سؤال و إستفسار .. أتمنى المساعدة

السلام عليكم ..
أسعد الله صباحكم بكل خير ..

ياخواني الاعزاء انا اشتغل في شركة أجنبية كبيرة , المهم أنه هذا الاسبوع الثاني لي , وفي الاسبوع الأول علموني وش بشتغل تقريبا وقالولي يبيلك شوي على مابال تدخل معنا في الشغل , طبعا الى الان لقطت منهم كم معلومة وانا بنفسي اروح واسال وانشد ولا الوقت الباقي جالس على المكتب خصوصا ان الدوام طويل وانا ايضا جاي من وظيفة سابقة كنت فيها بدون مبالغة اغلب الوقت اتحرك ووقتي مزحوم , فاللي خايف منه انه هنا يهمشوني بما اني السعودي الوحيد المهندس فيهم , فاللي له خبرة في الشركات الكبيرة , كيف اتلافى هالوضع , خصوصا انه فيه مهندس مصري لما عرف اني سعودي وحديث تخرج تقريبا قعد يستحقرني بنبرة غريبة وظرب مبطن من تحت الحزام , وسلمني مهام والله معقب , طبعا وقتها ولعت وبلعة السالفة لاني كنت توني جايهم , وسحبت على شغله اللي يبيه , وبديت اخش في عيونهم نوعا ما واقولهم سلمولي شغل , وفي نفس الوقت مابي ابثرهم وازن عليهم لاني توني جديد وابي بدايتها تكون علاقتي معهم حلوه .

نصايحكم يالربع .. وشكرا .