عرض من ارمكوا .. في منطقه جازان.. واحتاج مساعده..

وعليكم السلام،

اذا تقصد بأمان يعني وضع الحرب وكذا فحسب ما اعرفه أن المصفاة بعيدة عن الحدود ومافي عليها خطر مطلقا بإذن الله، غير ذلك للأسف سمعت شكاوي من ناس تشتغل هناك أن المنطقة ميتة جدا ومافي فعاليات تذكر. بالنسبة للطيران فاذا المنطقة مو نائية فيحق لك تستخدمه دام في مقاعد فاضية في الطيارة، عاد كيف الزحمة تكون فما عندي علم بصراحة

 

وعليكم السلام ,,

نفس التخصص و الديبارمنت ,, سبقتني بالموضوع وانا اخوك.

إن شاء الله الاخوان اللي في جازان يفيدونا.

 

كان ودي اساعدك، لكن ماعندي علم

متى يالغالى سويت المقابلة؟ و متى ردوا عليك بالعرض؟ كم المدة الزمنية بينهم ؟

 

نفس سؤال الأخ .. متى سويتم المقابلة ومتى جاكم الرد بعد المقابلة !؟

 

المقابلة كانت في يوم المهنه إللي فات بجامعه البترول. التاريخ (December 5-8, 2016)
سويت مقابلتين في يومين الاولى مع (S & IS) و الثانيه مع (LPD)
جاني إيميل العرض يوم (2017 ,26 February)
طبعا بين المقابله و العرض كان فيه الـ (assessment test) والـ (verification test) وبعدها الـ (KYC)
بعد العرض جاني ايميل الفحص الطبي و الـ (COI) في نفس اليوم
تحت امركم اذا عندكم اي استفسار ثاني

 

ما شاء الله، الله يوفقك اخوي وييسر لك امرك و يرزقك ان شاء الله من واسع فضله،

وش تخصصك اخوي؟ متخرج من اي جامعة ؟ فريش او خبرة؟

 

يعطيك العافية والله يوفقك

 

مشكور على تجاوبك أخوي والله يعطيك العافيه

بالنسبه Assessment Test .. سؤالي كيف حضرت للاختبار وهل في نصايح تقدمها للي مقبل على هالاختبار !؟

 

اجمعين يارب ,
هندسة كهربائية. متخرج من امريكا. فريش.

 

الاختبار سهل جدا بس المشكله في الوقت. يعني لو الاختبار بدون وقت , انا متاكد انك تقدر تحل كل المسائل بدون ولا خطا.
بالنسبه لي حليت الـ (practice test) الموجود في موقعهم عشان اعرف طبيعة الاختبار. بعدها اخترت وقت ومكان مافيه ازعاج (هذي اهم نقطه , لانه لو احد دق عليك باب الغرفه احتمال يقطع حبل افكارك ويضيع عليك كم ثانيه).
مع محاولتي بقدر المستطاع اني اخلص الاختبار في الوقت المعطاه , لكن في كل الاقسام بقيلي كم سؤال حليتهم تخمين (السؤال الاختير في قسم الـ (verbal) ما لحقت حتى اختار الاجابه)
المهم في النهاية لاتشيل هم لو حسيت انك مخبص , انا ما اتوقع انهم يبغون درجه عالية جدا ولا ماكان اختاروني. (لاتشيل هم وترتبك وفي نفس الوقت لا تستهتر خليك معتدل وان شاء الله يكتبلك اللي فيه الخير)

شي ثاني مهم لما تسوي الـ (verification test) عندهم بالذات اذا كنت في جده , قلهم الرجاء عدم الازعاج لان المكتب قريب من الاستقبال وماهو عازل للصوت.
بالتوفيق ان شاء الله واسف عالتاخير.

 

السلام عليكم ورحمة الله وبركاته،
أخوي الكريم ،

عندي إختبار Verification Test وصراحتا خايف منه يسوي لي مشاكل ف Job Application خاصة وأني عديت جميع المقابلات بنجاح وهذي آخر مرحلة قدام KYC والعرض والفحص الطبي. نصائحك لي وهل الدرجة ماراح تؤثر

 

تعتبر ريموت ايريا ، وفيه رحلات اسبوعية على طيران ارامكو، هذا على حد علمي ومتأكد بنسبة ٨٠٪؜. واتوقع البدلات توصل ٣٠٪؜ من راتبك الاساسي