المدة الزمنية لإجراءات توظيف أرامكو

ممكن معلومات اضافية بخصوص interview ديبارتمنت Drilling&workover

 

و وين مشاريعهم غالبا، في اي مناطق(رقوق)؟

 

السلام عليكم.. عندي استفسار بخصوص اجراءات التوظيف،
أنا اختبرت الاسسمنت تست و المقابلة كانت قبل ثلاث أسابيع، و الى الآن ما جاني رد.
هالأسبوع راح يكمل شهر على المقابلة بدون رد.. هل هذا طبيعي؟
هل صحيح اذا مر اسبوعين بدون رد يعني الامور تمام؟

 

طبيعي جداً
بس طول بالك مع ارامكو
كلنا بنتفق ان مع ارامكو الصبر مطلوب!

 

السلام عليكم .. الحمدلله حمدا كثيرا على جميع نعمه, تم بحمدالله توقيع عقدي مع أرامكو ومن باب الفائدة ورد الجميل لهذا المنتدى اوضح لكم التسلسل الزمني لإجراءت التوظيف. وأسأل الله العظيم بأن يرزقكم أفضل منهاز

التخصص: هندسة :كيميائية
الجامعة: جامعة الملك فهد للبترول والمعادن
القسم: Southern Area Oil Operation
المعدل: ثيرد اونر

17 اكتوبر 2018: إيميل من الجامعة يفيد إن فيه فرص وظيفية عند ارامكو , وكان عبارة عن survey تحط فيه اسمك ومعدلك وتخصصك ورقم جوالك.
6 نوفمبر 2018: اتصلوا علي وأرسلوا لي ايميل انه تم ترشيحي لمقابلة في يوم المهنة
13 نوفمبر 2018: المقابلة مع Southern Area Oil Operation بيوم المهنة

6 ديسمبر 2018: ايميل بخصوص الاسيسمنت تست وسويته خلال كم يوم
17 يناير2019: ايميل و اتصال بخصوص الفيرفكيشن تست وتم تحديد 24 يناير للاختبار

4 فبراير 2019: ايميل واتصال بخصوص الKYC, COI وارسلتهم 5 فبراير
13 فبراير 2019: ايميل بخصوص الفحص الطبي وسويته 17 فبراير 2019.

14 مارس 2019: اتصال وايميل بالعرض الوظيفي. وقعته وأرسلته في الويكند.
19 مارس 2019: اتصال بإجتياز جميع الاجراءات وتحديد 24 مارس 2019 لتوقيع العقد.

وفالنهاية وحسب مامريت فيه وسألت خلال هالفتره, إن التسلسل الزمني يتأثر بأشياء كثيرة, ومنها أحتياج الإدارة في وقت معين, أيضا من الممكن أن تكون الإدارة تنتظر ليكتمل عدد احتياجها من الموظفين ثم ترسل العقود, تأخر بعض الإجراءت في KYC, وعوامل اخرى كثيرة, خلاصة السطر هذا لا تخلي أي شي يأثرعليك إذا طولت الإجراءات, وتوكل على الله, والله يوفق الجميع.

دعواتكم....

 

السلام عليكم جميعا
أنا سويت مقابلة مع EPD في بداية ديسمبر 2018
والى اليوم ماوصلني اي شي لا اسسمنت تيست ولا KYC
رحت مكتب التوظيف في الظهران قال لي لسه تحت الاجراء
قلت لهم طيب مافي اسيسمنت تيست قال مولازم الكل يسويه (عندي خبرة 5 سنوات)
ايش الحل ؟؟

 

Please like all the comments that show the recruitment process from interview until the hire date.

