معيد في الجامعة Vs. ملازم اول مهندس

عليكم السلام. تقدر تكمل الماستر وانت مو معيد فيه ناس يشتغلون ويدرسون بنفس الوقت مثلا
فيه ناس من ارامكو يدرسون بالبترول بارت تايم هندسة وعادي.
اما موضوع الدكتوراه هو باقي عليه فترة طويلة واعتقد صعب الواحد يشتغل ويحضر للدكتوراه بنفس الوقت. يبيلها تفرغ.
بس ماادري اذا احد يشتغل بالدفاع والحرس عادي يدرس بنفس الوقت.

 

يبي لك تدرس الموضوع زين
هل تكمل فالجامعه و تاخذ قرض يساعدك على الزواج
او تحول للعسكرية .
حاول تتزوج هالايام لا قاعه و لا شهر عسل ولا مصاريف هههههه

 

و عليكم السلام و رحمة الله و بركاته، الاختيار بين الوظيفتين تعتمد على وضعك الحالي بشكل كبير و الرغبة الشخصية، ضروري تحسبها من جوانب عديدة، سياسية اقتصادية نفسية بالإضافة إلى وضعك الشخصي مالياً، الوظائف الأكاديمية ممتازة على المدى البعيد خاصة بعد الدكتوراة و لا تنسى فرص الابتعاث و حتى لو حصلت لك فرصة في جامعة ثانية بتكون أسهل. نعم العسكرية فيها ابتعاث و بالإمكان العودة للجامعة للتدريس بعد التقاعد منها و لكن الفرصة ليست مضمونة، العسكرية ممتازة من ناحية الرواتب في مدة أقصر، استقرار سريع و ترقيات شبه مضمونة، يبقى الاستقرار المكاني و التنقلات بين المدن و الاوضاع السياسية تتغير بشكل سريع. أتمنى للجميع التوفيق.

 

معيد وكمل للدكتوراة اذا فيك للدراسة وانسى العسكرية

 

يارجال انت فاضي للطلاب والبزران ..

روح العسكرية او الشركات الكبيرة رواتب عالية واضعاف المعيد بدلات تأمين طبي سيارة خدمات طيران تخفيضات بدل سكن او سكن كامل إدخار ترقيات اعلى عمل حقيقي وتطبيق ماتعلمته والبعد عن النظري .

وعاد انت ورغبتك للنظري او التطبيقي .

هذي لو تموت ماتحصلها في المعيد .. الشركات الكبيرة ماتوظف الماستر الا نادر جدا وغالبا تقبلك بالبكالوريوس وماتهتم بالماستر .

بالتوفيق

 

لو كنت في مكانك لاخترت الاعادة واكمل دراسة.

فرصة اكمال الدراسة ما تتفوت ولو توظفت في العسكرية راح تتمنى فالمستقبل تتوفر لك فرصه تمكل دراسة برا وما راح تحصل.
العسكرية لو دخلتها غالبا انتهى الموضوع، راح تكمل عسكري طول عمرك. وانك تفصل من العسكرية وتحصل مجال وظيفي ثاني صعب حتى لو ماكنت مرتاح.
وغير كذا عندي تحفظ على بيئه العمل في القطاع العسكري وتأثيره على تفكير الشخص وثقافته على المدى الطويل مقارنة بموظفين الشركات او الاكاديميين، بس ما ودي ازعل احد

لكن لو اخذت الماستر والدكتوراه واشتغلت كم سنه فالجامعه وحبيت تتطلع فبتحصل الف شركة وجهة تتمنى توظفك عندها كمستشار او باحث او في منصب اداري.


العسكرية طريق مغري وسهل للراتب العالي والراحه لكن الدراسة استثمار في نفسك لبعدين و ما راح تندم عالدراسة ان شاء الله.

بالتوفيق.

 

اخوي لو سمحت بسالك من تجربتك كم تقريبا راتب المعيد وماهي البدلات وبما انك ذكرت انها جامعة مرموقة فاكيد انها مب جامعة ناشئة وشكرا

 

استخير وما خاب من استشار علماً ان فيه توجه لتحويل اعضاء هيئة التدريس الى نظام العمل ( عقود سنوية )

 

ماراح يأثر على الآمان الوظيفي كثير ، والكلام صار له مدة ( تقريباً من ٢٠١٥ ) ولا طبقوه إلى يومك هذا

 

لايحق لك ابدا ان تستنقص من العسكرية .

فهؤلاء من يسهرون ليلا ونهارا لحمايتنا وحماية بلدنا في الحد الجنوبي وحماية ومساعدة الناس وتحقيق الأمن وخدمة الحجاج و المعتمرين وتجي تقول ثقافة .

لابد ان نحترم كل الوظايف .

بالتوفيق

 

احس كل واحد بيعطي الخيار الى يناسبه سواء عسكرية او معيد. مثلا انا من ناحيتي حاستمر معيد و انا مغمض عيني ولا حتى بفكر دقيقة وحده, لاني عارف انا وين راح ابدع و ايش رغبتي ايش الوظيفة الى راح تسعدني نفسيا, بغض النظر عن الفرق المادي بين الوظيفتين.

انت فين تشوف نفسك؟ اي وظيفة بترتاح لها اكثر؟ اي وظيفه بتبدع فيها اكثر؟ بعد كذا شوف اي وظيفة بتنفعك ماديا اكثر؟
هل انت مستعد تقرا كتب و تعمل ابحاث و تصحح اوراق الطلاب وكذا؟ هل انت تقدر تتحمل الضغط في العسكرية و التعامل مع اصحاب المناصب ولا؟ او على حسب ايش الاهم بالنسبه لك يعنى فرق الف ريال بيفرق معاك انك تترك شي تحبه الى شي اخر او لا؟

احسبها صح و ان شاء الله تتوفق

 

الموضوع يعتمد عليك وعلى شخصيتك و طريقة تفكيرك ونظرتك للحياة.
بالمختصر..

اذا انت راعي نفس طويل, فالوظائف الاكاديمية مناسبة جدا لك.

اما اذا انت لا, تبحث تطور سريع ( يعني تبي تبني حياتك بشكل سريع ) فالمجالات الاخرى بتناسبك اكثر.

نقطة مهمة جدا: بما اني عندي تجربة كبيرة في الابتعاث.

الوظائف الاكاديمية راح تلزمك بالابتعاث, لذا الابتعاث يستلزم منك تقديم تضحيات كبيرة من شتى السبل الوسائل عشان تحقق اهدافك.