Assessment event at Baker Hughes مساعدة بخصوص

السلام عليكم
اول شيء الله يوفقك اخوي، ثانياً هل البرنامج اللي مقدم عليه هو نفسه aspire leadership development؟

 

نعم - Field Engineers Track

عندك اي معلومات عن البرامج؟ لاني مهتم اعرف مثل الاخ صاحب الموضوع

 

طيب احد وصلته رسالة رفض ؟

 

بلخص لك اللي صار معنا قبل سنتين لبرنامج Field Engineers

اول شي يدخلونكم قاعة كبيرة انتظار لين مايكتمل العدد
ملاحظة: في هذه القاعه لازم تجلس مع اي شخص من المتقدمين مثلك وتعرف بنفسك وتسولف لان في دبابيس من الشركة يمرون عليكم ويقيمونكم وانتم ماتدرون
بعدين ياخذونكم الى قاعه ثانية فيها مدراء ومشرفين الاقسام يعرفون انفسهم وتعرفون انفسكم,

في هذي القاعه يتم تقسيمكم الى مجموعات كل مجموعة فيها 4-5 اعضاء
ويطلبون منكم تصممون حفارة Rig باستخدام اوراق ولزق واقلام رصاص robber bandوكم شغلة ناسيها , يجب المشاركة الفعالة في هذا النشاط وراح يسئلون من يبي يصير قائد فلازم تكون المبادر في القيادة (قائد قروبنا هو اللي وظفوه)

للفوز بهذا النشاط لازم تكون اطول حفارة من بين المجموعات وفيها ثبات بحيث لو هز الطاولة ماتطيح

بعد الانتهاء من هذا النشاط يتم استدعائكم واحد واحد في غرفة للنشاط العملي ويتكون من 5 انشطة..

الاول يخليك تسوي تجربة PH TEST يعطيك كم محلول واوراق الـ PH test لازم تبلل كل ورقة بمحلول وراح يتغير لون الورقة (لازم تكون حافظ ال PH scale لانه فيه الوان وبناء على هذي الالوان تقدر تعرف اذا ان المحلول Acid or Alkaline

وبنهاية التجربة بيسالك عن كل محلول اذا Acid or Alkaline وكيف عرفت؟؟



هذا مقطع يوتيوب يوظح لك

التجربة الثانية بسيطة يعطيك صورة فيها مجسم وقطع مبعثرة لازم تقوم بتجميعها علشان تطلع نفس الصورة.

التجربة الثالثة نفس الشي,

التجربة الرابعة يعطيك ملتيميتر ومقاومتين ويطلب منك تقيس كل مقاومة مرة طريق الملتيميتر والمرة الثانية عن طريق الالوان حقت المقاومة


التجربة الاخيرة يعطونك اكثر من قطعة حديدية وورقة ويطلبونك تستخدم caliper tool علشان تعطيهم قياسات حسب مو مكتوب بالوقة

فيديو توظيحي


بعد الانتهاء يطلعونكم بريك صلاة وغداء مدة ساعة والغداء يكون مع المدراء والمشرفين انت اجلس معهم وسولف واسالهم اللي تبي بس يكون في نطاق العمل,
يجب الحرص على العودة الى القاعة في الوقت المحدد لان 70% يتاخرون عن العودة للقاعة والسبب ان المدراء يتعمدون في سحبك بالسوالف لين مايظيع الوقت وماتنتبه فلازم توقت جوالك واذا انتهى وقت البريك تستأذن وترجع للقاعه.

المرحلة قبل الاخيرة يقسمونكم الى قروب من 4-5 اشخاص وكل قروب عليه مدير ويعطونكم موضوع وكل واحد يتكلم برزنتيشن تقريباً كل شخص دقيقة.

اللمرحلة الاخيرة نقاش يجيبون حول الخمس case studies ويصير نقاش بين المتقدمين والمدراء.

