131ترم بنود التقييم : التحضير : ورقة تمر على الجميع وحضر اللي تبي وحسيت ان الدكتور مايهتم شوي بالتحضير طريقة الشرح : سلايدات على خفيف وكتابة على السبورة مع حل امثلة من اسئلة الكتاب الكويزات : متوسطة الى سهلة واحيانا يجيب من اسئلة الهوموورك ومرة جانا كوز من اولد فاينل المياجر: كومن بس السؤال اللي يحطه الدكتور هو الاصعب الفاينلات : كومن القريد النهائي: A+ الصوت: واضح إضافات : الدكتور من افضل الدكاترة اللي درسوني لانه يهتم بفهم الطالب ويربط لك المادة بامثلة من الواقع ورح تحس الكلاس معه مو ممل ابد متساهل بسليم الهوموورك البروجكت اسهل بروجكت اخذته بالقسم بالنسبة للقريدات حقك بدون زيادة او نقص
بنسبه لي الدكتور ذا أسوأ دكتور لل 311 انا طالب ولله الحمد ممتاز ومجتهد واتابع لكن هو ما عندع سالفه الدكتور يجيب النوم بشكل غير طبيعي ولا يعرف يشرح ميزته أنه ما يدقق بالتحضير واللي بينزل معه اعرف انك بتجيب العيد تصحيح حلو بالمياجر لكن يقولون القريد النهائي زباله الله يستر اكبر غلطه سويتها اني نزلت معه
Me 203 - 133 افضل دكتور مر علي لحد الان ,,, فاهم المادة وطريقة شرحه مرتبة ووااضحة جداً سلايداته بالنسبة للثيرمو فيها امثلة واسئلة ,, والكونسبت فيها اوضح من الكتاب ويشرح منها واحياناً يكتب على السبورة واحياناً يربط لك اللي تدرسه بالواقع بحكم خبرته ,,, متعة كويزاته من الهومورك ,, اذا حليت الهومورك الفل مارك بجيبك واخلاقه ممتاز ويتجاوب مع الاسئلة حتى لو كانت شاطحة وتدل ان صاحبها مو مركز ابداً تصحيحه ممتااااااااااااااااز اذكر اني اوجدت قيمة غلط من الجدول ومشيت عليها بحلي وطلع الناتج عند غلط ما خصم علي غير بوينت واحد فقط من 100 ! انصح فيه لان الكورس معاه خفيف وممتع
دكتور ممتاز وشريح وساعدني كثير بالاوفيس. نظام تصحيحه غريب شوي. الميجر الأول ,غلطت أغلاط فادحة المفروض أنه الواحد ما يغلطها في سؤال من الأسئلة ,طبعا السؤال عليه بوينتس كثير ,لكني جبت الفكرة الأساسية في السؤال وما نقصني درجة وحدة! ميجر 2,شكيت أنه هو اللي صححه ,لأنه العكس صار هنا ,خسف بالتصحيح ,يمكن عشان الأفرج . الفاينل ما أدري كم عطاني لأنه أرسل القريدات مباشرة للبورتال. على العموم في النهاية القريد الي أخذته ممتاز وان كنت متوقع أعلى ,لكنه بالعموم دكتور ما يتفوت ,
المادة: Me311 الترم: 142 التحضير : التحضير شبه يومي .. وما اتوقع انه يخصم على الغيابات .. طريقة الشرح : شرحه يكون من السلايدات واذا خلصت كل شبتر يحل مسائل عليه .. طبعا شرحه مش ولابد يعني يشرح بس نبرته ماتخليك تتحمس معاه .. الكويزات : كويزاته كان بعضها صعب وبعضها سهل .. عنده 6 كويزات وياخذ افضل 3 ,, المياجر: كومن الفاينلات : كومن القريد النهائي: B+ الصوت: واضح إضافات : الدكتور طيب ومعاملته في القمه .. والصراحه يدفك درجات ولا ينقصك .. طبعا البروجكت مايعطي اقل من 4 من 5 .. انصح فيه
