الدكتور حبيب جدا .... لكن لازم تبذل مجهود معاه

درست معاه me204

عموما الثيرمو .... لازم تحل الهوموركات بنفسك و تفهمها كويس

 

شوفوا ياجماعة الخير

ثيرمو تو ما تحتاج شرح لان اغلها حفظ وبراكتس

الرجل بيريحك طوال السمستر تجي اخر دقيقة يحضرك تلعب بالجوال تحل هومرك تذاكر ما يقول شي

تصحيحه جميل جدا جدا

والقريد عنده اكثر من حقك

 

بنود التقييم :
ME204,,,S122

التحضير :
يحضر يوميا وينادي بالاسماء وبس عليك تقول يس
طريقة الشرح :
أول ما حضرت معاه كنت أكتب والصراحه الرجال شرحه سرييع جدا,,لدرجة اني كنت أطلع من الكلاس ويدي تألمني من زود الأشياء اللي كتبتها,,,بعدها انضميت للشباب في التطنيش وبديت الحضور الجسدي..
الكويزات :
سوى لنا 3 والصراحه كويزاته متعبه نوعا ما وطويله,,بس تصحيحه حلو
المياجر:
الصراحه مياجر هالماده سهله والدكتور تصحيحه مثل العسل...بس تطنيشي للماده خلاني انصفع في ميجر تو(كلاس تست) وميجر 3
الفاينلات :
فاينل الماده طوو(طوووووويييييل)وويل"أعتقد تكفي" ويجيبوا فيه من كل شي بس مو صعب مره يعني الاسئله اللي على الشباتر اللي قبل الفاينل تجي سهله نوعا ما اما اللي بعد ماتيريال المياجر تجي أصعب شوي...

القريد النهائي:
للدكتور A,,,مع اني لعبت في الماده بس طلعت بقريد طيب من عنده,,ونصيحه لا تفوت البونص وحاول تتابع معاه في الكلاس اذا كنت ما بتكتب معاه وبتفهم..
الصوت:
واضح ويتكلم بنوع من السرعه
إضافات :
الدكتور طيب ومتعاون واخلاقه مثل العسل...وبالنسبه لتصحيحه فقط لا تخلي الورقه فاضيه وبيعطيك درجات...يعني لو توهقت في سؤال لا تخليه فاضي اكتب الحل اللي تتوقعه وبيعطيك عليه درجات

 

ME204, Semester 161

التحضير : يحضر نهاية كل كلاس بالاسامي
طريقة الشرح : يشرح الدرس على السبورة ويركز على المفاهيم >>>>الدكتور حتستفيد منه بخصوص ال,power plant cycles,refrigeration cycles, exergy
موسوعة في العلم الله لا يضره
الكويزات : اعطانا 3 كويزات الاول كان في بداية الترم والاثنين الباقية قبل نهاية الترم باسبوع
المياجر: كومون وتصحيحه لا يعلى عليه يعني تتوقع تاخذ 70 تلقاها 85 >>>يعطيك فوق حقك
الفاينلات : كومون ونفس تصحيح المياجر
القريد النهائي: لو فيه فوق A+ عطيته
الصوت: الصوت واطي شوي لكن خلك قدام عشان تسمع له بشكل افضل
إضافات : الدكتور ذا حبيب من اسمه,اخلاق واسلوب في غاية الروعه+ حاول تجيه الاوفيس اذا في شي منت فاهمه

الله يرضى عليك يا دكتور محمد

 

ME204, Semester 171

التحضير : يحضر نهاية كل كلاس بالاسامي
طريقة الشرح : يشرح الدرس على السبورة ويركز على المفاهيم >>>>الدكتور حتستفيد منه بخصوص ال,power plant cycles,refrigeration cycles, exergy
شرحه مش بطال وجيد
موسوعة في العلم الله لا يضره
الكويزات : اعطانا 3 كويزات واخذ افضل اثنين
المياجر: كومون وتصحيحه خرافي بمعنى الكللممةة
الفاينلات : كومون ونفس تصحيح المياجر
القريد النهائي: لو فيه فوق A+ عطيته
الصوت: الصوت واطي شوي ولهجته مصرية ويجيب النوم
إضافات : الدكتور ذا حبيب من اسمه,اخلاق واسلوب في غاية الروعه

