ICS 343 Fundamentals of Computer Networks

شباب ممكن بعض النصايح في كيفية مداكرة هذا الكورس

 

الكورس مافيه أي شيء صعب ويستعصي على الفهم إلا ما ندر
لكنه دسم بشكل عجيب , وفيه كمية معلومات لا يستهان بها

مالك إلا المتابعة أول بأول لأنه مافي شي تفهمه يوم الامتحان وخلاص , هي معلومات لازم تمر عليها كلها
ومافي بعد القراءة من الكتاب إذا يهمك رأيي

 

up

 

مادة ICS343 أعتبرها من أهم المواد في التخصص كله، المادة دسمة و توضح لك أشياء واجد و توسع مداركك بكم هائل جدًا من المعلومات المفيدة

المادة تعطيك مقدمة للعلم الكبير في مجال الـComputing، اللي هو Computer Networks

بداية الكتاب مقدمة عن الشبكات و بعدها يعرض لك وشو TCP/IP Suite، و اللي راح تقضي السمستر كله في المادة تدرسه

الـTCP/IP Suite يتقسم إلى 5 أقسام:
Application Layer
Transport Layer
Network Layer
Data-Link Layer
Physical Layer

كل واحد من الخمسة ذي ياخذ كم اسبوع من الدراسة عشان يتم شرح protocols اللي فيه، و algorithms و أشياء كثيرة تتعلق بكل layer

بالنسبة لي المادة ذي من أكثر المواد اللي استمتعت فيها بالجامعة كلها، الكتاب حقها ممتاز جدًا جدًا، قرائته ممتعة و يوصل لك المعلومة بكل سهولة، هذا غلافه:



المادة مثل ما ذكرت إنها دسمة، كل layer بتتعمقون فيه، تحتاج مراجعة محترمة عشان كمية المعلومات اللي فيها

اللاب ما كان صعب، كان مفيد و يثبت لك المفاهيم اللي تاخذها في الليكتشر

النيتوورك من أكبر مجالات تخصصات الكمبيوتر، عالم كبير جدًا

 

191 - دكتور فرج عز الدين

المادة ممتعة بشكل كبير، ممكن دسمة شوي صحيح لكنها ممتعة.
فيه حشو زايد أتمنى يشوفون له حل ويكثرون من التطبيقات ويربطونها في الواقع أكثر.