يوم المهنة والوظائف

صباح النور

صعبة تحكم ع مستوى ( جدية الشركات في التوظيف ) , رايي خاله يتابع المنتدى هنا ويشوف ردود الناس في اول يوم من يوم المهنة

 

متى يوم المهنة؟

 

الاحد القادم 1 أبريل

 

ما في أي احد يقدر يجزم لك ان كل الشركات المشاركة مجرد "عرض" ولا حتى رئيس تنظيم المعرض يعرف شي مؤكد
وبنفس الوقت مش كل الشركات المشاركة عندها جدية التوظيف .. بعضهم مجبورين يشاركون عشان يحصلون على درع "اوشهادة" من جامعة البترول تعترف ان الشركة الفلانية ساهمت في التوظيف

الحل : انك تاخذ السي في حق خويك وتروح تسوي فيه خير بدال مايضرب مشوار
لان اغلب الشركات حاطه جهاز ايباد وتعبي بياناتك او تقولك بس حط السي في وتوكل

انا سويت كذا حق خويي مع انه من سكان الرياض قريب لكن قلت له لا تجي انا بقدم لك
بصراحة انا حضرت 3 مرات المعرض 2017-2018 ماشوفه يستاهل العنا

 

السلام عليكم

انا ان شاء الله طالع للرياض والشرقية الاحد وانا مهندس كيميائي حديث التخرج من سنه وابغاكم تدلوني على شركات او مؤسسات تقبل حديثي التخرج وشكرا

 

فعلا المعرض لا يستاهل انك تضرب خط او تحجز تذكرة عشانه اما لو كنت في الشرقية وفاضي ما يمنع انك تسير عليهم

 

السلام عليكم
ما أقدر أفيدك في النقطة الثانية لكن بأتكلم عن النقطة الأولى..
محدثكم متخرج من جامعة المجمعة، الجامعة جديدة ونوعًا ما أخذت سمعة طيبة مقارنة بجامعات عريقة مثل KSU, KFUPM, جامعة الإمام عبدالرحمن وكنت متردد في أني أروح لكن بتشجيع من صاحبي قررنا نروح سوا.
تقديم طلب التوظيف في المعرض ينقسم لقسمين، إلكتروني ويدوي. بالنسبة للإلكتروني، ما تقدر تسوي شيء يساعدك في التوظيف لأنهم يفرزون المتقدمين بالمعدل. بالنسبة لليدوي، هنا أنت تحاول تبرز نفسك، لأنهم يستلمون عدد كبير جدا من السيفيات يوميا وما راح يقرأون العدد كله إلا نوع واحد من السيفيات فقط... اللي لما استلموه، كتبوا عليه نجمة أو ملاحظات.
كيف تحصل "النجمة"، لما تقدم يدوي، دردش مع مسؤول التوظيف باحترام عن الشركة، خذلك معلومات عنها وقلها وبيّن له أن عندك رغبة بالعمل فيها، اسأله عن طبيعة الوظائف المطروحة، وعلى حسب مسؤول التوظيف اللي قدامك.. طلع الإنجليزي اللي بداخلك لو لغتك ممتازة لأنها فادتني كثير، وأهم شيء، خلك مبتسم، لا تكشر، تراها صدقة
الحمد لله، آخر معرض توظيف حصلت عرضين وظيفيين، واحد في الخبر والثاني بالرياض. مع العلم أني لما قدمت على كلا الشركتين، كنت أبيّن لهم بشكل عارض أني حصلت درجة 6.5 بالآيلتز ودرجة 93 في القسم الكمي في قياس الجامعيين. فابحث عن الأشياء اللي بتميزك عن غيرك وقلها.
في النهاية الله يوفق الجميع، وحسب ما سمعت أن معرض التوظيف هالمرة فيه شركات أكثر وفرص أكثر.

 

طيب هل اتكلم انجلش مع مسؤولين التوظيف و لا بس الاجانب؟ اخر معرض كلهم سعوديين
استفساري الثاني و اتمنى جواب له بعضهم قبل يستلم السي في يسال اي جامعه و لمن جاوبته يقلي مانبي منكم هل في طريقة اثبت له اني "كويس"؟