المجلس الاستشاري(طلاب التحضيرية 2018)

أول شيء لازم تفرق بين شغلتين

١. التخرج بمرتبة شرف:
الموضوع معتمد على المعدل العام (ما يدخل فيه معدل التحضيرية طبعا) ، وهو على النحو التالي:
مرتبة الشرف الأولى: 3.75/4.00 وما فوق.
مرتبة الشرف الثانية: 3.25/4.00 - 3.74/4.00.
مرتبة الشرف الثالثة: 3.00/4.00 - 3.24/4.00.
وفيه ملاحظة مهمة ، وهي أن الطالب إذا رسب في مادة يُحرم من أول مرتبتين ، حتى لو معدّله يؤهله لوحدة منهم.

٢. مراتب التفوق الفصلية:
وهذه تعتمد على المعدل الفصلي + عدد الساعات اللي مسجلها خلال الفصل. إذا حاب تاخذ تفاصيل عنها ، إنزل إلى نهاية الصفحة واختر حاسبة المعدل ، ثم إنزل اشوي بتحصّل جدول فيه تفاصيل المراتب وكيف تقدر تحصّلها ، مع المكافآت لكل مرتبة.

 

السلام عليكم
بخصوص موقف السيارة , مكتوب بالموقع لازم الاستمارة سارية
وبالنسبة لي رخصتي فقط السارية بينما الاستمارة منتهية والسيارة بأسمي هل راح يدقون ولا تمشي الأمور ؟

 

وعليكم السلام
عشان تكون في الوضع السليم جدد استمارتك ، لأني ما أضمن لك يمشي الوضع. بعض الموظفين ممكن يمشيها لو شاف الاستمارة منتهية ، وبعضهم بيطبق النظام حرفيا ، وكذا ما راح تطلّع ستيكر للسيارة.

طبعا لا تنسَ عشان تجدد الاستمارة لازم يكون الفحص الدوري ساري + عليها تأمين ساري بعد.

 

يعطيك العافية أخوي
طيب الستكر هل تجديدة كل ترم ولا سنوي ؟

 

الستيكر الحالي مكتوب عليه متى ينتهي ، أعتقد في ٢٠٢٠ ، إلا لو نزلوا ستيكر جديد لظرف معين ممكن يقولون للطلاب يقدمون على تجديد وياخذونه.

 

هلا بالعيال

بصراحة انا راعي طبخ هل اقدر ادخل ادوات مطبخ مثل(المايكرويف,خلاط,العين الكهربائية,غلاية) بالسكن
+
للي يعرفون مطعهم زين مهب زين غاليين ولارخيصين نظيف ولا وصخ؟
+
والنت الي من عندهم مجانا؟
+
اقدر اضيف اثاث بالغرفة؟

 

- المايكرويف ما يدققون عليه ، الغلاية والخلاط برضو عادي ، لكن انتبه تجيب عين كهربائية لأنهم لو شافوها عندك بيجيك حرمان من السكن لمدة ترم
- المطعم رخيص جدا ، الفطور بريالين والغدا بأربعة ريال والعشا بأربعة ريال برضه ، الفطور ممتاز أما الغدا والعشا مو ذاك الشي صراحةً
- ايوا النت مجانا
- ايوا تقدر

كل التوفيق لك

 

بليز ممكن تردون على استفساري مستواي بالانجليزي 0 لو دخلت مستوى 00 راح اقدر اكمل يعني بحكم ضعف محصلتي .................

 

اي اكيد تقدر, فيه كثييير نفس حالتك في 00 حتبدا من الاساسيات يعني حتتأسس مزبوط وطبعا نظام الانقلش في السنة التحضيرية 4 محاضرات انقلش يوميا بمجموع 20 ساعه بالاسبوع يعني بنهاية السنة التحضيرية حتكون جدا متمكن من اللغة , دامك انقبلت في الجامعة المفروض اللغة ما تكون عائق لك , اهم شي ذاكر بشكل جدي

 

طبعا تقدر تكمل

كل اللي عليك انك تجتهد وتهتم وأصلا انقليزيتك راح تتطور لأن برنامج الانقلش في السنة التحضيرية مفيد جدا

 

ايش اهم الشيء اللي احتاجها في السكن وهي غير موجودة ، كالثلاجة مثلا ..

 

أسفل الصفحة موجود خانة (حاسبة المعدل) لما تضغط عليه بتشوف خيار موضح فيه معلومات مراتب الشرف.

 

هل يمديني ارتب جدولي في السنة التحضيرية

 

الجدول بينزل لك جاهز ، وموضوع الترتيب صعب اشوي وما يعدلون لك ترتيب المحاضرات إلا لو كان عندك سبب قوي ومقنع.
ممكن لو تبي تداوم محاضراتك في أوقات ثانية ، لكن هذا شيء غير رسمي وعائد لرضا الدكتور نفسه ، لذلك يفضّل تعرف إذا الدكتور يرضى تتناقش معه في هالموضوع أو لا

 

انا قصدي لو نزلتلي ستدي سكلز الفصل الاول يمديني اخلها الفصل الثاني

 

ايش اجيب معايا في السكن

 

ثلاجة ، تلفزيون اذا تبغى ، مايكرويف (لين ذحين ما قريت أنه متاح وكمان ما شفت احد اخذ مخالفة على مايكرويف)

ذي الحاجات اللي أشوفها أساسية

 

السلام عليكم ورحمه الله وبركاته
في السكن ايش الموجود وايش اقدر اجيب
مثلا غلايه مويه مايكرويف ثلاجه فرن اثاث وزي كذا
وهل المكيف شباك ولا اسبلت