مقابلة مع Aramco - Pipeline distribution & Terminals Department 2020

السلام عليكم و رحمة الله و بركاته
حيا الله الجميع و عساكم تكونون بأفضل حال يا رب

من شهرين يمكن رفعت مستنداتي على موقع Aramco Careers لحديثي التخرج و بدون سابق انذار اتصلو علي من اسبوعين يمكن و قالو عندك مقابلة مع قسم Pipeline distribution & Terminals في اسبوع المهنة في جامعة الملك سعود 2020 مؤهلي هودرجة البكالوريس في علوم في الهندسة الميكانيكية.
طبعا في الاتصال قالو ان مكان عملك في الظهران و من خلال بحثي في هذا الموقع المبارك تبين لي انه غالب الظن بشتغل في الادارة الرئيسية في الظهران اللي من كلام الشباب عنها انها تعتبر جيدة و افضل من المناطق النائية و محطات الضخ و امكانية التطور فيها و بيئة العمل اسرع و افضل respectively
اللجنة كانت عضوين لطيفين جدا و هادين مرة بدأ الاول و شرح قسمهم عبارة عن ايش و وش شغلهم بالضبط و قالي ابيك تتحدث عن نفسك بشكل عام و تبرز الي ودك تبرزه من الامور اللي ذكرتها في سيرتك الذاتية و هذي نقطة ما تعاملت معها بشكل سليم بحكم انها ثاني مقابلة عمل لي منذ تخرجي فاجحفت في حق شهاداتي الاحترافية و مشروع تخرجي و خبراتي في التدريب و خارج التدريب لانه لخمني و ما سأل عنها حبة حبة لكن الحمدلله انه لاحقا سأل عن مشروع التخرج. المقابلة كانت 90% اسئلة Fluid Mechanics يعني ذاااكر فلويد يا صاحبي مثال : عندك بايبلاين بين الرياض و القصيم تحتاج تصمم له قطر, وش العوامل الي تحتاجها عشان تصمم عليها؟ مثل الاسئلة هذي لا تجاوب على طول عليها بدون مقدمات, يفضل تقوله بناء على معادلة فلان الفلاني و الي فيها كذا و كذا و بناء على المبدأ الفلاني فإني بحاجة الى ... حتى تبين لهم انك ماشي على اساس و فاهم وش جالس تقول مهو تخمين ( خذ وقتك بالاجابة و لا تتسرع )
سألوني عن مشاكل البومب و الفضل لله اولا ثم للشباب الي هنا قدرت اجاوب عليها بشكل جيد.
و سألوني عن خوينا الحبيب رينولد و عطيتهم اسماء كتب و مطاقات بين العلماء فيه ( احسسه اني مطلع على تخصصي و ابحث فيه )
سأل عن الـ Operating Point للبومب
ايضا: خزانين متماثلي الارتفاع ايدينتكال في كل شي اللهم واحد قطره اكبر من الثاني فيهم نفس حجم المائع, اي الخزانين يملك ضغط اعلى عند القاع؟ ( تقدر تقول اجابات مختصرة جدا مثل كثافةxتسارع جاذبيةxارتفاع و تقدر تتفلسف شوي تبين انك فاهم مش حافظ)

فقرة الصدمة
مكان العمل
Pump Station 3 في نفود الوسيع 100 كيلو عن الرياض دوام 12 ساعة 5 ايام بالاسبوع السكن و الغذاء مدعوم من الشركة

فقرة الاسئلة:
الحين الخطوة القادمة وشي في حال اني عديت المقابلة و هذا الي متفائل فيه و البوادر تشير الى ذلك الحمدلله
سمعت بال KYC اظن كذا اسمه وش هالشي هذا و الاسسمنت عبارة عن ايش لا هنتو؟
السواب وشو؟ و ما مدى امكانية تغيير الادارة الي اعمل فيها او على الاقل تغيير المكان مستقبلا؟ لاني محتاج اكون بعيد لفترة لأهداف خاصة

و اذا احد عنده اضافات عن طبيعة العمل و بيئته في الموقع المذكور اكون له من الشاكرين.

فقرة الثناء و الشكر و الخدمة:
و اي سؤال او استفسار انا مستعد بالي اقدر عليه لزملائي المقبلين على مقابلة مع نفس القسم.. و هذا شكر و عرفان للزملاء الي استفدت منهم كثيييير و كان لهم اثر بعد الله في تأديتي بشكل جيد بالمقابلة

و سلامتكم