هل يسمح الدكتور إني أداوم مع سكشن غير اللي أنا مسجل فيه ؟

 

math101 153
التحضير : ما حضر الا يوم السبت لان الجامعة طلبو منه وعادي تتاخر عنده بس بالمعقول يعني بالكثير 10 د
طريقة الشرح : يكتب نوت عالسبورة كويسة بس احيان يقعد يكتب اشياء مالها داعي ويكتب كثير مررة لدرجة انه احيان يمسح السبورة اكثر من 3 مرات
يحل اسئلة من السهل للصعب واخر شي يعطيك سؤال اولد اكزام ويحله
الكويزات : صعبة اعتبرها نظامه 6 كويزات وياخذ افضل 4 منها كلاس ورك فقط بدون بونس ولا شي
دايما تكون سؤالين سؤال سهل وسؤال صعب مرة اخر كويز في السكشنين محد جاب درجة كاملة .
المياجر: الريتن تصحيحه عادي يعطيك حقك بالضبط
الفاينلات : كومن
القريد النهائي: B
الصوت:انجليزي يميل للمغربي على خفيف لكنه مفهوم
إضافات : الاستاذ متمكن وقديم في الجامعة وفاهم الرياضيات مزبوط
وافرج سكاشنه دايما فوق الافرج ( الميجر الاول كانو 6 و 8 فوق الافرج حتى الميجر الثاني والفاينل نفس الحال )
لكن شوي عصبي واحيان يفصل على الطلاب وممكن يطرد الطالب اذا كان يقعد عالجوال دايم
بعد الكويز الخامس وبسبب بعض الطلاب في احد السكاشن طردهم وقال مافي كويز سادس وبعد ما كلمناه وافق وسوا لنا كويز صعب محد جاب فوق 8
الدكتور ينفع للدوافير

 

Math 202 - term 162

التحضير : غالبا ما يحضر إلا ما ندر

طريقة الشرح : يكتب التعريف من ثم يشرح المفهوم من ثم يعطي مثال سهل بعده متوسط بعدين يعطي أمثلة من الأولد إقزامز

الكويزات : متوسطة إلى سهلة

المياجر: كومن

الفاينلات : كومن

القريد النهائي: A+
إضافات : الدكتور شريح ويوصل المعلومة بشكل ممتاز، الي يكتبه ع السبورة شي اسطوري ، لو تكتب وراه و تذاكر من اللي كاتبه راح تلاقيه أفضل من أي نوته موجودة ، تذاكرها و على طول تروح لأولد إقزامز ، و إذا مالك خلق صور وراه

ملاحظة : الدكتور أحيانا يعصب على بعض الطلاب و خصوصا في بداية السمستر ، لكن الرجل محترم وحبيب و له خبرة عالية في التدريس

 

افيدونا اكثر وبذات في 101

 

MATH 101 - term :173

التحضير :
التحضير آخر الكلاس و أيام ما يحضر ومو شديد عالتأخير.
طريقة الشرح :
يكتب عالسبورة الدرس والأهداف ثم الكونسبت ويبدأ يشرح عليه ويرسم ثم يحل أمثلة ويشرحها ثم يحل سؤال من ميجر قريب عليه . ستايل نوتة مرتب وجميل ووافية جداً جداً وأنصح بالكتابة معه.
الكويزات :
متوسطة ويبيلها مذاكرة كويسة , وتكون مشابهة لإختباراته السابقة الموجودة بموقع الماث
المياجر:
كومن
الفاينلات :
كومن
القريد النهائي:
A
الصوت:
واضح ومسموع
إضافات :
الدكتور شريح ولكن احياناً الطلاب يسألون اشياء توه شرحها او شرحها قبلها بيوم فيتنرفز شوي منها . او اسئلة على افكار بسيطة من 001+002 هو يجاوب ويشرح لكن لازم تأخذ لك تأنيب انك وصلت 101 ونسيتها. فيفضل تراجعها عالسريع وتراجع الدروس المرتبطة .

