مقابلة مع شركة الفارابي

فيه وهدفه انك توظف مهندسين بحيث انك تخذ المتطلبات من المصنع او مدراء المصانع
وتصلح مقابلات مع المهندسين

بشكل عام هي وظيفه ادارية مو هندسية ولا تحسب لك خبر هندسة

انا انصحك ما تتوجه لهذا المجال الانك بعدها مستحيل تسير مهندس وتتمتع بالرواتب العاليه بالمستقبل

الخير لك

 

الشركه ممتازه وقاعده تتوسع بشكل كبير ولها مستقبل وتعتبر من كبرى شركات البتروكيماويات.

 

عليكم السلام
اول مره اسمه بهذا البوزوشن!!
و احترم الشركة لكن اشوف ماله داعي او مافيه فايده من انك تخلي خريج هندسه يمسك الاتش ار

وقت المقابله جيب مهندس لانه عارف طبيعه العمل و تفاصيله الدقيقه و خله يسأل المتقدمين لكن تجيب مهندس و تحطه فمكتب ما راح يفرق كثير عن خريج الموارد البشرية

 

صحيح مو تخصصك بس في رايي الخصي انك تروح.. على الاقل شركة قوية ومعروفة وما بتظلمك في الراتب و المميزات.
لو كانت كونتراكت او شركة طقها والحقها كان قلت لك اعتذر. لكن الشركة جدا قوية وعندها نظام واضح. توكل على الله ولا تضيع الفرصة، وما تدري لعل وعسى يعجبك المجال وتبدع فيه او تقدر تنقل قسم اخر بعد فترة.

 

خلهم يولوون مهندس موارد بشرية ما قد سمعنا فيها !!

 

وعليكم السلام والرحمة، لو اني منك اروح لهم على الاقل الشركة معروفة ورواتبهم ممتازة بشكل عام ومسالة انا من سكان الغربية الشركة راح تفتح مصنع في ينبع يعنى على سبيل المثال لو توظفت في الجبيل بعد فترة تقدر تنقل الي ينبع ان شاء الله
ثاني نقطة تخصصك هندسة تصنيع واعرف ناس واجد بتخصصك ماسكين وظايف ادارية الي يشتغل في هيئة الاستثمار والي يشتغل في الاتصالات يعني مجالك اداري اكثر.

 

استخير وربي يكتب لك الخيره ان شاء الله

 

انصحك لا تفوت الفرصة..

المسميات هذي تطلع في بدايات التشغيل للشركات الكبيرة ( والفرابي حالياً شارفت من الانتهاء من مصنعها في ينبع)و بتكون وظيفتك عمل الدراسات و تحديد كم يحتاج المصنع الجديد من عدد عمال لخطوط الإنتاج وكتابة كيفية طريقة العمل المثلى و تنظيم و تخطيط و معايير الجودة...الخ و هذا داخل في لب تخصص الهندسة الصناعية

ستكتسب خبرة كبيرة في هذا المسمى و من الطبيعي بعد الإنتهاء و تشغيل المصنع ستكون لك الترقيات اللي بيكون على أثرها تغيير مسماك الوظيفي لمناصب اشرافية عليا

مثل ادارة الجودة أو ادارة الاداء في الشركة.

فالك التوفيق أخي الكريم

 

بالنسبه للمسمى تقدر تغيره إذا قدمت استقالتك
ظبط علاقاتك مع شئون الموظفين وتقدر تختار المسمى اللي تبيه بس يكون قريب من تخصصك

 

السلام عليكم

شركة الفارابي عندها مشاريع كبيرة وجالسة توظف في الوقت الحالي لكن ما ادري كيف طريقة التقديم عليها غير الايميل الي موجود على موقعهم.

يا ليت تفيدونا جزيتم خيرا

 

اذا جاتك لاتردها...لاتسمع كلام احد توكل على الله

علما بأن مدير قطاع الموارد البشرية احد الشركات الكبيرة معه تخصصك.

 

الله يوفقك ويكتب لك الخير،

نفس ماحصل لواحد من أعز أصحابي توظف في ساتروب internal auditor و مع العلم هو تخصصه هندسة ميكانيكية و بعد ٦ أشهر بالظبط وصله ايميل يفيد بأن دائرة البرودكشن تحتاج مهندس ميكانيكي و على طول جاه نقل.

المسمى الوظيفي سهل يتغير داخل الشركة فلا تفوت الفرصة.

بالتوفيق

 

نعم اقبل اخوي عرض ممتاز وفرصة جيدة .

الوظيفة في تخصصك تماما واصلا المهندس الصناعي هو تقريبا يعتبر اداري وشغله اداري ايضا .

عكس غيره من التخصصات .

 

كيف يعني المهندس الصناعي يعتبر إداري وهو دارس المواد هذي
Dynamics, thermo fluids, Statics, Electric Circuits, Physics 1&2, Chem, Defferential Eq. Calculus 1,2,3, Manufacturing process, Materials, Engineering Design, Computer engineering and programming, All required labs ..etc

المهندس الصناعي لا يعتبر إداري بل بعض الشركات توظفه كإداري وهذا لايعكس تخصصه

 

السلام عليكم، انا جاني اتصال منهم .. ولازلت متردد (: خوفي اقتل التخصص ب البديات ذي

 

فلتذهب إلى الجحيم جميع المواد اللي ذكرت. كلها تستطيع أن تتعلم ما تحتاج منها خلال ساعات اذا تطلب استخدامها في العمل غير ذلك غالبية المهندسين يعملون كاداريين.الواقع مختلف تماما عن الاكاديميا