تقييم سيرتك الذاتية هنا!

وعليكم السلام ورحمة الله ,, ماشاء الله انجازاتك ومعدلك شي جميل انها تخليك stand out from crowd وبقولك شيء كمان يعطيك قفزة زيادة :
1/ في قسم الخبرة اكتب انجازاتك اكثر ما انك تكتب مسؤلياتك لان كذا بشوفك موظف عادي يأدي مهامه اللي عليه فقط ( مثال : انجزنا البروجكت الفلاني في وقت قياسي جداً عن المطلوب أو كنت أدير عدد كبير من الموظفين تحت ضغط عالي !), ابحث عن انجازاتك اللي تميزك واكتبها .
2/ حط قسم الــHonors and Awards دايركت بعد الخبرة ، لانها شي حلو بتخليني اكمٌل اقرأ السي في حقك .
3/ المهارات او الــskills حط شي specific ومميًز في نفس الوقت , ( مثال: انا شخص مُعجب في الـLean thinking لانه علم يفيدني في تقليل الـWaste وزيادة الانتاجية ! )

وبالتوفيق ان شاء الله ,,,,

 

يعطيك الف عافية وماقصرت ... بالفعل ملاحظات ما كنت منتبه لها

 

لسلام عليكم و رحمة الله و بركاته
مالكم بالطويلة انا الحمدالله توني متوظف في عبداللطيف جميل ستة شهور تدريب كامهندس استقبال وعدلت على السي في ابي نصايحكم و مشورتكم في السيرة الله لا يهينكم.
و اطمح اني اتوظف في شركة نفطية او زيت و هل الخبرة في عبدالطيف جميل بتفيدني؟

 

وعليكم السلام , مجملاً السي في جيد جداً بالنسبة لي اشوفه , لكن فيه نقطتين :
1/ قسم الPersonal Skills ليش حاط عندك معرفة في الماس والهيت ترانسفر ! Totally not related
نصيحتي خلي قسم الSkills حقك يحكي انك انسان اجتماعي وتحب تشتغل في قروبات اكثر ما انك تشتغل لوحدك ومن هالكلام.
2/ قسم الـLanguages ممكن تحطه اذا انك تتكلم 3 او 4 لغات مثلاّ لكن معروف بكتابتك للسي في حقك ان لغتك الانقليزية كويسة ومايحتاج تذكر هالشي

 

وعليكم السلام ، برأيي السي في حقك كويس اشوفه بس افضل لو انك تفصل في الاكسبرينس اكثر وتاخذ هالمساحة من قسم التريننق، فصَل أكثر في كتابة عملك الحالي كذلك

بالتوفيق .

 

وعليكم السلام , انك ماحصلت وظيفة في فترة من 3 الى 6 شهور طبيعي جداً لاتخاف ورزقك بيجيك ان شاء الله السي في تبعك ممتاز اذا تبيه متميز جداً راجع ردي لـMech.Engineer وفالك التوفيق ان شاء الله

- لاتنسى تضيف قسم للSkills لان بعض الـRecruiters يشوفونه شيء اساسي في السي فيز

 

1+

 

up

 

يعطيك العافيه ماقصرت

 

فصّل شوي في اللي كاتبة في قسم ال Summer Training وطلعت منه بنتايج، يعني النقطتين الاولى والثانية صيغة كتابتك لها ما افهم انك سويت حسابات فيها وطلعت بنتايج غير النقطتين الاخيرتين، بدّلهم من رأيي أفضل لشيء انتهى بنتيجة،

الSkills كالعادة مثل غيرك اكتب شي غير المعتاد مميز فيك انت مو موجود ف غيرك ، دوّر وراح تلاقي، لان اذا بغيت استقعدلك في المقابلة راح اسألك انك تعطيني مثال في حياتك مريت فيه لكل skill كتبتها، وبشوف عاد مثالك يعجبني ولا زيك زي غيرك !