 

ترم 181، ماث 202
دكتور نفسسية وشرحه مو ذاك الزود وتصحيحه دمار
يكرهك في الترم كله

 

BY WHATSAPP
اسم الدكتور : عبدالسلام ميموني
المادة:math 101
الفصل الدراسي:191
بنود التقييم ⬇⬇⬇

التحضير : يحضر غالبا مره بالاسبوع (الخميس) ويكون حافظ الاسماء.

طريقة الشرح : يكتب بالسبورة الكونسبت ويعطي مثال او مثالين على الافكار ثم نهاية الدرس يعطي سؤال او سؤالين اولد اقزام.

الكويزات :يعطي 6 كويزات متوسطة المستوى كل كويز عليه ١٠ بوينت وسؤالين وغالبا واحد سهل والثاني في ترك ، بالإضافة انه اذا الإفرج منخفض يحذف اسوء واحد ويسوي كويز سابع.

المياجر:كومن
الفاينلات :كومن
القريد النهائي:B
الصوت:واضح ، لغته سيئة بس ينفهم

إضافات : ماعنده نوتة + الدكتور متمكن من المادة وفاهم بس عنده مشكله في يوم تحسه اسطوري ويوم يطول على أفكار تافه او مايعرف يوصل فكرتها + احيانا يترك أفكار مهمة بالدرس وتجي بالاولد اقزامز +لا تتوقع انه بيعطيك درجات فوق حقك حتى لو يقدر + بشكل عام خله آخر تفكر فيه

 

Math 208 - 201

التحضير:
كان نهاية الكلاس يصور الحضور بجواله ويسجل الغياب.

طريقة الشرح:
كان يسوي مشاركة للشاشة ويجلس يكتب عالبورد
يوضح في البداية اهداف الدرس وبعدها يشرح الكونسبت
وبعدها يعطيك خطوات تسويها علشان تحل اي سؤال على هذا الدرس (How to solve)
وعلى كل نقطة شرحها يعطيك اسئلة متنوعة من الكتاب او الاولد اقزام.
ويحب يتطرق لأخطاء الطلاب علشان تتجنبها.


إضافات:
1- بخصوص الاختبارات (الاسايمنت او الميد) كان يعطينا اليوم اللي قبل الإختبار هيلب سيشن يحل فيه اسئلة ويركز على نقاط معينة وتجي نسخ لصق في الاختبار
2- الدكتور ينحرق دمه ويفصل اذا حصل الطلاب مافهموا شغله او ماكانوا مركزين معه , من الدكاترة القلة المخلصين جدا في عملهم, برضه يبغى الكل يتفاعل معه وكل شوي يسأل انتم معي وتراك بتقول Yes كثييييييييييييييييييييييييييييير.
3- الدكتور كان الكوردنيتر فكان يسمع للطلاب واغلب الاشياء اللي اقترحوها الطلاب سواها مثل:
تحويل الاختبارات لريتن بدلا من الفاينل انسر , اضافة كويز اضافي وحذف اسوأ كويز .
4- بخصوص تصحيحه , لين الميد كان يعطيك بالملي وتاخذ حقك ولكن بعد الميد صار متساهل بشكل اكبر وفي الفاينل ماقصر مع الجميع والاغلب اخذ فوق حقه .
5- نقطة مهمة الدكتور نوتاته كانت حوسة ومليانه أغلاط.
6- الدكتور مايسجل المحاضرات
7- في الأوفيس اور مايقصر ابدا ومستعد يشرح لك اي شيء .

هذي النقاط من وجهة نظري المتواضعة خلال ترم كامل مع البروفيسور عبدالسلام ميموني, كان احد أفضل وأمتع الكلاسات اللي حضرتها هالترم من ناحية شرح الدكتور الممتاز ومن ناحية طيبته وحرصه عالطلاب وحبه اضافة لبعض الفكاهة والمتعة في محاضراته, ولو تتاح لي فرصة اني أخذ كورس اخر معه لن اتردد ابدا.
جزاه الله خير

 

Math 208 - Term 222
التحضير:
الدكتور يحضر اخر الكلاس غالبا او ب نص الكلاس، ومب كل الايام يحضر كثير ايام ماحضر فيها. طريقة التحضير ب الباركود من التطبيق

طريقة الشرح:

الدكتور يعتمد اعتماد تام على الشرح ب الكتابه على السبوره، يكتب لك الانترودكشن و الاوبجكتف و يعطيك نبذه عن الدرس بعدين يبدأ يحل لك مسائل، يبدا يحل ب السهل و يتدرج لين مايوصل ل اسئلة الاولد او اسئلة مستواها صعب او فيها تريكات. الدكتور يهتم جدا جدا جدا ب فهم الطالب ومثل ماقالوا اللي قبلي ب تقول yes كثييير.
طريقة شرحه بالنسبه لي واضحه، الدكتور من الاخر شريييييييح.