 

السلام عليكم
هذا المنتدى ساعدني كثير في التوظيف ولذلك بشارك تجربتي في اجراءات التوظيف في شركة ارامكو

التخصص : هندسة ميكانيكية
الادارة : NAOO
المسمى الوظيفي: Engineer IV
طبعا خلال سنة 2017 عملت مقابلتين مع ارامكو وعملت معهم (Tests, KYC,COI, Medical check) وخلال الاجراءات وصلني رفض وماتواصلوا معي بمقابلة اخرى الا بعد سنتين في 2019 وهي اللي عديت فيها الحمدلله

2017/9/22: الاسسمنت تست
2019/2/6: المقابلة مع ادارة NAOO
2019/2/14: الفريفيكيشن تست (اعادة قسم النيومركال)
2019/3/6: ايميلات بالعرض الوظيفي و الفحص الطبي و KYC و COI في نفس الوقت
2019/3/13: الفحص الطبي
2019/3/27: اتصال بااجتياز جميع الاجراءات وتحديد موعد توقيع العقد والمباشرة ان شاء الله
2019/4/3: توقيع العقد والمباشرة باذن الله

ملاحظة اللي تعلمته من ارامكو انه ماتعرف نفسك مقبول رسمي الا لما يجيك العرض الوظيفي جميع الاجراءات من فحص طبي وغيره ماهي الا اجراءات روتينية وماتعني القبول بس مؤشر جيد للقبول ان شاء الله

وبالتوفيق للجميع

 

ياجماعة فيه احد خلص كل الاجراءات بما فيها الفحص الطبي وماجاه العرض حتى الآن؟

 

انا اخر شي خلصت فرفيكيشن وصارلي ٥ اسابيع والى الان مارسلو شي.. هل في اجراء تنصح نسويه؟

 

والله ياطويل العمر ماودي افتيك في شي انا ماعرفه.

 

الصبر اخوي ارامكو اجراءاتهم تختلف من شخص للاخر في مدتها بس دام ماوصلك اعتذار ان شاء الله امورك تمام

 

الانتظار والترقب اتعبني والله ، الله يعيين بس

 

مالومك بس ان شاء الله كل تاخيرة فيها خيرة الله يوفقك

 

الله يسمع منك اخوي.. والله يوفقك لكل خير.

 

السلام عليكم .. الحمدلله حمدا كثيرا على جميع نعمه, تم بحمدالله توقيع عقدي مع أرامكو ومن باب الفائدة ورد الجميل لهذا المنتدى اوضح لكم التسلسل الزمني لإجراءت التوظيف. وأسأل الله العظيم بأن يرزقكم أفضل منهاز

التخصص: هندسة كيميائية
الجامعة: جامعة الملك فهد للبترول والمعادن
القسم: Petroleum Engineering & Development
المعدل: Second Honors

17 اكتوبر 2018: إيميل من الجامعة يفيد إن فيه فرص وظيفية عند ارامكو , وكان عبارة عن survey تحط فيه اسمك ومعدلك وتخصصك ورقم جوالك.
6 نوفمبر 2018: اتصلوا علي وأرسلوا لي ايميل انه تم ترشيحي لمقابلة في يوم المهنة
13 نوفمبر 2018: المقابلة مع Petroleum Engineering & Development بيوم المهنة

6 ديسمبر 2018: ايميل بخصوص الاسيسمنت تست وسويته خلال كم يوم
14يناير2019: ايميل و اتصال بخصوص الفيرفكيشن تست وتم تحديد 21 يناير للاختبار
17يناير 2019: ايميل ومكالمة بخصوص مقابلة مع SAOO في 30 يناير2019.
22 يناير2019: ايميل واتصال بخصوص الKYC, COI وارسلتهم 24 يناير
23 يناير 2019: ايميل واتصال يعلموني ان مقابلتس الجاية تكنسلت اللي مع SAOO.
29 يناير2019: بعد عدة اتصالات وتعديلات و رفع طلبات خاصة بالمعلومات الموجودة ب KYC تم رفع لأخر طلب وأخر تعديل.
5 فبراير2019: بسبب خطأ تقني لم يصل ال COI تم رفعه مرة ثانية طبعا الخطأ التقني مني .
11 فبراير 2019: الفحص الطبي.
24 فبراير 2019: ايميل بالعرض الوظيفي. وقعته وأرسلته في نفس اليوم .
1 أبريل 2019: بعد فقد الأمل بحكم أخر إجراء كان قبل شهر ونص وفي شباب وقعوا وتقديم في يوم المهنه على الشركات الأخرى وفي اثناء الظهيره مع الشباب :
اتصال بإجتياز جميع الاجراءات وتحديد 4 أبريل 2019 لتوقيع العقد .

