ترم ١٠٢
التحضير : كان في البداية يحضر أول الكلاس بعدين لاحظ انه الطلاب دايما يتأخروا فصار ما يبدأ اللاب اصلا الا بعد ١٠ دقايق من بداية وقته الأصلي
طريقة الشرح : يشرح الاكسبرمنت بشكل واضح و سهل و يكتب كم كلمة في السبورة مهم جدا تكتب معاه لأنه يسهلك للمذاكرة للاختبار
الكويزات : سهلة
القريد النهائي: A+
الصوت: واضح
إضافات :

قمة في الأخلاق و التعامل و يراعي ظروفك
أذكر مرة سلمتله ٤ ريبورتات متأخرة شهر و لا قلي شي

 

بطللللللللللللل جداً جداً جداً ............. إلى أبعد حـد

^
بس باقي أنتظر القريد للحين تأخر فيها

المادة لاب me 316

يشرح كل خطوة مطلوبة منك في الريبورت ... الريبورت عليه الوزن الأكبر من المادة

وفيه اكسبرمنت ميد تيرم + فاينال كل واحد عليه 20 %
سهل نوعاً ما ... الدكتور حبيب وخلوق ومحترم جداً ومزوووح لأبعد حد

 

بطل هالدكتور نزل عنده وماراح تندم

 

181-me 204

التحضير : تحضر نفسك بالورقة ولا كان عنده تعليق على التأخير

طريقة الشرح : أشوفها ممتازة ، يشرح المفاهيم و المادة ، يستخدم الاسلايدات ، ويحل على السبورة .

الكويزات : تكون 1 MCQ عليه درجتين وسؤال ،
الكوز يكون بسيط نوعا ما ولا يحتاج حل كثير .

الصوت : واضح

صراحة أعجبني المدرس بطريقة شرحه وإسلوبه .

 

ME204 term 172
التحضير : -
طريقة الشرح : من السلايدات فقط، سيئة وما يهتم بفهم الطلاب
الكويزات : MCQs، نوعًا ما فيها صعوبة
المياجر: -
الفاينلات : -
القريد النهائي: -
الصوت: سيء ولهجته مو ذاك الزود
إضافات :
ما كملت معاه الترم، فماعرف كيف تصحيحه...
لكن الدكتور كان شرحه سيء فعلًا، وما يكتب شيء ع السبورة إلا نادرًا، والمادة تحتاج شريح وشخص يعبي السبورة كل يوم
ما انصح فيه

 

ME-203-182

التحضير: ورقة تمر يوميا على آخر وقت الكلاس وحبيب مره ما يدقق يعني من اللي حضر خويه او كذا ( أتوقع يسويها عشان يبري ذمته ولا ما همه الموضوع )

الشرح: يشرح من السلايدات حقته , وملياااانه فيها كل شي ممكن تحتاجه. يهمه جدا أنك تفهم وتتدرب على كل المفاهيم لذلك أي فكرة يشوف أنها مهمة يجيب عليها سؤال في الشرح عشان تفهم , واذا اكتشف إن فيه شي جديد أو ما غطاه يرجع يذكرك ويرفع لك أسئلة عشان تفهم .

الكوزات : أول واحد جاب لنا جدول نعبيه والأفرج كان 12 من 15 . من بعدها قال كل الكوزات الجاية بتكون خيارات عشان يكون عندكم خلفية أحسن في نوع الأسئلة اللي بتجيكم في الفاينل (ميجر 1 & 2 ما فيها خيارات كلها مسائل فقط , بينما الفانيل مكس) تقريبا وصلنا 6 كوزات والأفرج تقريبا من 7 الى 8 من 10 , موب أن سكشني شاطرين لكن الكوزات فعلا سهله اذا فهمت السلايدات فقط بتحل وإذا مركز من الشرح يمديك تجيب 6 او 8 بس شد حيلك يعني.

المياجر : يطووووول في التصحيح يقعد من 10 ايام الى اسبوعين , بس يطول عشان يقعد يرقع للشعب يعني يحاول يفهم انت وين أخطيت ويساعدك ويدفك منا وما. ( الكوزات والمياجر ما يرجعها لك ! , لازم انت تروح له المكتب ويشرح لك وين أخطائك ثم يرجعها لك . يقول لو رجعتها لكم محد بيشوف حله , لكن لو جيتني بشرح لك وين أخطيت عشان ما تعيد الخطأ في ميجر 2 والفاينل ).

الصوت : واضح ومفهوم , + يعرف عربي منا ومنا. لذلك بعد كم أسبوع تلاقيه يناديك بإسمك .

إضافات : كثر شطة وكتشب . امممزح الدكتور حبيب جدا وأخلاق وينكت وكلاسه ممتع , يهمه جدا أنك تفهم ويساعدك باللي يقدر عليه + يكون صداقات مع الطلاب يعني يعرف أسمائهم ويمزح معهم .

 

ME203 - 191

التحضير: ورقة تمر آخر الكلاس أو منتصفه، ما يهتم بالتأخير. بداية الترم كان يشدّد على الحضور ويتأكد من العدد الموجود ويقارنه بعدد الحاضرين بالورقة، نهاية الترم ما صار يهتم. آخر الترم ما خصم على الغياب أصلًا، لكن بداية الترم إذا سألته يقولك يمكن أخصم ويمكن ما أخصم، فما تضمنه من هالناحية. (الغياب = خصم نصف درجة من المجموع النهائي 100)

الشرح: شرحه جيد، يفتح سلايداته ويجي قدامنا يسولف ويربط المادة بواقع الحياة وما إلى ذلك. يستخدم السبورة في حل المعادلات فقط أو إيضاح بعض الاشتقاقات أحيانًا. بخصوص سلايداته، كل شابتر أو جزئيّة لها سلايدة. توزيعتها دائمًا تكون الكونسبت والشرح في البداية ونهاية السلايدات يحط 3 أو 4 أسئلة يحلها في الأخير. التوزيعة بنظري سيئة جدًا لأنه بتصير فيه محاضرات كثير عبارة عن شرح فقط بدون أي حلول وهذا يضعف ربط الكونسبت بالمسائل عند الطلاب، ضروري جدًا إنك تبحث عن مصدر آخر تاخذ منه أسئلة (مثل سلايدات الشرفي)، لأن الأسئلة عند هذا الدكتور قليلة.