على سبيل المثال واحد عنده مهارة مو موجودة عند ناس كثيرة وهي الNegotiation بيقولي عطني مثال بقوله ببساطة اكاسر البائعين لما اشتري منهم بضاعة ما اخذها بنفس الثمن دائماً، وهذي المهارة كموظف تفيدك للتواصل مع الشركات الثانية مثلاً وانك تتفق معهم على Deal بافضل سعر وماتخسر الشركة حقتك فلوس !

بالتوفيق،،

 

اول قسم خلّه Objective ولا يتعدى السطرين ،

قسم الSkills حاط عدد كبير وهذا يدل انك ناوي من البداية تعبي فراغات في السي ڤي لان ماعندك خبرة لكن عادي ترى قوّة السي ڤي مو بكثرة كتابتك فيه، راجع نصيحتي في هالقسم في ردودي للشباب .

كذلك قسم الخبرة حاول تختصره باللي طلعت فيه بنتائج وليس مهمة روتين اعتيادي ،

عندك نقطة حلوة تميزك محورها حول ( التعلم الذاتي ) اللي من خلاله تعلمت المهارتين اللي ماخذهم من Udemy ,


All the best

 

لا هنتم

 

أتمنى منكم تقييم سيرتي الذاتية و شكرا , هذه السيرة بعد التعديل

 

السلام عليكم ورحمة الله
لو تكرمتم قيموا سيرتي الذاتية، إذا فيها ملاحظات أو أخطاء .
وشكراً لكم مقدماً

 

بعد إذن الأخت 1Samia و @soofi
----

الكلام الي في البداية شوي طويل حاول تختصره ، و الشي الثاني جملة Mechanical Engineer خلها سميكة بحيث تكون بارزة بين الكلام

حاول تعدل الصياغة ، مثلا مايحتاج تكتب who is , على طول اكتب continuously developing
هذا مثال ، فيه أخطاء ثانية ، بشكل عام الصياغة تحتاج تعديل مثلا I want to apply for the position of Mechanical Engineer because I have good knowledge of thermodynamics, بإمكانك تصيغها بطريق ثانية ومختصرة

مثلا صياغة أفضل للأبوجكتيف
Motivated and Fresh Mechanical Engineer seeking an entry level position that provides the opportunity to apply my skills and technical background to participate in achieving the organization goals.

الشي الثاني العنوان الي على اليسار مكتوب خله Objective أو Summary بدل Aspiring Mechanical Engineer

العناوين لا تخلي تحتها خط & حاول تخليها بخط أكبر شوي



أول قسم بعد الأبوجكتيف هو التعليم
واكتب معدلك ومن كم هو هل هو 4 -5

في كل الأقسام سواء الخبرة أو التعليم أو النشاطات خلها من الأحدث إلى الأقدم.


الدورات التدريبية ، ماشاءا الله ممتازة لكن ترتيبها شوي ملخبط ، يعني الواحد يحتاج 4 دقايق عشان يعرف ايش هي الدورات و الجهة الي اصدرها والتاريخ
فحاول انك تخلي بشكل افضل ، مثلا اسم الدورة في السطر الأول تالي شرطة تالي اسم الجهة وفي اقصى اليمين اكتب التاريخ ، او اي تنسيق تحس ان يخلي الدورات واضحة

& نصيحة في بعض الكلمات والاختصارات مهمة وتلفت الانتباه مثلا six sigma خل هالاختصار سميك عشان يكون بارز

Volunteer Experience خلها Extracurricular Activities & Memberships

لو سبق وطلعت تدريب اذكر هالشي تحت قسم الخبرة
ولو ماحصلت مكان قلل المساحة الي عاطيها للمهارات الشخصية لأنها اقل اهمية من المهارات التكنيكال

