[email protected] بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات :
Me217 Term:171 التحضير : اللاب عبارة عن ساعه شرح بكلاس ب63 , وساعتين لاب بمبنى 75 , فكان ياخذ التحضير بأول دقيقة من الكلاس الشرح , وكان ياخذه مره ثانيه لما نخلص من اللاب. طريقة الشرح : كان يتعب على الشرح ويطول عليه , اغلب الكلاسات ياخذ حول اربعين دقيقه منها او يكملها كلها . انا كنت اداوم من الساعه ثمان الصبح واللاب يبدا ثنتين العصر فأجي دايخ وتعبان فما كنت اركز واجد , بس لما اركز كان شرحه جيد. الكويزات : عطانا كويز واحد عليه خمس درجات من مجموع اللاب , ولما جاء اخر الترم قال تبون احذفه ولا لا , وقلنا له احذفه وحذفه. المياجر: ما فيه لانها لاب الفاينلات : اخبر كان عليه 30 , فاينله كان اغلبه خيارات , بعدين يخيرك بين اربع تجارب تختار ثنتين وتكتب عن البروسيجر حقتهم , وبالاخير اخبر كان معطينا جدول عن مجموعة تجارب وتعطيه شغلتين تستخدم كل تجربة لها . بشكل عام اذا درست سلايداته وقريتها زين قبلها ما راح تجيب العيد, ويخليك تدور على اللابات وقت الاختبار يقول عشان تشوف الاجهزة وتتذكر وش سويت. القريد النهائي: A الصوت: واضح إضافات : الدكتور اخبر كان وقت لابه مخيس الثلاثاء العصر وكانوا الناس يقولون اهرب منه مدري ليه , بس الحمدلله الي ما ضبط معي الا هو وسجلت عنده , لابه كان جميل ومع الوقت بدا يعرف اسمائنا ويمزح علينا , ممكن مشكلة وحدة وهي الى نص الترم كنا نطول مرررره معاه النص الثاني كنا ما تجي اربع ولا ثلاث ونص الا وحنا طالعين, وكان مره نشبه على التأخير , وكان جدا جدا شديد على وقت تسليم الريبورت , فغصب تكون طابعه قبل اللاب وغصب تكون مسلمه له بالبلاك بورد على التيرن ات ان قبل اللاب ولا بيخصم عليك خمسه من 20 من درجة الريبورت , غير كذا كان لابه جميل وهو انسان كويس ولي سنه ماخذ الكورس معاه ومع ذلك الى اليوم كل ما شافني ب 63 يسلم علي مع ابتسامة كبيرة مع اني منب من النوع من الطلاب الي يروح للدكتور للمكتب ويقعد يحاول يشبكه بطريقة او بأخرى . الي يغبن الفكرة المخيسه جدا عنه بين الطلاب مدري ليه , سو الطريقة الي يبيها بالريبورت ( مع ان المادة ريبوتاتها غثيثه وكل الطلاب يقولونها مب بس طلابه ) ولا تتأخر بالحضور و ذاكر للفاينل وان شاء الله انك ما راح تنزل عن بي عنده وانت مرتاح نفسيا باللاب. وانصح بعد تسوون قروب بينكم لكلاس اللاب , لان لاب الماده غثيث جدا ويبيلكم تتساعدون فيه.
Me 217 Term-181 ١- اخلاق الدكتور اخلاقه طيبه وحبيب جدا من افضل الدكاتره اخلاقا والله . ٢- شرح يشرح اللكتشر كاملة خمسين دقيقة ويجاوب على كل الاسئلة حتى لو خارجه عن الموضوع . ٣- تصحيح كان شديد في بداية الترم في تصحيح الريبورتات لكن بعدين صار كويس جدا. المشكلة الوحيده انه كان يتاخر شويتين عن باقي الدكاتره في وقت خروجنا من اللاب غيرها ما شاء الله عليه .