الدكتور من افضل دكاترة القسم حقيقة شرحه من السلايدات ممكن ما تفهم عليه ، لكن يحل على كل سكشن اسئلة كثيرة ويشرحها ومنها تقدر تفهم الكورس كامل يعلمك وين اخطاء الطلاب في الاسئلة علشان تتفاداها بالمياجر والفاينال تصحيحه جيد وما يظلمك وياخذ تقريبا اسبوع في تصحيح الميجر التحضير عنده ورقة تمشي وما يشيك عليها ، وعادي تحضر اي سكشن الكوزات تكون من الاولد اكزام عادة ، 6 كوزات وياخذ افضل 3 ( تجيب 10 بالراحة ) مع هالدكتور عليك تذاكر للمياجر والفاينال وتجيب زين وابشر بالقريد اللي يطيب خاطرك اذا بدعت في الفاينال يدفك قريد زيادة ويقولك اذا تجيب 95 في الفاينال اعطيك a+ مهما كانت درجات المياجر
152 - ME311 OVERRATED للأمانة الدكتور خلوق ومتمكن من الفلود وشريح....بسسسسس اخالف اللي قالوا تصحيحه تمام.....في التصحيح يعطيك اقل من حقك وتتعب اذا كان الحل صح الا الجواب الاخير بسبب غلط بسيط في الarea ولا شي ثاني... في الفاينل مافيه شفافية الدكتور.... حتى ماعطانا درجة الفاينل... القريد ع طول بالبورتل مافي حتى فرصة تراجع...بالميجيرين عطاني اقل من حقي واضطريت اروح له المكتب عشان يصصححها واتوقع الفاينل نفس الكلام..وفي النهاية القريد مو مرضي ابد .... + البروجكت عطا معظم السكشن 3.5 من 5 عكس اللي قالو يدف وفل مارك خلاصة الموضوع الدكتور بتتعب معاه ب التصحيح...اذا انت سلف ستدي ومو من النوع اللي يحل مليون الف مسألة عشان يجيب فل مارك بالاكزامز ما انصحك.. بس اذا انت من بني دفره ولاتفارق القلم الرصاص والمسائل ويهمك بس الشرح....سجل ترا شريح واخلاق الدكتور وشكرا..
ME311 - 162 شرح أسطوري وأخلاق وتعامل وكل شيء.. لكن قريداته سييييئة وحتى لو كان باقيلك نص درجة عالقريد اللي بعده ماراح يزيدك
ME311 163 لو ب امدح الدكتور ب اتعب وانا اكتب الشرح ولا الاخلاق كل وحده افضل من الثانيه الدكتور شريييييييييييح يفهم الصخر ما شاء الله تبارك الله
semester: 171 Course: ME311 بنود التقييم : التحضير : ورقة تمر على الجميع وحضر اللي تبي الدكتور مايهتم بالتحضير ولا يراجعه طريقة الشرح : سلايدات على خفيف وكتابة على السبورة مع حل امثلة من اسئلة الكتاب , مافيه احسن منه بالشرح الكويزات : متوسطة الى سهلة ومرة جانا كوز من اولد فاينل المياجر: كومن بس السؤال اللي يحطه الدكتور هو الاصعب الفاينلات : كومن القريد النهائي: A الصوت: واضح إضافات : الدكتور يربط لك المادة بامثلة من الواقع متساهل بتسليم الهوموورك البروجكت حقه افرجه حول 2.5 من 5 الله يسامحه بالنسبة للقريدات حقك بدون زيادة او نقص
