ثاني يوم في الوظيفة، ولا أدري ايش اسوي !

عادي جدا اخي العزيز حتى لو داخل اقوى شركة بتكون ضايع بالبدايه يمكن الى شهر شهرين حاول تتعرف عالناس وتشوف شغلهم وتشبكلك مهندس قديم قريب من مكتبك وحبه حبه بتتعلم وبيعطونك الشغل. مبدأيا اشغل نفسك بالقرايه عن الاشياء اللي تسوونها واسأل مديرك اذا ما عرفت شي وساعد اللي حولك ذا احتاجو اي شي عشان تصاحبهم وتتعلم منهم ويحبونك

 

الله يبارك لك في وظيفتك و يسهل لك امرك.
اول حاجة, طبيعي جدا اول اسبوع او حتى شهر ما يكون عندك اي مهام, استغل الفترة هذي بالتعرف عل انظمة وسياسات الشركة, والتحدث قليلا مع زملائك بالعمل ومعرفة ادوارهم ومهامهم.
ثانيا, لا تاخذ على وضع الهدوء كثير لاني مثل ما قلت لك ممكن تظل حتى شهر بدون اي مهام فعلية. عشان كذا بعد اسبوع مثلا اجلس مع مديرك واطلب منه عل خطة واضحة لك و اطلب منه تعيين mentor لك يساعدك في بداية وظيفتك.
ثالثا, الصبر ثم الصبر وعليك باخذ الامور التقنية بروية و بحماس في نفس الوقت. التعليم عبارة دائرة تحتاج وقت عشان تلف عليها كاملة.

 

ما اعرف ليش متحفظين قولو اسم الشركة والقطاع الي شغالين فيه عشان نعرف ونفيدكم بشكل افضل! وهل هي شركة احترافيه او لا ؟
المهم رح تلقف بالHR قلههم ابغى اعرف هيكلة الشركة والسلم الوظيفي واعرف اسماء الموظفين والاقسام وادوارهم وايضا ابغى الخدمات الي توفرها لي الشركة واذا ما وفروها لك صعد الموضوع للمدير وابلشهم على ابسط شي بيتمادون عليك انا الشركة توفر لي لابتوب واراجع الاتش ار وكل شوي يقولون بكرة الميزانية الجاية ما اعرف كيف وماكلمت المدير وما اعطوني شي بس مره المدير شافني اجي وارح بالiMac حقي استغرب وقلت له ما عطوني لابتوب اليوم الثاني جابولي واحد.
دامك ساكت ماعليهم منك لكن تشوف نفسك فاضي ابلشهم باي شي خاصة انك مهنس انت شغلك الاساس لان الHR قسم ثانوي باي شركة وبالسعودية وزارة العمل حريصة على سعودة القسم مو من اهميته ولكنها تدور وظايف سهلة تظف فيها السعوديين سعودت المولات وما اعرف ايش
طبعا ما اتكلم عن الشركات الأحترافية او الي تخصصهم HD ولكن شفت ناس موظفينهم عشان سعودة وشايفين انفسهم

 

اولا الف مبروك
شي جدا جدا طبيعي لو كنت في ارامكو ولا كنت في شركة كونتراكت الوضع واحد في اول الايام ،، كانك في اول يوم دراسي والدنيا مخبوصه

سم بالله وادخل على الshare drive واقعد اقرى واعرف سياسة الشركة ومنتجاتها ومين الكستمر وحبه حبه تجي المحبة

ولف في المصنع اذا كان فيها مصنع وتعرف عليه ومع الوقت بتزبط معك

روح قسم السيفتي اول شي
لانه اول اسبوع لازم يعطونك كم كورس وروح بنفسك واطلب الشي هذا ويمكن تكون لك خطه مسبقة فلا تستعجل ابدا

فالك التوفيق

 

لا تخاف مع الوقت بتعرف كل شي لساعك صغير وعودك طري

 

خف علينا ياشجرة الصفصاف

 

عادي جدا .. انا جلست قرابة الشهر بدون اي انتاجية بس اقرأ واسأل يعني ما سويت شي مفيد لكن بعد ذلك صرت اطلب شغل وشوي شوي يسلمونك شغلات حبة حبة لين يصيرون يثقون فيك ويسلمونك شغل اكثر من استطاعتك ولكن تمشي الأمور وتتعلم وتسأل

 

عادي جدا طبيعي وضعك .. حبة حبة رح يعطوك شغل كلنا كنا مثلك يوما ما

الله يوفقك