مقابلات سابك التي أجريت في رمضان 2018 متى الرد بالله ؟

السلام عليكم ورحمه الله وبركآته
يا جماعة الخير بدخل في الموضوع على طول ، أنا سويت مقابله شخصيه في مبنى سابك مع شركة المتحده والوظيفه دايركت سويت المقابله في نص رمضان تقريبا وللحين ما جاني الرد ، علما أنهم قالو في المقابله الرد من اسبوع الى 10 ايام والحين لهم فوق الشهر وربع تقريبا والي مستغرب منه أن الرقم المرجعي ما حصلته في حسابي الشخصي واول كان موجود قبل اسبوعين تقريبا مدري ليش اختفى رقمي المرجعي ؟ والمقابله كانت نوعا ما ايجابيه ولطيفه وكلها تكنيكل بس الحمدلله 90 بالميه اموري طيبه وقتها لكن طولو وما عاد بي صبر في احد ردو عليه ولا لا ؟ وهل في احد لا قدر الله جاته رسالة رفض ولا شيء ؟ وليش يتاخرون كذا وجزاكم الله الف خير لا تبخلون علينا بالرد .

 

معقوله محد يرد او يشارك على الاقل بكلمتين حلوين

 

انا فرش

 

السلام عليكم ورحمة الله وبركآته ، ي أخواني الاعزاء حاب أبشركم ردو لي الشركة بالقبول وأرسلو لي العرض الوظيفي والفحص الطبي وسويته يالله لك الحمد واسال الله لي ولكم التوفيق والحكمه من الخبر هذا ان لا تيأسون والله راح يرزق الكل من حين ولادتك ليومك هذا ولبكره رزقك مكتوب وراح تاخذه لو اجتمعو عليه الانس والجن راح تاخذه سبحان الله شدو حيلكم وعليكم بالتحديث ب موقع سابك بشكل دايم وبأذن الله يجيبكم النصيب ونفرح بكم جميع والله يوفقكم ويرزقكم بالي تتمنونه ي اخواني ..
ما قصرتو جميع

 

اللهم أمين ويبارك لكم ويرزقكم جميع يا رب

 

التخصص / Chemical
القريد / 7 نقول الحمدلله على كل حال مع الوقت نطور نفسنا ..
تفاصيل المقابله / طبعا كلها أنجليزي ب أنجليزي لكن أمور بسيطه زي ، عرف عن نفسك ، تكلم عن التطبيق حقك وأيش هو البروسس أشرح المصنع ، أرسم على السبوره ديستليشن كولم وأشرح الديستليشن كولم مع كتابة أسماء بس ..
طبعا المقابله أخذت مني تقريبا 25 دقيقه ، طبعا في نص الشرح عن التطبيق كيف البروسس تم سوالي سوالين عن البروسس فقط والباقي يسمعون بس لين خلصت ..
المقابله بشكل عام بسيطه بس يبي لها شوي تركيز وتهدي من نفسك ما تتوتر وتتوكل على رب العباد وتكون بشوش معهم ومبتسم والرازق في السماء لا تخاف
أتمنى للكل التوفيق هذي المقابله كلها ..