لاي استفسار عن الدسمس او التحذيرات الاكادمية [هنا]

السلام عليكم ورحمة الله وبركاته . جاني ديسميس ل 192 والحمدلله على كل حال .
أنا ما أبي أسجل صيفي وأبي أعيد قبولي ل201 . سؤالي : لو ما أخليت طرف من السكن أبي أبقى بالغرفة عادي ولا بيصير روميتي فرادى تلقائي ؟
وعادي لو أخرت إعادة القبول الى نهاية 192 ؟

 

السلام عليكم ورحمة الله وبركاته

شهر مبارك يا اخوان

معدلي التراكمي ١.٨٤ معدلي الفصلي ل١٩١ كان أقل من واحد فاوقفت عن الدراسة للفصل١٩٢..وكنت قد اوقفت في صيف ١٨٣ واعيد قبولي ١٨١...قدمت طلب اعادة قبول للفصل الصيفي هذا ١٩٣ والرد في الصورة المرفقة:


هل حصل ان طُرد الطالب من ثاني دسمس فورا؟!
ارجو الافادة والنصيحة بماذا يجب ان افعل؟

 

اولا ان شاء الله تعلمت من الدرس و الحمدالله على كل حل
عليك تروح الجامعة و تقابل العميد و تشرح له وضعك و الظروف اللي تسببت في نزول مستواك
هم راسلين كذا عشان يشوفو ردت فعلك اذا تبي تستمر قابل العميد الشهراني و ما بقصر وياك وطارد و خلك حريص
و برجعوك ان شاء الله اهمشي تصير عندك ثقة بنفسك و تتعلم من الاخطاء

 

الله يجزاك خير...المشكلة حاليا مافي دوام..كل شي على الايميلات

 

مشكلة على الايميل يمكن يرد عليك معاوية و هذا الشخص تعامل سيء
و عايدي يعطيك بلوك
اذا هو بعده مدير

 

لا لا معاوية راح وجا بداله واحد دوسري زي العسل الله يسعده

 

السلام عليكم ورحمة الله وبركاته
تحياتي لكم جميعاً واتمنى تكونون بخير ومحبيكم

قدمت طلب اعادة قبول اليوم وكان الرد كما في الصورة:
بعد كم تظهر النتايج تقريبا ؟

 

فيه شباب كثير ظالمين معاويه.

اتفق معهم ان اسلوبه ناشف شوي وقوه تزبيد وشخصيه كاش للصاجه.

بس والله العظيم من ناحيه البزنس متساعد ويحاول يلاقي حل للطالب ويسمع الشخص للآخر وله افضال كثير علي وعلى غيري يشهد الله.

وميزته قلبه ابيض، يعني ممكن تتضارب معاه الآن بكره ينسى ماكانه صار شيء، مو مثل بعض الناس يشخصن ويحقد على الطلاب.

 

السلام عليكم ورحمة الله وبركاته
صباح الخير عليكم اخواني

اخوكم تخصصه ME وهذا الترم (٢٠١) هو اخر ترم له فالجامعة، معدلي التراكمي فوق ٢ لكن معدل التخصص ١.٧٩
ومن شروط التخرج ان يكون المعدل التراكمي والتخصص ٢ او اكثر.

حاليا مسجل ١٤ ساعة ME (وهي اللي باقي لي عالتخرج من مواد التخصص) و مادة برا التخصص.
ووضعي في المواد ابدا ما يطمن وفيه مواد ممكن اخذ فيها D او C يعني معدل التخصص الفصلي مابيكون عالي ولا راح يرتفع التراكمي للتخصص الى ٢.

حالتي ما يعلم بها الا الله وما ادري وش بيصير بالضبط.
اي واحد مر او يعرف احد مر بنفس الحالة يفيدني.

الله يوفقكم ويسعدكم

 

ما قدرت هالترم .. كمل ترم ثاني وثالث وين المشكلة عندك

 

حاول ترتب مع دكاترتك من الحين، هذا آخر ترم لك ماتوقع بيكونون صارمين للدرجة هذه واهم شي معدلك التراكمي اعلى من ٢ ، ما ادري بس معدل التخصص مو مهم نفس التراكمي فاحتمال يتقاضون عنه1 لكن تفاهم مع دكاترتك من الحين وتواصل مع القسم حقك وادارة القبول عشان ماتتوهقرفي النهاية. وشد حيلك اخذ كل شي حياة او موت خلاص ماباقي كثر مامضى، اعطي كل اللي عندك.

 

كل مازدت ترم بيصعب الموضوع اكثر لان الساعات الكلية بتزيد.

 

الله يجزاك خير ويبيض وجهك، ذا اللي بسويه إن شاء الله.
هل مر معك احد بنفس الحالة؟

 

فيه نظام recalculation ماعندي معلومة عنه لكن هذا يمكن يفيدك

 

تعرف احد او جهة اقدر أسألهم عن هالموضوع أخوي؟
بيض الله وجهك

 

السلام عليكم ..
ترم ١٨٢
معدل فصلي = ١.٢ معدل تراكمي =١.٦
وجاني دسمس عن الصيف وانقبلت ب ١٩١ قبول مشروط

١٩١
معدل فصلي ١.٩ معدل تراكمي =١.٦٨٨
جاني دسمس على ١٩٢ والفصل الصيفي ماكان فيه بسبب كورونا .

٢٠١
لو جبت معدل فصلي بحدود ٢.٤ وهو مشروط علي ٢.٥ .. لكن التراكمي بيكون فوق ١.٩ هل راح اخذ دسمس ؟

 

لا تنزل عن معدل فصلي 2.4 واذا حققته رح كلم مدير القبول بدل المسجل وبيمشيها لك

 

جبت ٢.٤٦ ومعدلي العام ١.٩ .. هل راح اكمل ولا خلاص ؟

 

امورك في السليم لا تخاف