هل هناك وظائف للفريش

و عليكم السلام
الف مبروك التخرج

في الظروف العادية اجراءات التوظيف نفسها تاخذ اكثر من شهر (مثال: ارامكو)
التوظيف المباشر يكون في حالة الحاجة للموظف. يعني يمكن يخلونك تباشر باسبوع او اقل.

فترة النتظار ذي لابد منها فحاول تستغلها بشي مفيد و تطورنفسك (بارت تايم مثلاً) و جهز سيرتك و تمرن ع المقابلات الشخصية و جهز كل اللي تحتاجه.

اهم شي لا تملأها بالفراغ والله يوفقك و يكتب لك كل خير.

 

عليكم السلام
بغض النظر عن معدلك و لغتك و قدراتك
حط لك خطه أ و ب و ج
مشكلة البعض يحط فباله الشركة الفلانية و انه بيشتغل فيها و هو توه ما تخرج

 

عليكم السلام ورحمة الله

فيما لم تم اتخاذ قرارات صارمة مؤلمة سينهار الاقتصاد والصناعه بشكل كامل وشامل .....

وبالتالي سيتم اغلاق واعلان افلاس اغلب وكثير من الشركات الخاصة وتسريح جميع الموظفين ....

بسبب افلاس الشركة

وستكون خلال فترة قصيرة من القرارات

بل الطامة الكبري انه لن يوجد علاج او حل بالمستقبل ستكون الضربة قوية جدا...


ونسال الله ان يرحمنا

 

عليكم السلام. بصراحة مع الوضع الحالي الصعب لكن
المفروض قبل التخرج اقل شيء ب ٤ شهور تقدم بشكل دائم على الشركات هذي قاعدة اذا تبي تزيد من فرص التوظيف عن التخرج.
واذا مالقيت وظيفة بعد التخرج، ترى الوضع طبيعي
كثير يتخرجون يجلسون ٢-٣ شهور وأكثر بكثير على بال مايلقون.
فأنت لاتقلق وان شاء الله بتلقى. استغل الايام هذي انك تقدم على الشركات
سواء فيه وظائف ولا عن طريق عمل بروفايل في مواقع الشركات. مهم السيرة الذاتية تكون مكتوبة صح
وحاول تحسنها باخذ دورات وشهادات قوية مناسبة.

 

لم يعد ينفع الكلام

 

لا ما فيه وظائف

الوظائف ما كانت متوفرة قبل ازمة كورونا فما بالك الحين ؟

سجل باوبر وكريم لو سيارتك حديثة

ولو كانت السيارة قديمة سجل بمرسول وهنقرسيشن

وانتبه تسوي مشروع ، اللي يكتب ( افتح مشروع وسو بزنس ) ما يخاف الله ويغشك

قدامك رحلة طويلة بالبطالة تجهز نفسيا من الحين عشان لا تنصدم


الا لو كان عندك واسطة فانت اختصرت على نفسك طريق طويل من المعاناة

حاول تشوف لك واحد يتوسط لك ، ولو ما لقيت ارجع لاول سطر كتبته لك

 

معك حق مافيه وظائف من قبل والان اسؤاء من قبل

قال تعالي

وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا (16)

اللهم فلسنا لنا ذنب ونبرا اليك اننا غير راضون فاحفظنا وارفع عنا عذابك

مترفيها = م ترفيه ا

 

فيه عاطلين صح بس اقول عن الي توظف للمرة الاولى... غالبيتهم جلس اقل شي ثلاث شهور.

شيل فكرة انك لازم تتوظف في ارامكو او سابك

سابك حسب مااعرف متوقف التوظيف فيها من سنوات. قليل الي يتوظف هناك بسبب الوضع الاقتصادي للشركة
وارامكو اكثر شيء تاخذ خبرة ومعدل عالي واجراءتهم تطول هذا اذا الشخص انقبل وتم اختياره
اذا ودك بشركات كبيرة تدعم في السيرة.. روح الشركات العالمية والمعروفة اكسب خبره وبعدها قدم على ارامكو

 

ماودي احطمك

لكن الوضع صعب جدا جدا جدا وظايف المهندسين ( السعوديين ) في الشركات
اذا عندك واسطه امورك راح تزيين ..