ME311 - T172 التحضير : غالبًا ورقة تمر على الطلاب و أحيانًا ينادي الأسماء بنفسه، إذا جيت لييت (بالمعقول) ما يقولك شي، مايهتم كثير للتحضير و يسمح بالميك أب طريقة الشرح : يفتح السلايدات و يشرح الكونسبت و بعدين يبدأ حل المسائل، يحل مسائل بالهبل بأفكار و تريكات مختلفة، خلال الشرح يوجه أسئلة كيف تحل هذه؟ ايش الإيريا بالحالة هذه؟ الخ الخ باختصار، شــــــــــــــــــريــــــــــــــــــــــــــــــــــح الكويزات : يختبر مجموع 6 كويزات و ياخذ أفضل 3، الكلاسورك عنده أشوفه مضمون و الكويزات متوسطة الصعوبة الترم هذا سوا حركة أنه أختبرنا كويز يعادل كويزين، يعني إذا جبت 10 كأنك أختبرت كويزين و أخذت فيهم 10 المياجر: كومون الفاينلات : كومون القريد النهائي: تقييمي للدكتور أتركه لكم، بالنسبة لتوزيع الدرجات فالأفرج عند الدكتور C+، و تاخذ حقك بالقريد لَا تَظْلِمُونَ وَلَا تُظْلَمُونَ الصوت: الصوت واضح جدًا إضافات : الإيجابيات إيجابيات محترم و منظم مرن بالحضور شريح و فاهم زين متعاون جدًا جدًا جدًا بالحضور و الغياب و مواعيد تسليم الواجبات و المشروع و الكويزات، تهمه مصلحة الطالب تصحيحه جيد، مستحيل يظلمك و ممكن تاخذ أكثر من حقك السلبيات سلبيات القريد تاخذ حقك بالملي (البعض يعتبرها سلبية، شخصيًا لا) مايعوض عن كلاسات أوف عن المياجر رفعت سلايدات و كويزات و سيلابس المادة ترم 172 في الريسورسيز KFUPM Resources v3
إيجابيات محترم و منظم مرن بالحضور شريح و فاهم زين متعاون جدًا جدًا جدًا بالحضور و الغياب و مواعيد تسليم الواجبات و المشروع و الكويزات، تهمه مصلحة الطالب تصحيحه جيد، مستحيل يظلمك و ممكن تاخذ أكثر من حقك
ME 311 للأمانه أشوف ان الدكتور Overrated التحضير : ورقة تمر وتوقع عليها طريقة الشرح : متيريال ميجر 1 الشرح كان مره سيء والوضع كان ضياع بعدها من ميجر 2 للأخير ممتاز جدا الكويزات : كوزاته صعبه جدااااااااااااا وفيها تحدي وتكون من اسئلة اولد اقزام غالبا المياجر: تصحيحه عادي تاخذ حقك ما يدف ولا شيء الفاينلات : نفس المياجر القريد النهائي: B الصوت: واضح إضافات : بسوي مقارنه بسيطة مع دكتور ثاني ممتاز ويدرس نفس المادة اتمنا تكون مفيدة: سعد بن منصور أفضل من السرخي من ناحية الكلاس وورك (عند السرخي مستحيل تاخذ فل بينما بن منصور تقدر تاخذ فل بالراحه) الشرح بشكل عام ما يفرق كلهم كويسين التحضير السرخي افضل سعد بن منصور يحضر اول ما يبدا الكلاس والي يتأخر ليت على طول البروجيكت سعد بن منصور افضل احيانا يلغي البروجيكت واحيانا يعطي بروجيكتات سهله جدا اما السرخي عطانا بروجيكت صعب ولا طالب بالسكشن كامل أخذ فيه فل
ME438 TERM192 - ME311TERM 182 التحضير : نهاية الكلاس بالأسماء طريقة الشرح : 90% من السلايدات، قليل إذا كتب شيء ع السبورة، ومع ذلك شرحه ممتاز والرجال فاهم المادة الكويزات : متوسطة المياجر والفاينل: فيها صعوبة وتصحيحه ناشف أحيانًا القريد النهائي: B+ الصوت: واضح إضافات : الدكتور درست عنده في مادتين، وكان ممتاز في الشرح مع أني أحس أنه يقدر يشرح أحسن من كذا ولكن شرحه حلو ع كل حال، يحاول قدر الإمكان يقدر ظروف الطالب ومايضغطهم وتعامله جدًا رائع ومتعاون، فاهم المواد ومتمكن، ولكن!، التصحيح أحيانًا سيء جدًا، وتوزيع القريدات عنده ناشف بشكل مجحف حتى لو الآفرج 50%...
