وظيفة في شركة مقاولات

انتبه ممكن فيها تحايل

 

من الاخر اقولك بحكم خبرتي في المشاريع انها " سعوده " بس بـ طريقه نظاميه بـ معنى اخر راح يكون الشغل على الاجانب وانت مجرد صوره موظف تداوم عادي بس ماراح يعطونك مهام
ولا راح يثقون فيك لو تقعد سنوات معاهم ..

كنت شغال في احد مشاريع ارامكو وشفت اغلب شركات المقاولات المهندسين السعوديين فيها مجرد " صوره " يداوموا وعادي لكن مالهم اي دور في الشغل
لكن بما انك حديث تخرج انت ماعندك خيار فـ اكيد وافق وابحث عن الافضل لين يجيك احسن من قعده البيت اكيد

 

عليكم السلام وحيّاك سعد

أنصح يكون قرارك مبني على أشياء تهمك وتخدم مسيرتك العملية فمثلا لو رغبتك بإدارة المشاريع أو الإنشاءات فأكيد بتضيف لك.
وموضوع السعودة شيء طبيعي (نظام والشركات بتستفيد من توظيفها لسعودين) ولكن صحيح قد ما يكون فيه اهتمام بتطويرك ولكن الأكيد إجتهادك وحرصك بيعود لك بالمنفعة سواء معاهم أو مع غيرهم مستقبلا.

مجملا العرض ضعيف ولكن تفاوض معاهم على الراتب وساعات العمل.

وفالك التوفيق.

 

انت توظف سعوده مش امورك اول سنتين للمهندس تعتبر غير مهمه الشركات ماتدقق عليك من ناحية المقابلة والخبرة يعني توظف فيها وبنفس الوقت قدم على شركة غيرها
انا كنت متوظف سعوده بإقل من راتبك وقعدت معهم سنة ونص للامانة مااستفدت كنت مهندس صورة بدون مهام اول شهرين كنت ملتزم بالدوام بعدين سحبت عليهم بدون دوام هههههههههههه بس الصراحة جمعت منهم مبلغ حلو وكنت وقتها اقدم على شركات ثانية وحاليا توظفت بشركة غيرها براتب دبل الحمدلله هي تفيدك ترا السعوده من ناحية انها تكون مسجله بالتأمينات واذا جيت تسوي مقابلة مع شركة ثانية لا تقول لهم انك كنت سعوده احفظ لك كم كلمة ولانك حديث تخرج الى 3 سنوات خبرة ماراح يدققون عليك يعني اقبل العرض وانت مغمض
والله يوفقك

 

انا كنت اشتغل بشركة براتب 4 الاف

وكان التوظيف سعودة ولا يبوني اتدخل في شي

لكن كنت اتدخل واعطي ملاحظات واقدم شكاوي وكل يوم اسوي مشكلة موثقة بالصور ههههه الين ارسل صاحب الشركة نفسه ايميل يقول فيه ( نوظف مهندسين ولا نشوف منهم تطوير في العمل ) ونقلني لقسم ثاني و يوم رحت القسم ثاني جلست ساكت فترة الين انتهى العقد ورفضوا يجددونه هههههههه

طبيعي اني اتصرف بهالطريقة دامك تعطيني 4 الاف !!!!

ان كان الشغل باوبر كم مشوار تحصل 100 ريال باليوم يعني 3 الاف بالشهر وش اللي بيخليني مجبور اصبر على قرفهم ؟

انا قلت لاحد المدراء بالشركة اعطوني 8 الاف و اوعدكم اني اصير رجل كرسي واستمر معكم سنين قالوا حنا ما راح نجدد عقدك وانت تطلب زيادة بالراتب ؟ هههههههههههههههههههههه

انا ما اصبر الا في حالتين

الحالة الأولى : راتب مجزي حتى لو كنت رجل كرسي بالشغل

الحالة الثانية : راتب ضعيف لكن خبرة في مجال مطلوب بشدة

اما راتب ضعيف و تهميش ومجال معفن وش الفائدة !!!