تم تحديد للإجراءات المهمة و للإجراءات غير المهمة يعني إشقحها.


وفالنهاية وحسب مامريت فيه وسألت خلال هالفتره عندي بعض الملاحظات:
ملاحظة: هذه الملاحظات تتبع تحرياتي وتحريات الشباب اللي معي يعني انها غير صحيحة 100% وتحمل شيء من الصحة يعني يمديك تسميها تحريات كلب.

1. إن التسلسل الزمني يتأثر بأشياء كثيرة مثل ما ذكره أخوي Unknown6000.
2. ان اجتياز الفحص الطبي يعتمد على شروط ادارتك واللجنة الطبية يعني واحد متين زيي اجتزت الفحص بادارتي بس بادارة ثانية يمكن يمشونه يمكن لا ( أتكلم وأنا ال BMI حقي 40 الحين وكان فوق يوم الفحص).
3. انك اذا دخلت بأي إجراء بعد المقابلة وماجاك ايميل بخصوص الرفض فمعناته انك اديت اداء ممتاز في المقابلة و 70 % باذن الله راح تنقبل.
4. الفحص الطبي وKYC و COI ماتدري انك اتجتزهم ولا لا الا اذا وصلك العرض اذا وصلك العرض فمعناته انك اتجزت 90 % منهم أو انك اتجتزتهم بالكامل على حسب ما يقولك اياه اللي ارسلك العرض.
5. اذا وصلك العرض فهي مسألة وقت وبس عشان يرجعون ويدقون عليك عشان تجي تباشر هنا الHR اللي بالظهران ينتظرون ادارتك عشان يعطونهم الضوء الاخضر وغالبا الادارة تجمع اكثر من شخص وخلوهم يوقعون وهذا صار معي .
6. عليك بالصبر عليك بالصبر عليك بالصبر ولا تفقد الأمل ابدا وتذكر دائما قول الرحمن الرزاق (ان مع العسر يسرا) .
7. اذا حسيت انهم طولوا ما يمنع انك ترجع ترسلهم ايميل ردا على اخر ايميل ( سويته انا ) او تزور مكتبهم ( سويته بعد) أو تتصل وتغثهم ( سويته بعد ) تسأل عن وش صار وش الستيج حقك ليه تأخرتم.

أدري طولت عليكم بس ردا للجميل ورفعا لمعنويات اللي ينتظرون قلت لازم اسجل كل شي.

وفقكم الله ولا تنسونا من دعائكم
محبكم
بو مذكر

 

الف الف مبروووك وتستاهل كل خير اخوي. هل من قسم الى قسم يختلف اجراءات التوظيف؟ يعني انت ماشاء الله خلصت الفيرفيكشن واليوم الثاني ارسلو لك KYC و COI. وانا مخلص الفيرفيكشن من قبل ٥ اسابيع والى الان لم يتم الرد علي.

 

نعم نعم نعم على سبيل المثال

أنا وياه كنا في نفس اليوم ونفس الوقت بعد بس بحكم انه باداره ثانيه ارسلوا له بعد يومين باقي الإجراءات



اللي عليك الان الانتظار أو الاتصال على اخر رقم دق عليك أو ترسل رد على اخر إيميل مع الأشخاص اللي بسي سي ان وجدوا باي إيميل راسلوا لك الدايرة هاير تطلب في انك تعرف الابديتس أو الستاتس

 

شباب هل انتم موظفين ؟
لان انا موظف لي تقريبا ١٠ اشهر و قدمة استقالتي و على ان يكون اخر يوم نهاية الشهر ابريل و قال ما راح اكدلك تاريخ المباشرة و التوقيع الا لما ترسل أخلا الطرف ! طبعا أخلا الطرف يطلع بنهاية اخر يوم عمل مع الشركة
وش الدبره؟

 

هو إذا جاك إيميل رسمي بالبدء بامور الاستقالة وضعك بالتمام


مجرد ما تعطيهم ورقة اخلاء الطرف راح يشوف اقرب وقت فيه يوم اورينتشن ويخليك توقع قبله أو يخليك توقع على طول إذا الدائرة محتاجه لك بشكل سريع والله يوفقك