اقتراح تخلي رابط ملفك في موقع linked in تحت الايميل وتكتب Linked in Profile :وتالي تكتب الرابط
او تكتب اسمك وتخليه كأنه رابط يعني بس يضغط عليه يحول مسؤول التوظيف على صفحتك في الموقع
&
حاول تخلي نهاية كل ايميل لك توقيع واقصد فيه مثلا كذا :


Abdulraham Alfolani
Mechanical Engineer
Mobile No.: 054444444444444444
Linked in Profile : XXXXX

وماتدري يمكن يطلع على ملفك في الموقع وتعرف هل هو اطلع على ملفك أو لا . & في Linked in عندك مساحة اكبر بإمكانك تذكر مشروعك الي فاز بأفضل مشروع وتقدر تخلي فيديو او صورة له ويمكن مسؤول توظيف يشوفه ويعجب فيه ويتواصل معاك لأن مشروعك له علاقة بالشركة.


اسف على الإطالة ، الله يوفقك ياعبدالرحمن ويرزقك الوظيفة الي تتمناها

 

- مايحتاج تكتب اسم التخصص تحت اسمك لان فيه قسم للتعليم وفيه التخصص

- حاول تكتب بخط واحد وبنفس الحجم ، يعني من الأخطاء عندك هو عناوين الأقسام كل واحد منها تقريبا مكتوب بحجم وخط مختلف ، وهالخطأ متكرر في اكثر من مكان فراجع كل السيرة وتأكد من الألوان و الأحجام والخط سواء للعناوين أو الكلام الي تحتها .

- A fresh graduate of احذفها ، واستبدلها بـ Fresh كشكل وصياغة أفضل
r as Mechanical Engineering خطا كصياغة وجرامر فعدلها ورايي تحذفها ، و استبدلها بـ

Fresh Mechanical Engineer seeking an entry level position that provides the opportunity to apply my skills and technical background to participate in achieving the organization goals.


- اقتراح تخلي رابط ملفك في موقع linked in تحت الايميل وتكتب Linked in Profile :وتالي تكتب الرابط
او تكتب اسمك وتخليه كأنه رابط يعني بس يضغط عليه يحول مسؤول التوظيف على صفحتك في الموقع

اسم الكلية مكتوب بحجم كبير يختلف عن باقي الكلام .
اسم الكلية خله في السطر الثاني لحاله وفي اقصى اليمين اكتب التاريخ
حدد المعدل من كم هل هو من 4 أو من 5


اسماء الشركات والجهات و الجامعات و الأشهر خل الحرف الأول من كل كلمة كابيتال مثل كذا :
First Milling Company

لأن هالخطأ متكرر عندك كثير

- احذف (Mechanical Engineering( الي بعد اسم الشركة.

التواريخ يكفي تخلي اسم الشهر والسنة مايحتاج تحدد اليوم ، اكتبها كذا:
June - December , 2018

اسم التدريب الأول رايح لليسار بزيادة مقارنة بالخبرات الي تحته ، فحركه لليمين شوي

- الاربع نقاط الي مخليها تحت الكواب الأول ، مب واضح اي تقصد فيها ، هي اسماء اقسام او أهم المواضيع الي تدربت عليها .
مثلا لو كان التدريب في عدة أقسام فأكتب قبلها النقاط : Rotational Training Program within Different Department
فحاول تخلي للنقاط معنى & لو تذكر المسؤوليات الي كانت عليك بيكون افضل لأن الهدف من ذكر النقاط هو إعطاء انطباع لمسؤول التوظيف انك استفدت من التدريب ونفس الوقت يعرف هل انت سبق واشتغلت في بعض المجالات المرتبطة بمجال شركته او لا .
ولو عندك مشكلة في صياغة المسؤوليات هالرابط يمكن يفيدك
Mechanical engineer job profile | Prospects.ac.uk
لا تنسخ المسؤوليات ، حاول تستفيد من طريقة صياغتها

