توظيف المهندسين حديثين التخرج عن طريق طاقات ... حقيقه ام وهم

الشركات الصغيرة ماترد عليك اذا قدمت بالموقع حقهم التقديم اليدوي افضل

الشركات الكبيرة هي اللي ترد عليك من الموقع بس ماتقبل اليدوي .. اتمنى وصلت الفكرة

 

نعم هناك الكثير حصل من طاقات ..

ماجاك رد لان مو انت الوحيد اللي مقدم ..

فيه ترشيح مبدئي وووو .

 

اذا انت مهندس كيميائي قدم بالشركات ..

ارامكو سابك صدارة الخ اتوقع حاليا ساتورب عندهم توظيف والتصنيع الوطنية .

 

أنا مثلك قدمت على كل عرض وظيفي و اخر ٦ أشهر أغلبها وظائف تمهير ولا أحد در منهم. ولا أضن أنهم أصلا يطلعون على الطلبات الي من خلال موقع طاقات. لأسباب كثيرة أولها أني أقدم بطاقات من ثلاث سنوات ولا مرة جاني رد منهم. ثاني شيء ان نفس الأعلان ممكن تحصل له تقديم خارج طاقات ! و الشيء الي من تحليلي ماله مصدر ان موقع طاقات معطوب أنا أقعد ساعتين لجل يفتح معاي فصاحب العمل أتوقع لو جاء بيدخل طاقات لجل يشوف المتقدمني ما يفتح معه فيلتفت للأشخاص الي قدموا من خارج طاقات.

طبعا ممكن أعطي أمثلة كثيرة توضح لكم ان موقع طاقات عتيق جدا ويبغاله تحديث جذري. فيه نقطة نسيت اذكرها وهي رغم أن الوظيفة من خلال برنامج تمهير الي مكافأته ٣٠٠٠ تدفعها الدولة الا أنك تحصلهم طالبين شخص او شخصين ؟ الفكرة من تمهير أن الخريجين يكتسبون خبرة لكن أشوف أن الشركات تعاملها كأنها وظيفية فعليه ! طيب ليه مايخظ ١٠ يدربهم ؟ شيء ما حصلت له تفسير

النقطة الأخيرة الي بقولها لك يا صاحب الموضوع اذا تقدر رح لمكتب طاقات أعرف كثير توظفوا او أنظموا لبرامج تدريب تابعه لتمهير من خلاله. للأسف مدينتي صغيرة ولا فيها فرص كثيرة

الله يوفقك ويسر لك أمرك و يوفقني وياك للوظيفة الي تعيننا على طاعته

 

فيه شي ملفت بالمشاريع الجديدة (نيوم وغيرها): يعلنون عن وظائف عبر تمهير.

 

انا بعلمك اللي حصل معي لانه ممكن نفس مشكلتي تكون ماتدري

كنت مسجل بطاقات لمدة سنة وماكان فيه رد لما اقدم على الفرص المطروحة، رحت لمركز طاقات بالدمام وشرحت لهم مشكلتي واخذوا بياناتي وقالوا بنتواصل معك. تواصلوا بعد فترة وعلموني انه ملفي كان مسجل بالسيستم القديم والحين حطيناك بالسيستم الجديد (هذا الي فهمته منه). بعدها بفترة قريبة بدت الشركات تتواصل معي على برنامج تمهير ووحدة منهم ماسووا مقابلة وعلى طول دخلت تدريب معهم. حاول تجرب هالطريقة لانك مو خسران شي واهم حاجة انها احسن من قعدة البيت. ان شاء الله افدتك اخوي وبالتوفيق.

 

انا قدمت على اكثر من 800 وظيفة عبر طاقات

جاني طلب مقابلة شخصية مرة وحدة وسافرت الى منطقة بعيدة اخرى ولقيت 38 مهندس متقدمين معي على شاغر واحد في شركة مافيها سعودي الا السكيورتي اللي واقف عند البوابة ، المتقدمين متخرجين من شتى الجامعات المحلية وفيه واحد منهم متخرج من استراليا وقادمين من كل المناطق

وبعد انتهاء المقابلة لم تتواصل معي الشركة

ادراج اعلان في موقع طاقات شرط لاستخراج التاشيرات لجلب الاجانب ، هذا هو الهدف من الاعلان وليس وجود وظيفة حقيقية لك

هذا نظام طاقات واللي يترك الاعلان الى ان تنتهي مدته ولا يرد عليك ويجيب اجنبي بالنهاية اكثر انسانية ورحمة واقل نذالة وخسة من اللي يخليك تتمرمط وتجي عنده وتتكلف لمقابلات صورية سيئة النوايا

وتعرف من اللي اكثر خسة ودناءة منهم اجمعين ؟

اللي يحط المشكلة فيك ويقول لك حسن سيرتك الذاتية و طور مهاراتك

 

طاقات برنامج بطل وممتاز جدا في حال انه تطبق بشكل صحيح ، كأن المسؤول الي سواه قال انا سويت الي علي وخلاص واهمل دور كبير اللي هو المتابعه والمراقبة بشكل دقيق وتطويره بشكل فعال عشان يخدم الباحثين عن العمل وهو ماتطبق حتى ١٠٪؜ فقط خلال السنوات اللي من تم إنشاءه حتى الان ، شي مؤسف والله الكثير من حديثي التخرج كان مفروض يستفيدون منه لكن سوء المعاملة وسوء التطبيق وسوء المراقبة جعلت من هذا البرنامج ، برنامج رديء والكل يتشكى منه.
انا بالبداية كان عندي أمل اني اتوظف منه او القى تدريب عن طريقه لكن بالنهاية لقيت الميزة الي خلتني استفيد منه وهو التقديم على حافز بالنهاية تدريجياً حطم أمالي هالبرنامج أمالي فقط ب كفاءة البرنامج وللاسف ليست منصة جيدة للحصول على وظائف بل فقط لتضيعة الوقت

 

اشوف الان الشركات توفر تدريب ببرنامج تمهير اللي 6 اشهر و تاخذ راتب من هدف
و انبه الشباب تاكد من انهم بيشغلونك مو سعوده لانها فرصه وحده اذا راحت عليك خلاص

 

يمدحون العسكرية نتيجة شح الوظايف

 

اغلب الشركات تطلب ىخبرة طبيعي عدا رامكو

والخبرة تكون بمجال معين مما يزيد التعقيد اكثر .

 

الوظايف حاليا صعبة للغاية .. اقولها بكل صراحة .

 

نعم واللي مو عاجبه بكيفه

حاليا مستقبلك ياعسكرية يا عطالة

 

هذا مجررررررم بكل صراحة اللي يقلك المشكلة فيك زبط ال cv او خذ دورات هذا مجررررم دنيء بصراحة .

إجرااام بلا نقاش .

 

طيب واللي عمره تعدا العمر المسموح للقبول في القطاعات العسكرية وش يسوي ؟ هل انت مقتنع بهذا الامر اذا مقتنع كيف اقنعت نفسك ؟

 

يابن الحلال يخفف دم

متغير ما اعرف وش اللي جاه معظم كلامه من تالي سخرية وليست جادة

اخاف جاه شي