الكويزات:
مستوى كويزاته متوسط, بالعاده يعطينا سؤالين سؤال مستواه بسيط و سؤال فيه لكاعه شوي.
الدكتور عطانا ٦ كويزات و حذف لنا اسوء كويزين (الشغله كلها تعتمد على الافرج حق الكلاس اذا كان مرتفع مب حاذف لكم شيء واذا كان نازل بيقعد يحذف لكم كويزات لين يدخل ال range اللي يبيه)


إضافات:
الدكتور طيب وحبيب لكن تراه مايداني يشوف واحد على جواله ب الكلاس او نايم واذا شافك ممكن يزبد لك او يمزح معك على حسب المود، لكن اذا تكررت اعرف انك بتنكرش من الكلاس

الكورس ماكان فيه مصادر الصراحه ف كنت مكتفي اني اصور السبوره بعد مايكتب عليه و طلعت من الكورس ب قريد طيب و الكلاس حقنا اعتقد كان ٣٣ طالب ١١ منهم اخذوا A+ ف اذا انت تدور قريد الدكتور يناسبك

 

Math 208 - Term 223

التحضير : يحضر اخر الكلاس ،وكثير أيام ما حضر فيها وطريقة التحضير بالباركود من التطبيق

طريقة الشرح : يكتب بالسبورة الانترودكشن والاوبجكتف ثم يشرح الكونسبت خطوة خطوة بشكل متسلسل ومرتب كتابة على السبورة ويعطي مثال او مثالين على كل فكرة ثم نهاية الدرس يعطي سؤال او سؤالين اولد اقزام, ودائما بيكرر عليكم عبارته الايقونية YES OR NOOO?!!!!!! ولازم تقولوا YES ولا بيعيد شرح النقطة مرة ثانية واذا حس ان الyes تبعكم ضعيفة ممكن يعيد شرح النقطة مرة ثانية بعد

الكويزات : اغلب كويزاته مستواها من سهل الى وسط وزي ما قال الي فوقي يعطي 6 كويزات ويحذف اسوء 2 (يعني بيدبرها في مصلحتك)

القريد النهائي: A+

الصوت: عالي جدا وواضح أشد الوضوح ولهجته واضحة جدا لدرجة ما بتفكره مغربي

إضافات :
-الدكتور طيب ويهتم بالطلاب أشد اهتمام وتقدر تسأله بعد الكلاس ويسحبك لأقرب غرفة فاضية ويشرح لك على انفراد لين ما تفهم وحاضر في الاوفيس والتيمز ويسوي هيلب سيشنز للطلاب اونلاين او حضروي حسب رغبتكم
-ومن الصورة والكلام في البداية بتحسبه عصبي بس والله انه فرفوش ويحب ينكت ويسولف, بس لا تستعمل الجوال يرحملي والديك ولا بيطردك
-الكورس توه حدثوه فما كان فيه مصادر عدلة؛ فكان الكلاس كامل وأنا منهم نسوي زي الي فوقي نصور السبورة (كتابته على السبورة جدا سهلة الفهم ومرتبة وتغطي كل شيء في الميتيريال وأشوفها أفضل من نوتاته الي صايرة ملخبطة شوي وتضيع الواحد), و9 طلاب جابوا A+ و3 جابوا A (وأنا منهم بدون ما أشد حيلي, وكنت قريب من الA+) من أصل 22 واحد تقريبا في الكلاس
-من ناحية الحل كنت أعتمد على اولد "جست مياو" من أفضل الاولدات انصح به بشدة جزاها الله خير