ME438-222 التحضير : ينادي بالرقم نهاية الكلاس حتى لو كان عنده ٧٠ طالب بمسرح. بالنهاية ما خصم ولا اعطى DN. كان يوعد ببونص للي ما يغيب وبونص للي حضر كلاس قبل الميدتيرم بريك ولكن تراجع وما اعطى بونص. طريقة الشرح : يمكن يكون المسرح ظالمه ولكن الدكتور ما كان يبذل مجهود بشرحه و كان طفشان من الكورس وان ما وده يدرسه لكن ما فيه غيره. بعض الكلاسات بالنهاية كان يجتهد شوي و الكلاس فعلا يطلع مستفيد. الدكتور واضح انه شارب الكونسبت شرب لكنه ما له نفس يتعب نفسه بشرح وللاسف ذا الشيء ظلمه هو و ظلم الكورس. ما يحل مسائل بنفسه بس يمر عليها و يشرح شيء بسيط منها. الكويزات : اعطانا كويزات بالكلاس وكويزات اونلاين. بعضها كانت صلخ وصعبه وبعضها سهله بالجيب. اللي بالكلاس ببداية الترم كانت صعبه. بعدها كم كويز كرر من الاولد و بعدها الاونلاين كويز كان سهل وبسيط عشان يرفع درجات الطلاب. ياخذ افضل ٣ بالنهاية. المياجر: خيرنا بين ميجرين او ميد. وكان واضح انه وده بميد وفعلا صوت الاغلب لميد. كان جدا سهل ومكرر من الاولد ولكن تصحيح الدكتور كان سيء. ابسط خطا ممكن يخليك تاخذ ٢٠/٣٥ و لو كان عندك خطا مثل انك حسبتها بالكيلو ميتر وهي بالميتر يعطيك نص درجة السؤال او اقل. الفاينلات : الفاينل دايما صلخ وهو يحط تحدي للطلاب اللي يجيب ٩٧ او اعلى بالفاينل يأخذ اي بلص مباشرة بدون النظر لباقي درجاته. لكن ما اعتقد احد قد سواها. الفاينل صعب جدا جدا والتصحيح كان سيء مثل الميد. القريد النهائي: B الصوت: بالمسرح واضح إضافات : الدكتور من نظرتي يستاهل تقييم اقل من كذا ولكن شخصيته طيبة وكان متعاون باشياء كثير ويحاول انه يساعد اكبر عدد بدون يضر احد. حذف كم واجب و اخذ افضل ٣ كويزات. الاسايمنتس ما اذكر حذف منها. والاسايمنتس والواجبات كانت كثيرة. ١٠ واجبات و حول ١٢ اسايمنت. الدكتور ينفع للطلاب اللي مستواهم تحت الافرج لان بالنهاية على كلامه 20% فقط من 100 طالب اخذوا قريد B+ وفوق. واحد الشباب كان توتله 55 وأخذ معاه C+ قروب للمادة: ME438 | T231
ME 438 - Term 231 التحضير: يحضر نهاية المحاضرة وماعنده مشكلة في التأخير. الشرح: شرحه جيد ويتقبل الأسئلة مهما كانت بسيطة، بس تحسه بارد في الشرح أو ماله خلق. الكويزات: عطانا 6 كويزات وحذف أسوأ ثلاثة.. أحيانا الكويز يكون رتن وأحيانا كونسبشوال (صح وخطأ ومن هالكلام)، وللأمانة الرتن أسهل بكثير من الكونسبشوال، الكونسبشوال فيه صعوبة. إضافات: - بعض الاساينمت والواجبات الي يحطها الدكتور تعتبر هدية بصراحة ومايبي لها شيء فلا تضيع عليك. - في بداية الترم بعض الناس قالوا إن الدكتور مايحاسبك على الحضور بس هو ترى يخصم إذا غبت، فانتبه. القريد الهائي: A or +B