نصيحتكم أفصل من الجامعة؟

وعليكم السلام ورحمة الله وبركاته
افضل شيء كمل دراسة الجامعة لان ممكن الفرصة هذي ماتحصل لك بعدين
عمر 27 يعتبر صغير ان شاء الله تقبلك الوظائف
اذا تقدر اشتغل بالدبلوم وكمل جامعة بنفس الوقت
وفقك الله

 

عزيزي ،
لاتخاف أبدًا على رزقك ، بادر وتوكل على الله بكل خطوة.اما من ناحية العمر انا اشوف ٢٧ لسى صغير والفرص برضوا راح تظل كثيرة أمامك مع حصولك للبكالوريوس لان اغلب البرامج التوظيفية لحاملي البكالوريوس يطلبون ٢٨ سنة واقل وفي تغاضي عن العمر في بعض الجهات
أكلمك عن نفسي انا تخرجت بكالوريوس وعمري ٢٩ سنة وكنت شايل هم العمر مع الوظائف لكن الحمدلله حصلت فرص كثير جدا العمر ماهو معيار مهم لجهات التوظيف كثر إلمامك في تخصصك ومدى رغبتك بالوظيفة
الله يكتب لك اللي فيه الخير بإذن الله وكل شخص يدرس حالته من نواحي كثيرة وانا ماني عارف ظروفك لكن من رايي الشخصي اقولك كمل بكالريوس افضل لك بكثير

 

المهندسين خريجي البترول عاطلين عن العمل واعمارهم تعدت ثلاثين

بيجيك واحد الحين بيكتب ( لا تحبط الناس خلك متفائل ) هههههه

 

إذا كنت مختبر قدرات عامة وجايب فيه فوق 80
ومختبر تحصيلي وجبت فيه فوق 65
ومختبر كفايات انجلش وجبت فوق 50
انتظر يفتح التقديم ع اكاديمية الطيران المدني وادخل فني اطفاء بهيئة الطيران تدريب منتهي بالتوظيف،
مدته ثلاث سنوات.
راح تتخرج راتبك يصك 14 الف ريال.

لو يرجع الزمن انا دخلته.
وبنفس الوقت لا تفرط بدراستك واذا تقدر تدرس بالجوف ولا عرعر هندسة صناعية احسن لك

 

اسمع كلام اخوك والله اني لك ناصح..انتبه من كلمة ان عمرك كبير.. انا اكبرمنك يوم تخرجت والحمدلله اني كملت دراسه.. ولا كان الحين ماكل هوا..

الشهاده الجامعيه مفتاح بعد الله.. واهم شي اللغه الانجليزيه.. شهاده بدون لغه انجليزيه ممتازه مايمشي حالك..

كمل وشد حيلك.. وانا اشوف انه يعتمد على الشخص ومو موضوع بس اي جامعه هي الافضل..

تحصل واحد خريج جامعه جيزان افضل من الف واحد خريج امريكا او البترول.. يعتمد على الشخص اللي يطور نفسه ويقراء في مجاله.. وبالتوفيق..

 

عليكم السلام ورحمة الله

بصراحه راح اكون صادق معك ..... بناءا علي وضعك انت معك شهادة من كلية المجتمع اتوقع دبلوم والظاهر الدبلوم حقك في الحاسب الالي

وصار لك فرصة انك تقدم بالجامعة بنظام معين عشان تحصل بكالوريس بس قالو لك انك راح تدرس من الصفر ولا عادلو لك ولا اي شي من الدبلوم

شوف يا عزيزي:

1- الجامعة الي انت راح تدرس فيها هي جامعة ليست من الجامعات القوية في داخل المملكة .... لذلك لن تحصل علي تعليم قوي انما ستحصل علي شهادة .... والان الشركات وحتي القطاع الحكومي يركز انه تكون المخرجات العلمية قوية لذلك انت سوف في عام 2023 تتنافس مع ناس جايين من جامعات اقوي وفرص قليلة

2- عمرك ايضا كبير وكما ان لديك تعثر سابق بمرحلة التحضيري اي كانت الاسباب وانا لا اشكك بقدراتك ومتاكد انك قادر علي النجاح بتفوق لولا الظروف التي حصلت معك ولكن ما حصل قد حصل والان

انصحك ليس برامج تدرج ارامكو لان دخولها حاليا صعب ويحتاج لواسطة بكل امانة

انت بدبلوم الحاسب تقدر تحصل وظيفة بالامن العام او الشرطه او القطاعات الامنيه بكذا تكون استفدت من شهادت الدبلوم يمكن تحصل رقيب براتب 8000-9000 ريال عالي جدا وراحه ويمكن تكون قريب من اهلك بالقصيم او حائل او كذا وايضا وما ضيعت وقتك في شهادة وليس علم حقيقي يفيدك ويفيد البلد

وهذا مجرد وجهة نظر والقرار قرارك

 

نصيحتي من شخص كان فني في ارامكوا رسمي،

عمل الفني متعب اكثر من المهندس او الحاصل على البكالوريس في التخصصات العلمية من الناحية البدنية و الراتب يفرق كبداية.

انا انصحك تقدم دراسة full time و راح تلاقي فرص لا تشيل هم العمر.
انا تخرجت وعمري 28 و توظفت الحمد لله. اغلب العاطلين لان سوق العمل تعبان ماهو بسبب العمر.

اذا انت ذكي و فيك حيل دراسة توكل على الله.

 

كمل يا حبيبي والله يوفقك ويكتبلك الخير

شيبان ارامكوا اعرفهم عمرهم فوق ٥٥ نادمين اشد الندم ماكملوا جامعة يادوب عطوه قريد ١٠ بعد خدمة اكثر من ٣٠ سنة .

لكن انت يامهندس قريد ١١ على طول اول ماتتعين ستيكر اخضر وفرت ٣٠ سنة من حياتك .

بس مشكلتك جامعة حايل مو مرة بذيك القوة او ان سمعتها في السوق سيئة .

واعرف واحد بيقدم في شلمبرجير بس شاف الموظف جامعة حايل قله نو نو قو اواي فروم هير ..

بالتوفيق لك .

 

نصيحتي لك خذ البكلوريس ,, كل تخصصات الجامعة فيها دراسة ذاتية بس تحديدا الحاسب اكثر من غيره "وهذا الكلام ينطبق على كل جامعات العالم, لا يهمك الي يقول جامعتك ضعيفة"

انت الي تبني نفسك , والبكلوريس يفتح لك سقف الدبلوم , مشكلة الدبلوم الوحيدة هي انك بعد كم سنة بتوصل سقف ,,,,,

اخر نقطه ,, علوم حاسب تقدر تشتغل على مشاريع او عمل جزئي كا مبرمج قبل ما تتخرج بكثير ,, لو تشتغل على نفسك هالفترة دامك فاضي , و تشد حيلك اول ترم "مب بس في مواد الجامعة, حتى بالدراسة الذاتية" بتوصل مرحلة تكفي انك تشتغل بفلوس ,,,

واذا ما تقدر او ما تحب تشتغل بتخصصك ,, ترا عمل جزئي في جرير راتبه 3000 ولا في اي مطعم ,,,

بس نصيحة لا تخلي البكلوريس ,,,