وفي النهاية يجلسونكم في القاعد ويجتمعون كل المدراء في غرفة وينادون عليكم واحد واحد يامقبول ولا مرفوض وفي حال تم رفضك راح يعرضون عليك بزشن ثاني اللي هو Field spechilest اذا تبيه ولا اقضب الباب

ملاحظات هامة: عند التجارب العملية راح يحط على الطاولة نظارات الامان Safety goggles وقفازات لازم قبل تبدا اي تجربة عملية تلبس النظارات والقفازات ومراح يطلبونك تلبسهم وهذي الشغلة 90% من المتقدمين بما فيهم وقعنا فيها

لازم تكون فعال ونشيط وتبادر تصير قائد وفي حال ماقدرت تصير قائد لازم تكون عضو فعال ورئيك قوي ولاتبين انك تعبان او تتحلطم لان اليوم بيكون طويل جدا ومتعب وكم مدير بيسالك اذا تعباان ولالا

وفالك الوظيفة

 

انا عملت قبل شهر وما زالت الحالة (we are considering you for the position)، هل نتفائل يجينا رد او لا؟

 

احد وصله الأوفر او شي؟
تاخر ولا ؟

 

لا لسه انا زيك انتظر الاوفر اهم قالو الأربعاء اللي طاف. تواصلت معاهم وردو علي ان الاوفر راح يوصل لكم قريب على الإيميلات

 

انا كذلك تواصلت معاهم الأحد وقالو اسفين علي التأخير الأوفر بيوصلكم بعد شويات
وإلا الان مافي شي...

 

اذا وصلك عطني خبر وباذن الله نخلص امورنا

 

شباب جاكم شي و هل باقي يقبلون ناس بالبرنامج و الا وقفوا ؟

 

كيف الشخص مفروض انه يتذكر التجارب العملية اللي سواها قبل سنوات؟ تقدرون تستخدمون قوقل في النشاطات؟

 

بكتب تجربتي اللي صارت بالاسسمنت قبل اسبوعين تقريبا .
بعد اجتياز الديجتال انترفيو بشهرين وصلني ايميل واتصال بنفس الوقت . وكان الاسسمنت داي بعدها بثلاث ايام على منصب فيلد انجنير.
الاختبارات هي نفس اللي ذكروها الشباب بالظبط:
-رياضيات بسيط،
-case study سهل جدا
-تصميم ريج بالادوات المتوفره،
-بريسنتيشن تعريفي لكل شخص،
- بريسنتيشن لكل فريق عن خطه تسويقيه للشركه والمنصب اللي قدمنا عليه(الغوه لان الوقت ما كفى)
-حساب المقاومات للكهرب
-تركيب قطع ميكانيكيه
-حساب ال ph

ملاحظات..
- للأمانه فاجئني مستوى معظم اللي كانو مقدمين كان جيد من مهارات القاء ومعرفه بالتخصص وشكل الاختيار كان صعب عليهم.
-من ٢٠ شخص اختاروا ٤ ويقولون الاسماء قدامك وبكل وقاحه كأن احنا بمسابقه
- لا احد يصلي بفترة الغدا ، كل اللي نزلو يصلون ما انقبلوا

بعدها بأسبوع تواصلوا معي بعرض فيلد سبشلاست . وهو مسمى جمالي لوظيفة مشغل وماله اي علاقه بالهندسه ومتطلابته دبلوم ولذلك رفضت العرض ولو انه راتبه عالي.

 

اتفق معاك ب ان عدد كبير من ال 20 مستواهم كان فوق الممتاز لا من ناحية القاء ولا علم
بس ما اتوقع صلاة الظهر لها شغل ب الاختيار بالغت شوي

 

السلام عليكم و رحمة الله و بركاته،

يا اخوان، احد يعرف لو ممكن نقدم على نفس البرنامج مره ثانيه لسنة ٢٠٢٠ ؟ علماً بأني قدمت عليه و حضرت الاسسمنت بشهر اوقست و لكن لم يتم ترشيحي.