مساعدة في الاختيار بين عرضيين وظيفيين NCMS أو SAEI

وعليكم السلام،

ما شاء الله تبارك الرحمن ومبروك على العرضين،

بالنسبة لاستفسارك ما عندي علم عن بيئة العمل لان ما اشتغلت في اي من الشركتين لكن ارجح الوطنية لان الراتب اعلى
ومن كلامك اعتقد اعتقد انك راح تعمل نفس المهام في الشركتين + الشركة الوطنية اعتقد ان مجالها اوسع من صناعة الطيران. هذا رأي و بالتوفيق

 

نصيحتي لك ادخل على لنكد ان واكتب مسماك الوظيفي اللي انقبلت فيه واكتب اسم الشركة ويطلعونك موظفين شغالين فيها واسألهم عن كل شيء والله يوفقك يارب ولاتنسى تستخير اخوي.

مثال: Production Planner at SAEI

 

مبروك وان شاء الله هذا فاتحة خير بإذن الله عليك.

عليك سؤال نفسك ماذا تريد أن تصبح بعد 10 سنوات او 15 سنة ؟
وهل ماتطمح إليه يلبي رغباتك في إحدى الشركتين سواء؟
بيئة العمل وركز على هذه النقطة بالتحديد لأنها كالأسرة ستقضي معها اغلب يومك وتستطيع التعرف على ذلك بالتواصل مع الموظفين عن طريق اللينكد ان وغيره.
في حال التحقت بإحدى الشركتين ايهم ستكون محصور في مستقبلك الوظيفي وأيهم ستكون غير محصور .

اخي التحق بإحدى الشركات الكبيرة في قطاع الإنتاج وشغل فترة قصيرة في قسم التخطيط بصراحه رائع جدا حسب قوله.

بالتوفيق .

 

اذكر لي صديق موظف بالشركة الوطنية
صراحة رواتبهم جدا جدا ممتازة وتفوق هيئات كبيرة ويكفيك ان الشركة شبه حكومية وبيئة العمل عموما كويسة وهذا انت قلتها انها اكثر ب2400 ريال وكلهن في جدة
يعني توكل ع الله وروح الوطنية بدون ماتحتار والله يرزقنا ويوفقنا وياك لكل خير

 

ما تقدر تبني خططك على توقعات،
الواقع يقول ان عندك عرضين ولازم تختار الافضل بالنسبة لك، فلا تفكر بمسألة الثلاث السنوات.
يعني اذا انت حاط في بالك شركة معينة فأنت مش ضامن من الاساس ان يجيك اتصال واذا جاك اتصل مش ضامن انك تجتاز المقابلة او الاختبار او او او.
فتوكل على الله اذا انت لك رغبة تعمل في الوطنية بس خايف من العقد.

 

يارجال لا تخليني أحلف يمين أنك ماراح تلقى عرض افضل وأحسن من الشركة الوطنية
اقولك رواتبها تعتبر الأعلى وبيئة عملها مريحة بعد.
حتى لو كنت من خارج جدة. غمض عين افتح عين خلصت ثلاث سنين واخذت خبرة وقتها من شركة محترمة وراتب محترم اكثر
انا محاتسيك اذا الله يرزقني فيها وظيفة والله ماأتردد لحظة رغم بعدها لأن ابغى جدة لمدة سنتين ثلاث عشان الماستر
فنصيحة اقبل بدون تردد ولا تكون وجه فقر ع نفسك وهذه نصيحة وكثير ترا يجيهم رزق وفرص ويرفسونه
انا عملي بيئة مطارات ترا شغلهم كرف ولا يغرك سمعة وخرابيط
والله مافي الا الضعوي ورواتب الشركة الي قلتها تعتبر قليلة يمكن لو هيئة الطيران اشوا شوي.
لكن انت عندك عرض حالي وامسك المضمون لا تعيش ع احتمالات وانت شايف السوق تعبان