الخلاصه لا أحد ينزل معه انا نزلت معه الدكتور سي اخذت في الماده a بجهدي واجتهادي وباقي درجه على ال a+ لكن عي يعطيني اياها خلها على ربك
درست عنده 309 132 الدكتور اخلاقه b+ بسبب انه فيه وقاحه بشكل قليل جدا ماهي لحد الاهانه طبعا ممكن البعض مايتقبلها ولكن طيب متفاهم جيته بالاوفيس اور يجاوبك بكل صدر رحب وكمان كان عندي مشكلة بالقريد والحق معي كان متعاون جدا وصححها ع طول بالنسبة للشرح المادة كانت سهله وادى عمله على اكمل وجه بالنسبة للتصحيح في المادة هذي غلط بسيط يحوسك يعني نقصني 15 بوينت ع غلط واحد ولكن بنفس الوقت اخذت 15 بوينت ع باقي السؤال فانا اقول عادل جدا و زيادة بالتصحيح بالنسبة للفاينل كان التصحيح جدا متساهل واعطاني فوق حقي طبعا كنت مخبص فاهم بس لخبطت بالمطلوب بالسؤال ولكن اعطاني قريد حلو كمان اعطاني اب قريد نهاية الكورس وكان باقي لي درجة طبعا اعتقد يعطي اب قريد للطلاب اللي كويسين كوزات ومياجر وكذا الامر الاخير يعطي بونس 5 بوينت ماهي قليل صراحه بالاخير اعطيه a ودكتور ممتاز تحياتي لكم
الدكتور ممتاز جيد في الشرح ومتمكن من المنهج وصاحب أخلاق عالية , ويعطي أسإلة بونص + السلبيات : تصحيح شديد جدً و يخسف فيك ترم 111 , me201
ME309 - 162 الشرح زين...اعطيه 8/10 الاخلاق...معظم الوقت مروق الدكتور بس انتبه تفتح جوالك يفصل عليك ويهزأك التصحيح...ملك في التصحيح يساعد كثير اعطيه 10/10 في التصحيح التحضير تشوفه معظم السمستر مايحضر وفي النهايه يفول عندك 3 4 غيابات وخصم 1 من التوتل...مادري متى حضر ههههههههههههههه المهم ماتقدر تقول له شي لانك عارف انك غبت....لاتصرف ماعندك اثبات عليه هههههه... الدكتور Overall ممتاز...انصح فيه...في الاوفس اورز يساعد كثير رحت له كذا مره..متساعد يعطي بونص 5 درجات يوزعها عالكلاس ورك...بس ها لازم يكون حلك برفكت ولا تتعب عمرك تسلم....0 بالتوفيق...
ME-309 - 162 التحضير بداية السمستر (اول اسبوع) كان يحضر بس بعدها مايحضر، بس يجي يوم في نص السمستر فجأة يحضر التاخير كان غالبا ماعنده مشكلة يدخلك بس اذا جيت مصختها وجيت متأخر حيل او تتكرر راح تجيك تهزيئة طريقة الشرح نوت يشرح منه ممتاز جدا جدا ،، و النوت ممتاز يشرح الكونسبت واهم شيء في الكورس تفهم الكونسبت وهو قليل وسهل، وبعد كل كونسبت يعطيك اكزامبل او اكثر واذا فهمتهم راح يمديك بالراحة تحل الهوم وركات طريقته في ايصال المعلومة وطريقة الحل والخطوات جدا ممتازة، يعطيكم كل درس كلاس ورك فيها اسئلة تحلونها جماعي وهو يتابع معاكم يتجاوب مع اسئلة الطلاب ويحفزهم على السؤال اعيبه ان بعض الاحيان يعامل الطلاب وكأنهم طلاب ابتدائي مثل اذا ماجبت ادواتك الهندسية او انشغلت بشي وصادك انه يسجلك في الكشف وخصم درجة ومن هذا القبيل، لكن قد يكون من مصلحتك الكويزات كويزاته سهلة قريب من مستوى النوت مع اختلاف بسيط،، تقدر تضمن درجة الكويز المياجر مياجره