جاني عرض بمسمى Field Engineer LWD. محتار بينه وبين شركة ثانية.

يعتمد على نظرتك المستقبلية لحياتك و كيف انت تبي تعيشها ..

بيكرهيوز شركة قوية جداً و مثل ما انت قلت راتبها ممتاز، لكن ما ادري عن ناحية الاستقرار صراحة و التعب في العممل ..

المؤسسة العامة للتحلية مريحة لما تقارنها في بيكرهيوز لكن الراتب أقل ..

شخصياً أشوف المقارنة بسيطة .. وش تدور انت عليه ؟
فلوس بس جهد مبذول أكثر ؟ ولا جهد مبذول أقل و راتب أقل ؟


الله يوفقكك ..

 

وعليكم السلام ورحمة الله وبركاته ،

ألف مبرووك الوظيفة ،

مثل ماقال Rico_sh93 الموضوع يعتمد عليك وعلى هدفك و طبيعة العمل الي تتوقعها ، هل عادي عندك تضحي براتب أقل عشان الاستقرار والقرب من العائلة أو لا.
صحيح 15 الف يعتبر مبلغ جيد لكن شفت شباب في شلمبرجير و بعض الشركات الثانية برواتب أعلى لكن كان حاب يطلع من هذا المجال بسبب طبيعة العمل حتى لو اضطر براتب أقل نوعا ما من راتبه الحالي . وفيه شباب لا عادي عنده و الحياة الاجتماعية ماهي أولوية بالنسبة له ومرتاح في شركات الحفر .

فرايي تسئل أكثر عن طبيعة العمل في بيكرهيوز من الشباب الي شغالين فيها ، هل بتكون في منطقة نائية وكيف الدوام هل اسبوعين دوام و اسبوع اوف و الخ ..
يمكن الوظيفة في بيكرهيوز تكون في منطقة نائية او ظروف العمل صعبة لكن مدة الدوام و الاجازات بتساعدك انك توزان بين عملك و بين حياتك الاجتماعية ومايكون الوضع صعب او بنفس التصور الي عندك عن شركات الحفر.


شبه متأكد إن راتب المؤسسة بيكون اقل من راتب بيكرهيوز كـ توتال ، لكن لما تقارن الرواتب احسبها بساعات العمل ، لا تقارن ب الفل بكج
ممكن a يكون راتبه اعلى من b لكن راتب b في الساعة أعلى من a لأن الأول يداوم 48 ساعة والثاني 40
فقارن بحسب الراتب الساعة و المميزات الثانية مثل ال overtime


الشي الأخير ، تأكد ان جاك عرض رسمي من مؤسسة تحلية المياه ، مب كلام شفهي او ايميل . لأن ماتدري يمكن يصير شي لاسمح الله مثلا تتوقف عملية التوظيف . فخلك على المضمون .

 

التحلية فيها مميزات حلوه جدا ومقبله على التخصيص لكن اكيد ان الرواتب فيها مازالت أقل من الشركات اللي تودي أماكن نائية لكن الخيار لك
بالمناسبة مميزات التحلية
المهندس يبدأ ١٧٥ المرتبة الثانية تقدر تحصل سلم الرواتب في قوقل
١١٨١٠ أساسي
ثلاث رواتب بدل سكن
بونص راتبين بحد أقصى حسب تقيممك
٧٠٠ بدل نقل
٧٠٠ زيادة سنوية
ماعندي معلومات للاسف عن بيكر هيوز
لكن اعتقد أعلى
وعلى كل حال استشر ثم استخر وتوكل على الله

 

LWD = Logging While Drilling

راح تكون مسؤول عن تولز تستخدم في أخذ قراءات ما تحت الأرض اثناء الحفر مثل resistivity, density, porosity, Gamma Ray ....

مهمتك في الرّق انك تجهز التولز للاستخدام قبل بداية الحفر(رق اب) وتشغيلها اثناء الحفر والتأكد من جودة الداتا، وآخر شي فكفكتها وارسالها للورشة بعد انتهاء الحفر(رق داون)

 

اخوي كيف قدمت ع بيكر ؟