن
القريد النهائي: A+
الصوت: واضح
إضافات : اذا شفت سكشنه مفتوح لا تتردد روح الدكتور جدا ممتاز وتعامله طيب من افضل الدكاترة اللي درسوني.