كانت جدا معقولة واذا انت ماتغيب وتحضر معاه وفاهم راح تشوفها سهلة، الكلاسات اللي قبل المياجر وحقين الهلب سشن يعطي فيهم تلميحات وافكار عليك بالاولدقزام حقه عشان تعرف طريقة الأسئلة تصحيحه اعتبره متوسط مائل الى الجيد يعني اذا الفاينل انسر عندك صح، ماراح يشوف الخطوات اصلا اما اذا الفاينل انسر خطأ، راح يشوف حلك اذا معقول راح تنقص على السؤال 3-5 درجات (هالمادة سهل انك تجيب الفاينل انسر صح بس تحتاج تركز وانت تحل وخصوصا في الاشارات والدايركشن)، اما اذا خطواتك كانت واضح انه تلفيق راح تخسر السوال وتاخذ بس كم بوينت. الفاينل كان تقريبت سهل وحتى اسهل من المياجر بس درب نفسك كويس قبله في كلمه قالها بداية السمستر وفعلا يطبقها (Good students will have my support all the time) فبيضها من البداية ولا تغيب وسلم هوم وركاتك ولا يصيدك تلعب بجوال او مانحوه وراح يبيضها معاك وتراه يعرف ويحفظ ال Good students القريد النهائي A الصوت واضح اضافات الدكتور يعطي بونص 5 درجات (قريد كامل) فلا تضيعه، متساعد وحبيب في الاوفس، خلك طالب جيد معاه وشارك وسلم كل شي ولا تغيب وراح تفرح جدا بالفاينل قريد حتى لو كنت ناقص فرق للقريد اللي بعده اما اذا راح تهمل واخذ فكرة سيئة عنك او تسجل علامة جنب اسمك في الكشف فلا تتوقع انه يساعدك ابدا
والله سيء شرحه ممل جداً. يشرح من النوتات اغلب شي, ودايم متقدم في الماتيريل مليوون ما تقدر تستوعب اذا هو طاير مرة واذا يشرح تحسه حافظ الكلام الي يقوله ومو فاهمنه, لما احد يسأله في حاجة قالها يغرز. الكلاس نصهم نايمين, وماحد مركز الا القليل. والكويزات يعيطيك شي قديم مو الي تذاكره الحين يعني مثلا تخلص الميجر الاول ويصير تركيزك في ماتيريل الميجر الثاني وهو يعطيك كويز في ثاني شبتر!!
182 ME309 التحضير : اخر الكلاس , لاحظته اول عشرين دقيقة ما يقول شي للي يدخلون بعدها يطرد. طريقة الشرح : سلايدات وعاديه لا هي ممتازة ولا سيئة , ميزته الكلاس وورك اذا بدا شغل معكم فيها ويحتاج شغلتين عشان امورك تضبط معاه , اولها تكون جايب كل اغراضك الي هو طالبها. ثانيها انك تكون جريء وتسأله عن كل شي ما فهمته بالكلاسوورك ما فهمته لأن انت الي بتحله بالورقة الحالك فبيتركك اذا استحيت وبالغالب ما راح تفهم اذا ما سألته وهو يعصب مره اذا سألت احد ثاني ولا يسمح لك ابد , هو حليل وبيجي يشرح لك فنصيحتي لك اسأل , اسأل بأسلوب بينك وبينه لما يبدا يدور وهو بيشرح لك وبيصير عسل , اذا استحيت لانك ضايع والله بتضيع بألي عقبها بعدين بتسبه وتاكلها بعد بكل شي. الكويزات : كويزين الاول على اول شابتر وسهل, والثاني كان نسخ لصق من اوراق الكلاس وورك , اخذ اعلى واحد بينهم وتقريبا اغلب الشعب جابوا فل المياجر: كومن وابيخ مياجر شفتها بالميكانيكال بس بنفس الوقت اعلى افرج شفته بالميكانيكال الفاينلات : كومن ونفس المياجر القريد النهائي: الدكتور افرج فاعطيه