التوظف في الشركات الصغيرة

تعتمد طبعا لكن اهم نقطه يكون بتخصصك بحيث تفتحلك مجال مستقبلا بشركات كبيره لانهم دايم يبون شهاده+خبره بنفس التخصص
وبالنهايه الارزاق بيد الله ماتدري وين الخيره اهم شي تكون مرتاح نوعا ما بشغلك وتحاول دايم تبحث عن الافضل

 

نعم راح يكون معتمد على راتبك الحالي للأسف، هذا حالنا بالسعودية.

بالعادة الشركة تطلب تعريف راتبك الحالي او اخر عمليات مالية في حسابك (راتبك الشهري)، ولما يشوفونه راح يعلمونك ويقولون لك مثلاً بنعطيك زيادة 30% على راتبك الحالي، وهكذا.

طبعاً أنا اتكلم عن القطاع الخاص والشركات شبه الحكومية.

فيه شركات ثانية عندها سلم وظيفي وعندها عدد معين من السنوات اللي في حال ما تعديتها راح تعتبرك فريش وتعطيك راتب الفرش.

مثلاً الاتصالات السعودية لو ما كملت سنة كاملة في وظيفتك الحالية فراح يعتبرونك فرش حتى لو كملت 11 شهر وكسبت فيها خبرة كبيرة.

 

الشركات الكبيرة فعلاً تمشي على نظام سلم الرواتب حقها، لكن برضوا يناظرون في راتبك الحالي.

فلذلك المفترض الشخص انه يدور على راتب متوسط في بداية حياته علشان بعد ما يكسب خبرة يقدر يطلب زيادة على راتبه الحالي ولا راح يكون ظلم له.

 

الشركات الكبيرة تعتمد على سلم الرواتب حقها على الأغلب وأي مقابلة تعملها بعد وظيفتك الأولى رح يسألوك عن الراتب المتوقع .. يعني مو معقولة تشتغل في شركة صغيرة براتب 3000 بعدين تجيك فرصة بشركة كبيرة ويعطوك زيادة كم الف بس.

أنا اجاوبك من معرفة لاشخاص مقربين كانوا في وضع مشابه شركة سعودية براتب 3 وشي الى شركة عالمية براتب حول ال 9 .. أهم شي الخبرة والمسمى الوظيفي والمهام الوظيفية كذلك ..


بالتوفيق

 

اعرف كثير اشتغلوا في شركات صغيرة ب رواتب متدنية من 4500 الى 6000 وخلال سنة قفزوا الى 12 و 13
واعرف اشخاص صار معهم كذا
طبعا يعتمد بشكل كبير جدا جدا على خبرتك في المجال الي توظفت فيه في الشركات الصغيرة.

بالتوفيق.

 

حسب خبرة، قيمتك بالسوق هي راتبك الحالي مع زيادة بسيطة.

اما اذا كان راتبك الحالي متدني فالوصول الى رواتب 12 13 خلال كم سنة يعتبر شيء طبيعي جدا لأن اصلا الفرش يتوظفون على 12 13

بس مستقبلا اذا تبي توصل رواتب عالية، بكل أسف فإن راتبك هو قيمتك غيرها لأ ، حتى لو كانت شركة كبيرة وعندها سلمها ، بتحاول تحطك بالافرج أو اقل اذا كان راتبك الحالي قليل