تعاملة يذكرني بأبوي بطيبته واخلاقه والاسلوب الفكاهي الي يطرحه من وقت الى اخر

طبعا انا سجلت عند الفرايضي لكن حطوني عنده بدال الفرايضي والحمدلله

دكتور اسطوري الله يوفقه دنيا واخره

 

ME427, Semester 172

التحضير : يحضر نهاية كل محاضرة بالاسامي
طريقة الشرح : الشرح طيب يكتب على السبوره المعادلات المهمة والي تحتاجها في الديزاين - يتقبل الاسئلة بكل صدر رحب كعادته
الكويزات : اعطانا 3 كويزات واخذ افضل اثنين والكويزات عليها 15%
المياجر: الاول كان مائل للصعوبة وطويل جدا (بالرغم اني جبت فل مارك) والافرج كان في حدود 50 فاحرص انك ما تضيع الميجر الاول مع ان عليه 15%
الميجر الثاني بصراحة كان سهل حتى خطوات الحل كانت بسيطة وواضحة لدرجة اني شكيت في حلي (مقارنة بميجر ون كان ابسط بكثييييييير)
الفاينل من وجهة نظري كان هدية من الدكتور الله يجزاه خير

القريد النهائي: A+
الصوت: الصوت ضعيف شوي فحاول تكون في المقدمة
إضافات : الدكتور ذا حبيب من اسمه,اخلاق واسلوب لا يوصفون سواء في الكلاس او المكتب

حاول تحرص على البروجكت وتسلم بروتوتايب لانه اعطى الكلاس كله صفر من 4 في البروتوتايب لان محد سلم له اي نموذج
الهوموركات حذف اسوء هومورك بالرغم ان الهومولركات عددها 5
الغيابات حذف واحد
عنده بونصات في الكلاس

ما اقول الا يزاك الله خير يبو حبيب
والي يبي شرح عن الكورس فأنا كتبت تعليق مفصل في قسم تقييم المقررات الدراسية موفقين ان شاء الله

 

ME 204
TERM 181

التحضير : نهاية الكلاس وجدا جدا متساعد بالتأخير لدرجة ان الشعب بدوا يمصخونها ويحضرون بعد ثلث ساعه , بس على اخر شهر صار يدخل ولا يلقى الا اربعه خمسه فحضر يمكن مرتين ولا ثلاث ببداية الكلاس وحط الباقين كلهم ليت وكان متضايق من اللعب الي حاصل لانه زاد عن حده.

طريقة الشرح : عنده سلايداته , بكل بساطة كان يفتحها بعدين يكتب القوانين حقت السايكل ويتكلم عنها ويحل ممكن سؤال اول سؤالين عليها , انا اول شهر كنت احاول انتبه بس صوته نبرة وحده فكان يجيني النوم ولا صرت اركز للامانة فما ادري.

الكويزات : عطانا 3 كويزات ولا رفع السلوشن حقهم وللامانة مب سهلين , واحد قبل الميجر الاول واثنين اخر اسبوع بالمسمتر واخذ اعلى اثنين (عليهم 15 درجة من مية) فكثير مره

المياجر: كومن , كانت مياجرنا كل سؤال مقسم حول 5 فقرات وكل فقرة عليها تقريبا 3 درجات فما كان يقدر يدف مرة اصلا فاشوف انه يعطي فوق حقك بشي بسيط مب زي ما قالوا الشباب فوق انه مره يدفك.

الفاينلات : كومن ولا شفنا درجته

القريد النهائي للدكتور: B+

الصوت: نبرة وحدة بس واضح ولهجته واضحة.

إضافات :
-الدكتور هذا حرفيا له من اسمه نصيب صدق انه حبيب , حتى لو انك جاي متأخر ولا مب منتبه مره وسألته بتلقاه يجاوبك بصدر رحب , كان متساعد معنا من ناحية تسليم الهومووركات وكنا اذا كلمناه اخره يومين على طول فأجل لنا وقت تسليم يمكن ثلاث هومووركات

-البروجكت حقه بسيط وعنده كلاس ياخذنا فيه لواحد من اللابات ويسوي الكود قدامك ويقول لك يالله سوه وخلصه الحين بالخمسين دقيقة , والي يخلص يسجل اسمه ويساعد اخوياه فتمر الخمسين دقيقة وكل الكلاس يصيرون مخلصين الكود حق البروجكت والرسمة الي هم اغث شغلتين بالبروجكت بمساعدته , وكان يقول لازم تسلموني اياهم الحين لانهم هم اصعب شغلتين ممكن تواجهكم بالبروجكت ولا الباقي ريبورت تسويه وخلصنا, فالبروجكت عنده سهااالات مرة وزيادة على كل هالمساعدة أجل لنا تسليمه اسبوع .