الكويزات: اختبرنا 6 كويزات وأخذ أفضل 5 لكل طالب. الكويزات كلها كونسبت وأفكار من السلايدات، لو تذاكر السلايدات وتركّز مع الدكتور تضمنها إن شاء الله.

المياجر: تصحيحه مثل ما قالوا يطوّل مرة للمياجر، ياخذ 10 أيام إلى 14 يوم ويعصّب إذا سألته متى تخلص أو كم باقيلك. للأمانة ما شفت منه دف في التصحيح، الدكتور حقّااااااني جدًا وبيعطيك حقك بدون دف، ممكن دف خفيف لو شافك فاهم ونسيت شيء سهوًا، أما إنه يدفك بس كذا لا مستحيل يسويها. أفرجنا أول ميجر 59، ثاني ميجر 68، الفاينل 57

الصوت: واضح ومفهوم

ختامًا: الدكتور حقّاني وماشي على النظام زي الألف، تسأله عن توزيع القريدات يقولك ما أقدر، حقك في الاختبارات يجيك بالملّي، يمزح كثير وأحيانًا يحرج الطلاب ويستقعد لهم ويحسب إن هذا مزح (مزحه ثقيل الغالي)
في الأخير هو دكتور كويّس لو بتجتهد وتعطي المادة حقها، وربطه للكونسبت بواقع الحياة عجبني مرة. بس مقارنة ببقية الدكاترة اللي يدرسون المادّة الممتازين في الشرح وفي الدف ما أشوفه مناسب كخيار أول أو خيار ثاني

 

اسم الدكتور : Bilal al qureshi
BY WHATSAPP
المادة: ME 412-ME411
الفصل الدراسي: 182-191
بنود التقييم ⬇⬇⬇

التحضير : اجتماع ، كل اسبوع تقريبا هذا بالنسبة لاول سمستر ، اما بالنسبة للثاني كان اجتماع على حسب الضرورة
طريقة الشرح : طبعاً أخذنا مع الدكتور موضوع كان مادرسناه ، وبطبيعة الحال ، كان يوجهنا وين نقرا وين نبحث من دون ان يعطينا اي معلومة . كان يقول ان هالطريقة مؤلمة في التعلم لكنها فعالة جداً .
الكويزات : -- مافيها كويزات --
المياجر: -- مافيها مياجر --
الفاينلات : بالنسبة للمشروع ، انت لازم تلاحق روحك ، لازم تتعلم بسرعة وتفهم بسرعة ولا تأجل ، لان كل شي راح يتراكم عليك . الدكتور كان متساعد جدا في القريدات ، لكن لاتتوقع اذا تأخرت في كتابة واستنباط المعاملات ، بيجي الدكتور ويقولك ترى تأخرت لازم تخلص بسرعة . لان هذي مسؤوليتك . الدكتور دائما يحفزك اذا جيت مكتبه ، ويخليك تحس انك انسان عظيم كمهندس ميانيكي
القريد النهائي: A
الصوت: واضح بما ان الاجتماع في مكتبه .
إضافات :المفروض مشروع التخرج يتقسم بهالشكل :
السمستر الاول فهم خلفية المشروع ، واستنباط النموذج الرياضي للمشروع ( mathematical module ) وكتابة برنامج يحل النموذج الرياضي .

السمستر الثاني : مرحلة تصنيع المشروع ، من قص خشب وحديد وتلحيم وتلزيق وهلمجال .

 

ME203-203
التحضير : يأخذه من التيمز ومرتين حضر بنفسه وصاد كم طالب نايمين و اخذ اساميهم.

طريقة الشرح : يتكلم عن تجاربه و خبراته. لما يركز بالشرح، شرحه جيد يكون. طبعا كل شرحه كونسبشوال وما يشرح نومركال الا نادرا جدا.

الكويزات : خيارات وسهله جدا والعادة يجيب الاسئلة من سلايداته بالحرف.

المياجر: كان ميد وطول وهو يصحح وكان شديد بالتصحيح. كرر لنا ميجر ١٩١
الفاينلات : كان متوسط مائل للصعوبة. تصحيحه كان افضل من الميد.
القريد النهائي: B
الصوت: واضح وكان مزكم طول الترم فبعض الاحيان ما تقدر تركز معاه من كثر ما يضطر يوقف.
إضافات :
الدكتور يزعل اذا الطلاب استعجلوه بالتصحيح.

وكان فيه بروجكت وكانت طريقته بالبروجكت سيئة جدا. يخليك تحل مسألة حبة حبة لو تقدمت بزيادة يخصم ويبغاك تراسله بالتيمز ويتابع معاك ويشوف انت فاهم او لا ولكن للاسف الدكتور ما حط بالحسبان عدد الطلاب اللي عنده وكان بالتالي يتأخر كثير بالرد.

القريدات كانت ماش.

فيه خيارات افضل منه مثل د. عمرو القطب و د. عبيدالله المنتشري و د. المرباطي و د. الطريفي ود. الشهري واللستة تطول.

لذلك انصح انه يكون اخر خيار.

رابط لمادة ثيرمو ١ بيفيدكم ان شاء الله:
ME203 | T231