نقاش: تمهير استغلال للخريج

تمهير هو سعودة بس بشكل رسمي

 

صحيح انه 3000 قليلة، لاكن أنا اشوف ان تمهير فرصة ممتازه لحديثي التخرج اللي ماعندهم أي خبره. الهدف الاساسي من تمهيير هو إعطاء فرصه لحديث التخرج انه يبني سيرته الذاتية + إذا اثبت نفسه الشركة ممكن تعطيه عرض وظيفي.

دايماً نشوف حديثي التخرج يعانون، يقولون كل الوظايف تحتاج خبره وكيف اجيب خبره إذا محد يبي يوظفني. تمهير، نوعاً ما، حل لهذه المشكله.

صراحة، أنا شفت ناس كثير لهم اكثر من سنه عاطلين يدورون أي شركة توظفهم لو ببلاش، بس عشان يصير معهم خبره.

وفي ناس بال 6 شهور هذي بدال ما يجيها 3000 كل شهر، تصرف فلوسها على دورات و اختبارات. والخبره العملية, عند الموارد البشرية، افضل من الكورسات والشهادات.


شخصياً، اشوف ان تمهير مبادره جيدة.

 

واضح الترقيع و ما دخل مخي.
كانوا و لا زالوا يجيبون فنيين بدون "تمهير" و حديثين تخرج من برا و لا قالوا لهم نجربكم و لا شي.

 

بغض النظر عن الراتب الخريجين الفريش يبحثون عن الخبرة
و ثلاث الاف صحيح مو المبلغ الجيد لكن برضو تمشي الحال و تخلص فيها مصاريفك
اتكلم طبعا اذا كانت الفرصه في نفس مدينتك
اما اذا خارج فلازم ميزانية للسكن
للاسف كانت لي تجربة سيئه
و ما استمريت معهم اكثر من شهرين و غادرت
باختصار كانو حاطيني مزهرية في الشركة هههههههههه
جب لابتوبك معك و خذ فره عاليوتيوب و تويتر
اتوقع الشركات تستغل هالشي عشان ترفع نسبة السعودة
فعشان كذا للي حاب يدخل هالبرنامج ادخل معهم بالتفصيل
و خلهم يشغلونك قبل ما يضمونك بالبرنامج عشان تضمن انك بتكسب خبره

 

في الفترة الماضية معظم الشركات كانت تطلب بس خبرة، الان بوجود تمهير في بعض الشركات اعطت فرصة للمتخرجين لمدة شهور قليلة لاثبات انفسهم.

صديق لي يتحدث لي عن شركة وظفت العشرات من المهندسين الفرش لفترة محدودة جزء من الراتب عن طريق تمهير والجزء الاخر عن طريق الشركة،، والمهندس الا يثبت نفسه ح يحصل ع بوزشن دائم، هل الافضل المهندس يجلس في بيتهم او ياخذ هاذي الفرصة؟

الراتب فيه اجحاف، اتفق، ولكن تمهير قدرت توفر بعض الفرص للمتخرجين وبالتالي اشوفها مبادرة طيبة افضل من ان المهندسين يكونوا عاطلين ل شهور كثيرة او سنوات بدون اي فرصة

 

تصنع مشكلة و توجد لها حل جزئي مؤقت. ثم تمجد الحل.

 

True unfortunately

لعلها بداية خير والله ييسر امورنا

 

المشكلة ان العرض يفوق الطلب دائماً.. و برضو اشوف 3000 شوية للتدريب (قصة ثانية لو كان بمدينة اخرى!)

صحيح أبحث عن الخبرة لكن الخريج الحديث يعاني مادياً .. ممكن لو كانت 4500 كستاندرد افضل بكثير من 3000