-كان يسأل اسئلة بسيطة مرة ويعطي عليها بونص كل كم كلاس سؤال ولا سؤالين , مثلا يقول لك وش الاكويجن حق الوورك ان عند البمب هنا ؟ لو انك شايف رسمة السايكل ممكن تجاوب , فلو تقرا قوانين السايكل قبل الكلاس بالغالب بتاخذ اكثر من بونص عنده.

-الغيابات كان قايل لنا لكم 3 غيابات مسامحين فيهم ويوم جاء اخر يوم بالسمستر قال لنا بحذف 5 مب 3

-ما ادري كم جبت بالفاينل بس القريد الي اعطاني اياه احسن من الي كنت اتوقعه الله يجزاه خير

 

by whatsapp
سم الدكتور : محمد حبيب
المادة: me 204
الفصل الدراسي:191
بنود التقييم ⬇⬇⬇
اخلاق عاليه جدا شرحه ممتاز الى ابعد حد خصوصا في السايكلز ويربطها دايم في الحياه الواقعيه وايضا كان شرحه في ال reaction فنان لكن بالنسبه ال exergy و ال air conditioning ماكنت مركز معه ولا اتوقع انه شرحه زي ما شرح السايكلز
التحضير : اول الكلاس بعدين ليت
طريقة الشرح : سلايدات واضحه ومسائل يحلها ع السبوره
الكويزات : ٣ كوزات ياخذ افضل ٢
المياجر: يهتم بالطريقه فاذا الطريقه صح والناتج غلط م يخصم واجد
الفاينلات : كومن
القريد النهائي: A+
الصوت: واضح
إضافات : يعطي انشطه عليها بونص وممتعه لا تفوتها

 

ME204 - 192

والله من افضل الدكاترة اللي درست عندهم في الجامعة اخلاقا

نص الكورس حضوري والاخر عن بعد بسبب كورونا
يحضر اخر الكلاس
كويزاته : متوسطة
الكورس هذا عبارة عن نزل عند افضل دكتور يعطي درجات والمذاكرة من مقاطع محمد شايع القحطاني ع اليوتيوب
البروجكت عطانا كل شيء نحتاجه من عمليات ورسم بس اللي عليك تمليه كلام

 

ME204-202
(Online)

التحضير :
يحضراخر الكلاس

طريقة الشرح :
يستخدم سلايداته وشرحه جيد بس ما كنت اعتمد عليه كنت اعتمد على شرح القحطاني

الكويزات :
يعطيك ثلاث كويزات متوسطة الصعوبة وياخذ افضل اثنين. الطريقة ذي اشوفها مزعجة نوعا ما لان الكويز الواحد وزنه عالي كان تقريبا 8 بالمية عالكويز الواحد فنصيحة لاحد يجيب العيد فيها.

المياجر: ميدتيرم وهو اللي سواه وكان متوسط الى صعب شوي واعتقد انه مايغير الاسالة ممكن بس يغير الارقام فاذا طحت على اختباراته القديمة فرصة.
الفاينلات :هو اللي سواه وكان صعب والله كان متروس فقرات لين خشمك السوال الواحد فيه ثلاثة اسالة.

القريد النهائي:ِ+A

الصوت: واضح ومفهوم

إضافات :
الدكتور اسم على مسمى ومتعاون مع الطلاب بشكل كبير من ناحية الشرح وتاجيل الكويزات والواجابات . تصحيحة ممتاز واذكر اني جيت ناقشت معه الميدتيرم وكان فيه اشياء غلطان فيها هو وزودني تقريبا 7 درجات. يكرف شوي الصراحة من ناحية الاسيمنتات واحيانا يطلب منك اشياء مثل مقاطع وشروحات ويعطيك بونص عليها. انصح فيه وبشدة اذا لقيته لا تفوته.