ENGLISH 101-182
التحضير : تحضير اول او اخر الكلاس ، اذا طول في الشرح يسحب على الحضير ويحضرنا كلنا ، على نهاية الترم صار يغيب كثير لانه كان بيصير الكوردينيتور في 191 اذا مو غلطان فكان شيء كويس لبعض الطلاب
طريقة الشرح : يشرح من سلايدات او على السبورة على حسب الدرس ، يشرح زين
الكويزات : كومن
المياجر: كومن
الفاينلات : كومن
القريد النهائي: B+
الصوت: واضح
إضافات : طريقته في الwriting task مبسطة اكثر من الدكاترة الباقيين فتصير اسهل على الطلاب

 

بنغي معلومات زيادة ياشباب

 

التحضير : أخر الكلاس ومرن حقيقة ، اللي يتأخر كثير عادي يحضره
طريقة الشرح : والله مايدري وين الله قاطه هههههه ، ابداً مو حق شرح واصلاً ناسي اشياء عن قواعد اللغة ، مرات تشك أنه مو دارس اللغة ! هههههه
الكويزات : لا يوجد
المياجر: كومون
الفاينلات : كومون
القريد النهائي: B
الصوت: واضح وجيد
إضافات : الدكتور تقريباً كنسل لنا حول الـ٢٠ كلاس ويمكن أكثر (ترم ١٨٢) ، كان مره مسافر ومرات يقول لنا أنه تعبان وش ذا التسليك هههههههاي يعني سلامات تمرض بالسمستر ثلاث مرات تقريباً ، بس والله مره مره الدكتور ماشفناه كثير ولا عرفناه كثير بسبب أنه كان يكنسل كلاسات كثيرة وكذلك كان دايم يطلعنا بدري فالصراحة ماعرفناه كثير ولا هو بعد عرفنا كثير .. والصراحة الدكتور طيب بس والله كان يفصل علينا بقروب الواتس والسبب كان اللي معي بالسكشن معظمهم طلاب سنة تحضيرية وتقريباً كان عددنا ٢٠ طالب وبس اربع طلاب اللي كنا فرشمن ، والبقية يستلمونه استلام وتطفيش واسئلة عن متى تنزل الدرجات لين مافصل عليهم وطلع من القروب ، وطلع لانه عصب ذاك اليوم عشان ازعجوه يوم الجمعة الصبح ههههه يقول تكلموني بهذا الوقت ومن هالكلام ..

وفقكم الله

 

ENGL101 - 201
بسم الله الرحمن الرحيم

الاستاذ سليمان جنكز مدرس مادة ENGL101...

1- مدرس ذو اخلاق عالية جداً.
2- طريقة الشرح سهلة ومبسطة ويعطي مجال كبير للطالب انه يأخذ راحته.
3- التحضير يشوف العدد كامل خلاص الكل حاضر بدون استقعاد.
4- تصحيح المدترم والWT1 و الWT2 كان متساهل وطيب ودائما الافرج عنده مرتفع.
5- الصوت واضح ومميز.
6- ما كان مهمل وغير مؤهل معانا مثل ما تقول التقييمات العلوية بالعكس بداية الترم سجلت عند دكتور ثاني ونقلوني عنده فجأة، طبعاً مثل اي طالب ثاني يبدأ التذمر وليش وليش ولكن بعد فترة عرفت انه فعلا هذا رزق من الله الاستاذ، سليمان بالكثير عنده سكشنين ودائما تقفل لذلك انصح فيه وبشدة ولا يمكن انسى اليوم اللي جلس فيه 25 دقيقة من الحصة يجاوب على اسئلة الطلاب بكل رحب وسهولة علماً انه اغلبها اسئلة غبية.

تقييمي النهائي له: +A شرح وافي ومبسط، اخلاق مميزة، تساهل واحترام لتعب الطالب.

 

ENGL101 - 201

التحضير : كان متساهل جدا من ناحية التحضير

طريقة الشرح :
يفك السلايدات و يشرح منها و يعطيك تمارين اختيارية تمرن فيها نفسك و كان عن نفسي يجيب لي النوم مرررة.

تصحيح الرايتنق تاسك :
من وجهة نظري اشوف تصحيحه نوعا ما شديد او انه ما يصحح بامانة و الدليل هو : انا شخص مهاراتي في الكتابة متوسطة يعني مو سيئة فكنت من بداية الترم اكتب رايتنق و اخذ الفيدباك من عنده و كان كل شوي يقلي اعطي الكتابة من +C الى B وكنت دائما اجيه الساعات المكتبية و اكتب له رايتنق كثييير و احاول اتعلم من اخطائي لكن كان كل رايتنق تاسك يعطيني نفس الدرجة!!! المهم جاء الفاينل و جاء موضوع من المواضيع انا كتبتها اول وصححتها عنده و عدلت عليه الين قال كذا اعطيك +B وكتبت نفسه و في النهاية اعطاني نفس درجات التاسك!!! فالتصحيح ما فيه امانة او انه شديد ( طبعا الي يقول الفاينل يصححه واحد ثاني ... في الاون لاين كل دكتور يصحح لطلابه هو كذا قال )

الميدتيرم : كومن
الفاينلات : كومن
القريد النهائي:
الصوت: واضح بس يجيب النوم شوي
إضافات : اخلاقه جدا عالية و متسامح في حال انك غبت و اعطيته عذر يقبله ، و اذا اذا تبغى دكتور كذا ما يتعبك في الترم و انت ما همك القريد فنزل عنده ،، اما اذا انت مستواك مو مرة وتبغى قريد فاشوف انك تخليه خيار لك اذا ما قدرت تنزل عند دكاترة ممتازين.

 

القريد النهائي

 

English 101 - 201
بسم الله الرحمن الرحيم
الاسطورة ابو جنكيز كوردنيتر انقلش 101

بنود التقييم :

التحضير : متساهل جدا بداية الترم كان يشوف الاسماء الي بالبلاك بورد ويقارنها بالكشف عنده ، بعدين صار يشوف عدد الي حاضرين اذا مكتمل يحضر الجميع.

طريقة الشرح : سلايدات يستخدمها كل الدكاترة ، واحيانا يستخدم زي الوايت بورد يكتب عليها اشياء ويشرح عليها زي القرامر والستركتشر حق الايساي وكذا. شرحه واضح مره ويعيد الشرح لو شاف ان الطلاب مافهمو.

المياجر: كومن
الفاينلات : كومن
القريد النهائي: A+
الصوت: اكسنت امريكي واضح جدا.

إضافات : الدكتور سليمان جنكيز من افضل الدكاترة الي درست عندهم وهو تقريبا الحسنة في الترم السيء 201 ، متساهل جدا بالتصحيح (حتى هو بنفسه يقول انا من ضمن اكثر الدكاترة مرونة بالتصحيح وعادها اكثر من مره) حبيب ومتفهم واحيانا يسولف عالخفيف خارج اطار المادة. بصراحة كنت متخوف انزل عنده بسبب كثير قالو شرحه مب مرة لكن الحمدلله اني نزلت عنده، ولو يدرس 102 برجع ادرس عنده.

 

ي اخوان رجاء خاص ارسسلو قريدات الكلاس