Water & Electricity Co. WEC

انا كلمتني الاتش ار و لا صار فيه نصيب
لكن حاب انبه على نقطه الشركه حسب اللي فهمته مهمتها مراقبة المشاريع و ليس تشغيلها
و المشاريع منتشره فكافة انحاء المملكه فاتوقع الشغله فيها سفريات دايما
فاللي حاب يستقر و ما يحب كثرة السفريات يستفسر منهم
طبعا انا اتوقع و لا اجزم

 

الشركة عبارة عن offtaker للماء والكهرباء
يعني الشركة الوحيدة في السعودية اللي تشتري وتبيع ماء وكهرباء بأسم الحكومة
ومهمتها الرئيسية تخصيص القطاعين هذولي
حالياً شغلهم في قطاع المياه فقط
مؤكد جداً انك كمهندس حديث التخرج تنزل للسايت بين فترة وفترة وأعني بالسايت المحطات سواء فترة الإنشاء او التشغيل
ممكن تنزل اسبوع او شهر على حسب التاسك المطلوب منك.

 

فعلا عرضهم ضعيف على القطاع و المشاريع اللي ماسكينها
بالاضافه الموظفين عددهم قليل فالمفترض تكون الرواتب عاليه
ايضا حسب كلامك اجراءات التوظيف اخذت فتره طويله
و الى الان يبحثون عن مهندسين !!
يبدو انهم ورطانين و مو محصلين احد يقبل بهالعرض

 

انا رفضت العرض وقالو بنراجع العرض ونكلمك لو الجميع رفض وضغط عليهم ١٠٠٪ بيعدلون عرضهم المخيس

 

انا جاني نفس العرض حقك ياغالي وقبلت العرض لاني فرش ومحتاج خبرة في تخصصي. ولكن الصراحة عرضهم كان مخيب للامال. بعد توقيعي العرض قالو لي في احتمال نغير لك العرض من ناحية الراتب يعني يزيدون فيه. وان شاء الله يطلع كلامهم صحيح ويعدلون في العرض.
لو سمحت ياغالي ممكن تفيدني اذا عدلو في عرضك من ناحية الراتب والمميزات ايضا او لا ؟
والله يوفقك ويكتب لك الي فيه الخير.

 

اولاً احب اطمنك كل اللي قبلو بالعرض لو حصل تغيير بيرجعون يكلمونهم ويغيرون لهم العرض
ما الومك تقبل ولا الوم اللي رفض
في النهاية نقول ان شاء الله يعدلون العرض بحيث يكون مناسب يعني زيادة ١٠٪ غير مرضية اقل شئ ٢٥٪-٣٠٪

 

الله يعوضكم يا شباب انا سويت مقابلة الاولى و تم رفضي و قلت لعلها خير و فعلا توقت الرواتب توصل على الاقل 12 الاف ريال بنسبه انها شركة شبه حكوميه و التعقيد الذي حصل (( النقل الى الرياض بالنسبه لسكان خارج مدينة الرياض)) الله يكتبلكم كل خير و توفيق حبيت اشارك صدمتي من العرض الوضيفي

 

الله يطمنك بالخير ياغالي وان شاء الله يتم التعديل على العرض بالشكل المرضي والمناسب لقدراتنا وشهادتنا.

 

الله يوفقك اول وظيفه لا تفكر بالراتب كثير اعرف مهندسين كثيييير يستلمون اقل من كذا و شركات مش حالك
غير اللي جالسين فالبيوت عاطلين و اللي يشتغل كاشير

 

وياك ياغالي والله يسعدك على تشجيعك المعنوي والصراحة كلامك صحيح 100%. والواحد يطمح الى الافضل والمحفز المعنوي والمادي.
الله يكتب الي فيه الخير ان شاء الله ويصير الي نطمح له.

 

بشر ياغالي صار شي جديد معاك ؟

 

امس تواصلت معهم الموضوع مطول يمكن ياخذ اسبوع الى اسبوعين
ولا ترفع سقف الطموح كثير ترا الزيادة اذا فيه زيادة بتكون اقصى شئ ممكن يزيدونه ١٠٪ فقط
تعديل الرواتب عندهم معقد ويحتاج موافقه من البورد فالموضوع بياخذ وقت

 

يعطيك الف عافية على الرد ياغالي. وكل تاخيره فيها خيره ان شاء الله والله يكتب الي فيه الخير.