في النقاط الي تحت الخبرات خل اول حرف منها كابيتال

مايحتاج تكتب to يكفي تستخدم شرطة -

اختصار الأوشا و 6 سيغما و البروجكت مانجمت خلهم بخط سميك عشان تلفت النظر وتكون بارزة بين الكلام

مايحتاج تكتب رقم العضوية في الهيئة

اسماء الأشهر خل اول حرف منها كابيتال


اسف على الإطالة ، الله يوفقك ويرزقك الوظيفة الي تتمناها

 

وعليكم السلام ورحمة الله وبركاته ،

السيرة بشكل عام جيدة ، لكن فيه بعض الملاحظات :

- خليها صفحة وحدة ، صحيح الصفحة الثانية فاضية لكن لازم السيرة تكون صفحة وحدة بس.
- عناوين الأقسام خيها اكبر شوي ، لأن لما تطبع السيرة بتلاحظين انها صعبة في القراءة.

خلي قسم الخبرة بعد قسم التعليم .

- راجعي السبيلنغ في كل السيرة لأن عندك أكثر من خطأ ، واحد منها عنوان قسم الخبرة.

- حددي في اي شهر بالضبط تخرجتي ، لأن ممكن يطلعون على سيرتك في بداية 2019 ولما يشوف 2018 يفكرك ظليتي سنة بدون وظيفة بينما في الواقع انتي تخرجتي في نص او نهاية 2018 فيعني أقل من 6 شهور من تخرجتي


- في قسم الخبرة ، اسم الشركة الي تدربتي فيها مب واضح ، لأن احس الاسم عام وما ادري هل فيه شركة هذا اسمها أو لا . واذا هذا اسمها فخلي اسمها كأنه رابط يعني بس يضغط على اسم الشركة يحوله على موقع الشركة .

بدل Task included تقدرين تكتبين Responsibilities:

اول كلمة في الجملة خلي اول حرف منها كابيتال ، لان هالخطأ عندك متكرر في مسؤوليات التدريب .

في قسم الإنجازات :
لا تخلين شرح البروجكت متصل بعنوان البروجكت ، يعني اسم البروجكت المفروض يكون في سطر والشرح تحته .
& بإمكانك تخلي اسم البروجكت سميك عشان يكون سهل في القراءة والتمييز بينه وبين الشرح الي تحته وحتى كشكل اتوقع بيطلع افضل

Of Projects: بدلها اكتبي Academic Projects

واحذفي of قبل Courses

ورايي تخلين القسم بعنوان Projects & Training Courses لأنه مناسب أكثر من ال Achievements

الدورة حاولي تكتبين اسم الجهة الي قدمتها .


VAT اشوفها متكررة في كثير من إعلانات التوظيف فأعتقد لو خليتها سميكة عشان تكون بارزة وتلف النظر بيكون شي جيد

- فيه مسافة زايدة قبل قسم C O NTAC T قلليها .

- البروفايل ، ممتاز لكن رايي تستبدلين open-minded ، فيه كلمات افضل منها . لأن ما احسها مناسبة ويمكن تفهم بشكل مختلف.


- راجعي الخطوط والأحجام لان احس بعض الأقسام مكتوب بحجم اصغر عن باقي السيرة . مثل المشاريع مكتوب بخط اكبر من قسم التعليم .
* الحجم الي ممستخدمته في قسم المشاريع ممتاز فعدلي بقية الأقسام.



اسف على الإطالة اختي ، الله يوفقك ويرزقك الوظيفة الي تتمنيها .

 

السلام عليكم ,
أتمنى تقيمون سيرتي اسعدكم ربي ..

شاكره لكم مقدماً

 

ملاحظات قيمة، قمت بتعدل كل ماذكرته
شكراً لك ، والله يحقق لك كل ما تتمنى.

 

ملاحظات قيمة، قمت بتعديل كل ماذكرته
شكراً لك ، والله يحقق لك كل ما تتمنى.