C+ الصوت: ضعيف ويجيب النوم إضافات : تصحيح الدكتور سيء جدا اشوفه , يشوف الجواب النهائي واذا غلط قل لدرجتك السلام. -الدكتور اغلب كلاساته كلام فاضي وسواليف وصوته ضعيف ويجيب النوم فبنص الترم بتبدا تزهق وتسحب عليه خصوصا لانه ما يحضر دايم وهذا اكبر غلط لانه يقدر التحضير اكثر حتى من درجاتك لما يشوف قريدك بالاخير هو يغشك للامانة لانه ما يحضر دايم فتقول واضح انه مب مهتم بس بالاخير يقدر التحضير , انا باقي لي درجة على القريد الي بعده وهي بسبب الغياب ورفص يزيدني ولما رحت له الاوفيس وكلمته قال لي بالحرف الواحد "عندك 3 غيابات والغياب معناته انك مب مهتم بالمادة ولا مهتم بفهمها بس تبي تخلصها وتاخذ درجات وتمشي فما راح اعطيك القريد" صدم عيشتي للامانة الجوال عنده شي محرم ويعصب بشكل غير طبيعي اذا مسكته. بالاخير مب سيء مره ولا جيد , بس لو يرجع فيني الزمن سجلت عند القحطاني من الكلام الي سمعته من طلابه.
ME309 191 دكتور سيء سيء سيء وظالم وحقود! شرح؟ سوالف وكلام فاضي مافي حل مسائل بالتفصيل وحتى أسئلة ماتعرف تسأل من وقاحته مع الطلاب، أتذكر طالب يسأله سؤال عادي جدًا يعني يبغى مساعدة في حل الكلاس ورك، قال له أنا هذا شرحته وش تبغاني أسوي لك يعني!!، أحرج الطالب قدام الطلاب... الدكتور شرحه مش حالك لا هو بذمة وضمير ولا شيء ومتعالي ع الطلاب ويبغى يحسسك أنك الجاهل صغير العقل وهو العالم الذكي، عبارة عن سوالف وقليلة كتابته ع السبورة ومايحل مسائل بالتفصيل، بعدها يجيك بالكلاس ورك (مسألة) وتتوهق منت عارف تحل لأن شرحه غير كافي أبدًا وإذا بغيت تسأله يحرجك ويفشلك ولا تستغرب إذا سحب عليك أصلًا تحضير؟ سيء جدًا يحط في باله الطالب الي عنده غياب بحيث ينقصه ومايساعده بأي شي وخلاص يصير في باله هذا الطالب المهمل غير المستحق للمساعدة تصحيح؟ أسوء مايكون الي يهمه الجواب النهائي غير كذا قل لدرجتك السلام، أنا مرة حال سؤال كامل في الميجر بشكل صحيح ولكن في الفراغ كتبت شيء مختلف لأن الوقت كان ضيق وع آخر دقيقة كتبته بشكل خاطئ ولكنه مكتوب في الصفحة الي قبلها بشكل صحيح تمامًا وهو شافه ولكن نقصني بس عشان ما كتبته صح في الفراغ!! راجعته في الأوفس وأبد خذ لك التجريح والأسلوب المعفن وبالنهاية نقصني درجة السؤال كله ما كأني جاوبته وحليته وشبه طردني من المكتب!! وبعد ذاك اليوم الدكتور صار يستقصدني بأنه ما يعطيني ورقة الاختبار لما يوزع لازم أقوم أخذها من الطاولة!! الدكتور أخلاقه سيئة جدًا ويكرهك بالمادة وتقييمه وتصحيحه ظالم ظالم ظالم ومايهمه أحد البروجكت حقه كان صعب جدًا بعكس الدكاترة الثانيين كوزاته متوسطة مائلة للصعوبة بسبب تصحيحه السيء، واحد من الكوزات آفرجه 3/10!! باختصار دكتور مايهتم لمصلحة الطلاب بالعكس تحسه يفرغ سلبيته ع الطلاب، الله لا يوفقه ولا يحلله ع الظلم الي ظلمنا إياه ندمت ندم شديد أني درست وكتبت كل هذا عشان أحذر منه وموفقين