استفسار عن مقابلة مع الشركة السعودية للتعمير

وعليكم السلام

أخوي شدعوه انا ممكن افيدك بتجربتي البسيطه معهم.. انا قدمت عليهم في معرض توظيف في جامعة الفيصل بالرياض من شهر أبريل كان فيه 3 أشخاص يقرؤون السيفيات سريع واللي يحسون انه مناسب يخلونه يجلس ويسوون مقابلات فوريه ,, انا طلب مني الانتظار وسوو لي مقابله وطبعا كالعادة بدأ بأسئلة تكلم عنه نفسك وكل الاسئله المعتاده وكان يسألني من السيفي وبعدها قال لي تكلم لي عن مشروع تخرجك وبديت اشرح له واتكلم وكان الشخص اللي قدامي يبيني اتكلم بالتفصيل في مشروعي حتى في الأشياء التكنيكال مع انهم باين انهم موظفين HR ومو مهندسين وهذا النقطه اللي استغربتها بحكم انه ماتوقع فاهم في الاشياء هذي,, أخر شي سألني برضو عن الكورسات اللي درستها وش أحب منها ووش اللي ماحبيته مع الاسباب انو ليش الكورس الفلاني عندك مفضل وليش هذا مثلا ماتحبه ( اتوقع يبي يعرف نقاط القوه والضعف اللي عندك في تخصصك ). وسلامتك

ملاحظه: انا تخصصي هندسه كهربائيه والمقابله كلها كانت بالانقلش
وبرضو فيه حاجه ثانيه الاشخاص اللي كانو موجودين ويسوون المقابلات كانو جادين جدا ومقابلتهم تحسها ناشفه وتوتر عكس بعض المقابلات اللي سويتها وتحس ان الشخص اللي قدامك مريح او متفهم لك شووي