 

السلام عليكم
يا شباب فضلا لا أمرا ياريت تذكروا كيف كانت طريقة التقديم ؟

 

والله العظيم ما اخفيك الصراحة نسيت كيف قدمت عليهم بس الي متأكد منه انه تقديمي ماكان عن طريق موقعهم. جاني ايميل منهم في july عن طريق الايميل هذا([email protected]) طلبو مني ارسال السي في حقي وبعدها ارسلو لي اعبي فورم اكسيل وبعدها كملت الاجراءات الين العرض الوظيفي.

اتمنى هالشي يفيدك ياغالي.

 

انا جاني اتصال من مدينة الملك عبدالعزيز للعلوم والتقنيه وقالو لي اني مرشح على عرض وظيفي مهندس ميكانيكي مساعد على عقود المدينة والمرتبة السابعة.
طبعا انا خريج من دون خبرة.
ممكن تفيدوني عن طبيعة العمل فيها؟ والتطور الوظيفي؟

هل هي خيار ينافس شركة الكهرب والماء من ناحية التطور الوظيفي وطبيعة العمل واضافة خبرة هندسية عملية؟

جزاكم الله الف خير

 

لحظة لحظة
فيه فرق شااااسع بين المجالين، المدينة خبرة اكاديمية والشركة خبرة عملية
اولاً اي عرض يجيك اقبله حتى لو كنت موقع مع الشركة العرض الوظيفي، بكل بساطة اذا قبلت المدينة تقدر تتصل على الشركة وتعتذر او ترسل ايميل رسمي، يعن انت الان لك الخيار تكمل مع الشركة او تنسحب.
ارجع للفرق بينهم ..
المدينة بيجيك فل بكج حدود ١٣ الف ويمكن اذا فيه مشاريع كل مشروع تاخذ زيادة الفين الى ثلاثة وطبيعة العمل اكاديمية بحته وراح يلزمونك بدراسة الماستر برا
الشركة لو تعدل وضعها بالكثير بتاخذ فل بكج ٩٥٠٠، التطور فيها الله اعلم ماحد يقدر يجزم لك، الرواتب ماتدري بعد كم سنة كم بتكون، التدريب برضو غير معلوم، فيه ضبابية في الشركة وهذا الشئ طبيعي كونها شركة ناشئة لكن! ممكن يكون عندها برنامج قوي وسلم رواتب محترم الله اعلم، بشكل مبدئي ومن العرض الوظيفي اللي وصلنا لا اعتقد ان الرواتب فيها بتكون ممتازة ولكن اعتقد ان الخبرة فيها راح تكون ثرية جداً

في النهاية المجالين بعيدة عن بعض وهذا راح يسهل عليك الاختيار وتحديد الافضل بناءً على رغبتك سواء اكاديمية او عملية
اتمنى اني افدتك واسف على الاطالة.

 

يعطيك الف عافية على المعلومات ومااقصرت ياغالي.
انا العرض الي جاني ياغالي من المدينة مو وظيفة باحث علمي او باحث اكاديمي كل المعلومات والمميزات الي ذكرتها متعلقه بهالوظيفتين (باحث علمي او باحث اكاديمي).
مسمى الوظيفي الي عرض علي هو مهندس ميكانيكي مساعد على المرتبة السابعه وعلى عقود المدينة. والمميزات الي ذكرها موظف شئوون الموظفين
الراتب فل بكج 9750 (راتب اساسي 7740+ بدل ساعات اضافية 15% + بدل نقل 740+ بدل غلا معيشة 1000) مع خصم التأمينات الاجتماعية.
هناك فرق تقريبا 1400 بين راتب شركة الكهرب وعرض المدينة.
انا الصراحة يهمني التطوير والتدريب الوظيفي لاكتساب خبرة مهنية ممتازه في مجال تخصصي وهذا الي حاب اعرفه من ناحية المدينة.

 

حاول انك تستفسر منهم مهام الوظيفه وش شغلك بالضبط هل متعلق بالابحاث او بصيانة المباني

 

انا عن نفسي ماقدمت عليهم ولا ادري الى اليوم من وين جابو رقمي، يتضح لي انهم كلمونا عن طريق لسته فيها ارقامنا وليس عن طريق السي في لانهم طلبو السي في بعد الاتصال، اقرب شئ هو انهم خذوا الاسماء من الكلية والله اعلم

اممممم، صراحة اول مره ادري ان المدينة توظف بهالطريقة ولكن حط في بالك ان مجال الشركة مياه بحت، المدينة المفروض تعرف وش بيكون مجالك ولكن اتوقع بيكون في الصيانة والتشغيل.
شيك على الخاص