 

أنت في وقتك لا تنظر لغيرك فلا تستعجل
توكل على الله و افعل الاسباب و لا تنس الدعاء (( هذا موضوعك اشكيه لرب العالمين ثم اطرحه للبشر لسماع خبراتهم و تجاربهم))

توظفت قبل زملائي و أنا بالأساس كنت عاطل 11 شهر ( كان بإمكاني تحسين لغتي أو تعلم برمجة أو مراجعة تخصصي أو شيء مفيد)
هم توظفوا بعدي , راتبهم الأساسي حقهم يساوي راتبي كامل ما شاء الله تبارك الله و الله يبارك لهم

تخرجك لا يعني توقفك عن القراءة و الإلمام بتخصصك
تخرجك لا يعني توقفك عن التعليم و تطوير نفسك

 

انا خريج ميكانيكا بمرتبة شرف تخرجت بشهر ديسمبر الماضي وكان وقتها فيه فرص لكن جدا قليلة سويت مقابلة لكن ماكتب لي نصيب حاليا وقعت مع شركة بمسمى فني براتب مايتجاوز 5300 ريال بعد الخصم التامينات الحمدلله علئ كل حال احسن من الجلسة (اعتبرها كواب لانهم عطوني فترة تجربة 6 شهور ) + فيه اقسام هندسية ممتازة بحاول اني انقل لها في اقرب فرصة دام اني موجود بالشركة

طول فترة بعد التخرج شغال علئ الاي ليرننق
كورسات بادارة الجودة وادارة الاعمال وهندسة البترول والسبلاي شين وذي تنفع مو بس مجرد شهادة تساعدك حتى بحياتك العملية وحتئ بالمقابلات تعرف كيف تتكلم وتحسسهم انك فاهم وتنخرط بالعمل بشكل اسرع

طول مانت جالس بالبيت ضبط السي في واعرضه على عدة اشخاص فاهمة كيف يكتب علشان تتفادى الأغلاط ويكون مرتب ويجذب مسؤولي التوظيف

ضبط حساب اللنكدان وخلك متفاعل فيه واترك اللي يقول لك ماينفع وخرابيط الحمدلله (حصلت منه كواب+ وظيفتي الحالة + سويت مقابلة بشركة نفطية كبيرة ) حاول تتواصل مع الاتش ار بالشركات اللي تبيها خصوصا اذا البروفايل حقك فيه اشياء حلوووة

برضوا موقع بيت كوم ضبطه + حدث بشكل دوري

سوي البروفايل بمواقع الشركات علشان تكون جاهز اذا فتحوا بوزشن

عندك موقع انديد ممتاز

بعد العيد اذا راحت ازمة كورونا ورجعت الحياة طبيعية بإذن الله لاتهمل التقديم اليدوي ترى فيه فرص مايعلنوا عنها لكن دامك جيت لهم احتمال يسووا لك مقابلة

لاتيأس لازم تتعب على روحك بالتقديم استخدم كل الطرق والله يوفق الجميع

 

انت لو ما تحطمت من بدري بتصير الصدمة عليك اقوى بعدين

وحاول انك ما تجالس الناس بزيادة لانهم حيوانات ما يفهمون كل شوي بيسالونك ( انت ما توظفت الى الحين !!! ) وكانهم عايشين باستراليا ما يعرفون اللي صاير ، يعني سبحان الله يسوون فلاسفة في كل موضوع الا هالسالفة فجاة يصيرون كلهم ما عندهم ادنى خلفية عنها !!! هههههه

وصدقت بالنسبة للوظائف بغير التخصص فيه وظيفة مصفف ارفف في بندة او كاشير بكارفور او لو كنت محظوظ تصير ترد على الاتصالات بكول سنتر

و اخالفك الراي بنقطة ( برواتب عالية ) ، ما فيه رواتب عالية

واما بالنسبة للمشروع لا تسوي ابد لا قبل الوظيفة ولا بعدها

 

اخي الغالي،
فالبداية مبروك التخرج والله يوفقك بالوظيفة اللي تتمناها.
وتذكر انه رزق بيد رب العالمين ولا تبخل على نفسك بالدعاء وخل عنك المحبطين.
ثانياً، الخط السريع لحصولك ع وظيفة هو انك تقدم على شركات SMP التابعة لارامكو وسابك والشركات المعروفة
ايميلاتهم بكل مكان تلقاها ورواتبهم حلوة.

لما تحصل وظيفة تقدر تتطمن وتطمح للافضل وخبرتك ماشية وشهادتك معك.

اهم شيء قدم، على كل ايميل تشوفه وكل حساب في لنكد ان تابع للاتش ار لاي شركة

لا تقف مكتوف الايدي والله يوفقك ويرزقك الوظيفة اللي تتمناها.

قبل سنتين كنت محبط اكثر منك لان معدلي ما يجمل والفرص لتخصصي جداً محدودة، والله اني وقعت العقد قبل التخرج براتب فوق 15 وبيئة عمل جداً ممتازة وما قعدت فالبيت الا شهر

الله يوفقك وقدم على كل شيء قدامك