ماهو اختبار ال FE

السلام عليكم
فيه موضوع مثبت يشرح الاختبار و في الردود بتحصل تجارب الشباب ونصائحهم
كل ما تريد معرفته عن اختبار ال FE الخاص بالمهندسين

 

اختبار تافه تم وضعه و اعتماده في امريكا لكثرة الجامعات الضعيفة فيها
الاختبار يختبرك في اساسيات التخصص مع تدرج الاسئلة في الصعوبة لكن حتى غير المهندس لو درس المراجع حقت الاختبار و ذاكرها راح ينجح

 

امريكا تعتبر 50 دولة داخل دولة و عدد سكانها اكثر من 300 مليون هل تتوقع ان كل جامعاتها قوية ترى الجامعات الامريكية القوية ما تزيد عن 100 جامعة من اكثر من 3000 جامعة امريكية و ترى جامعة البترول و سعود اقوى من كثير كثير كثير من بعض الجامعات الامريكية

أنا كنت ادرس في امريكا قبل ما احول دولة ثانية و الجامعة الي كنت فيها مستوى الدراسة فيها يعادل دراسة الكلية التقنية تشوف الاسم و المبنى تنبهر لكن المستوى التعليمي عادي

يا رجل كل خريجين امريكا معدلاتهم 3.5 من 4 و فوق هل بالعقل اكثر من 100 الف طالب كلهم مستواهم ممتاز !!! أكيد في خلل !!

بالنسبة للاختبار ما عليه طلب و لا احد يطلبه لا سابك و لا معادن و لا سبكيم و لا من الشركات القوية الي في الجبيل وينبع فما بالك بشركات الخبر و لا الرياض و لا جدة

انا متخرج من 2017 و تنقلت بين اكثر من وظيفة ودخلت فوق 10 مقابلات شخصية منها شركة واحدة كبيرة ما احد جاب لي طاري الاختبار و لا سأل عنه !

أنا اشوف شهادات الاوشا و برنامج SAP و مهارات المايكروسفت اوفيس امكانية التوظيف فيها اكثر من هذا الاختبار

 

اختبار غير مهم و الصراحة ضياع وقت و مجهود على شيء ما يستاهل. أنا اجتزت الاختبار الامريكي عام 2017 مع العلم إني خريج جامعة سعودية و لا أحد سألني عنه و المصيبة للأسف إن معرفة موظفين الموارد البشرية بدون استثناء في الشركات و الجهات الحكومية تكاد تكون معدومة. انصحك و انصح الجميع التركيز في الشهادات المهنية سواء في إدارة المشاريع مثل PMP و المشابهة لها في المجالات الثانية حسب التخصص.

 

اوافقك مية بالمية
واعرف واحد كان يدرس بأمريكا وعقب راح للسويد اخذ ماستر ودكتوراه بالكهربا

هذا الشخص اكد لي ان دراسة امريكا خصوصا من بد دول الابتعاث سبهللة وبريطانيا ع حدها.
لأنهم ينجحون السعودي عشان ماينقطع الدعم
لأن تسعيرة السعودي عندهم عن اربع طلاب امريكان
وعموما الابتعاث كله هدفه سياسي اقتصادي اكثر من انه حكاية تعليم
ولا يقدرون يدفعون بس عشرة بالمية من ميزانية الابتعاث وتجيب الدكاترة الغربيين يدرسون الطلبة السعوديين هنا بالسعودية
اكثر امان لهم وتحت العين وماتصرف رواتب ابتعاث ومرافقين ومحارم وغيره.
وانا اذكر خوياي واعرف من الجماعة
فشلوا بالسعودية ونجحوا بامريكا!
اخرتها طلع ينجحونهم بأقل جهد

 

امممممممممممممممممم.

 

مو عشان ما في احد سالك عنه معناتها الاختبار غير مهم! ومو عشان الكل اخذ PMP يعني هي اهم شهادة!
لما الشخص يضع آمال على شيء وما تكون واقعية هذي مشكلة الشخص نفسه, الإختبار لا يخدم السبب الي اغلب الناس تتوقعه وكلام بعض الشباب مضحك ودليل عدم وعي عن المؤسسة العريقة المسؤولة عن الإختبار.

 

الإختبار مهم إذا كنت بتصمل بالجانب التقني من التخصص بمعنى أنك تجتازه و بعد خبرة ثلاث سنين تقدم للإختبار الإحترافي من نفس المؤسسة PE وبعدها تصبح مهندس محترف مو بس في السعودية بل حول العالم وقيمتك السوقية ترتفع بشكل كبير جداً .
وبعدين يا إخوان ترى كلامكم وتعميمكم عن دولة إبتعاث أو خريجين دولة إبتعاث يعبر عن عقدة نقص سيئة و مرض نفسي .
أمريكا أقوى دولة حول العالم في أغلب المجالات ومن ضمنها التعليم, يكفيك أن تعرف أن من ضمن أفضل 20 جامعة على العالم أمريكا تحتل 15 مقعد.
و قوة التعليم عندهم أنعكس على الصناعة والتقنية و الإبتكار فتشوفها رائدة في كل المجالات تقريباً.
و عندنا في السعودية جامعات نفتخر فيها كسعوديين من ضمنها سعود و البترول و عبدالعزيز ونفخر بمخرجاتها لكن التعميم لغة الجهل سامحكم الله.

 

احسنت!!

 

أرامكو اللي أنت ميت عليها تطلبه منك" كل مواضيعك عنها و الظاهر انك غيرت حسابك أكثر من مرة بسبب الدس لايكات، أنت من جامعة عزوز و اشتغلت في أرامكوا شهرين و باقي لك ٨ أشهر و تتخرج؟" قفطك صح!

معليش على الفصلة بس مواضيعك اللي تفتحها ليست مبنية ع علم و دائماً تحب تقارن بين جامعتك و جامعة KFUPM aka Harvard و غير مفهموم انك تسأل و تجاوب على عدم أهمية الاختبار!.

الزبدة:

الشركات الكبيرة تحفز موظفينها عشان يأخذوه. لما فيه اضافة على الصعيد الشخصي و يهيئك للحصول على درجة مهندس محترف، و هذا الشئ بحد ذاته مهم للمهندس المثابر.

 

وش فايدة المؤسسة العريقة اللي ما أحد يعرفها و لا يضرب لها حساب هنا؟ و هل هي وظيفتي أقول للمسؤولين عن الوظايف في البلد عنها؟! يعني بعد الاجتياز لازم امشي بين الشركات و أعلمهم عن المؤسسة الوطنية للمهندسين الامريكية و شوفوني اجتزت

 

ابدا عزيزي. الخلل في المشركات وعند مسؤولي التوظيف اذا ما كانو عارفين اهم الشهادات ودورها.
انت دورك يكمل في نشر اهمية الشهادة بابراز فهمك لتخصصك واعطاء نبذة مختصرة عن الاختبار واهميته وانعكاسه على جودة عملك. والمسالة مسالة وقت الى ان ينتشر الاختبار في المملكة عبر هيئة المهندسين واحتمال كبير يصير اجباري مثل اختبار هيئة التخصصات الطبية.