الحميدي ^^^^

 

كيف الدكتور ف التصحيح ؟

 

الحميدي يمدحونه في كل شيئ تصحيح وشرح وكل شيئ دكتور..... فاهم وبعطيك حقك ويمكن اكثر بس ماراح يظلمك

 

Math 202 - 161

التحضير :
بداية السمستر كان التحضير بورقة تمر عالطلاب لمدة اسبوعين الى شهر ما اذكر بس بعدها صار مايحضر

طريقة الشرح :
عنده نوت خاص فيه ممتاز وشامل تقريباً. يكتب التعاريف بداية كل سكشن وبعدها يبدأ يحل الاسئلة اللي بالنوت
بعض الاسئلة تحتاج تكتب حلها او تصوره لان مب كلها محلوله
طريقة شرحة هي الافضل بالنسبة لي لانه يعلمك البروسيجر وتمشي عليه ومايتفلسف فيه واجد

الكويزات :
عطانا 6 وخذ افضل 5
الاسئلة من متوسطة الى صعبة بس تراها مهمة
جانا سؤال في الميجر نصاً من الكويز

المياجر:
كومن

الفاينلات :
كومن

القريد النهائي: +A

الصوت:
واضح جداً ولغته سهلة

إضافات :
الدكتور افضل دكتور مر علي في قسم الماث كله شرح واخلاق ماشاء الله تبارك الله
شرح وتصحيح ممتاز، افرج كلاسه من اعلى الافرجات
الهومورك مايدقق عليه ولا يهمه قليل اللي طلب مننا نجيب هوموركات
وفي الاخير الكلاس وورك بيضها ماقصر معانا
اذا منزل كورس غير 202 بنزل عنده بدون تفكير
يعجبني الدكتور الي يعطيك اللي يفيدك ولا يلخبطك بكثرة الاكسسوارات
لان الكورس نفسه فيه طرق حل كثيرة بس لو فهمت معاه من البداية بتعرف كل شي وين تستخدمه
نقطة ايجابية للدكتور سوى قروب Whatsapp واضاف طلاب السكشنين وصار يجاوب على الاستفاسارات في القروب ويطرح اسئلة والكل مستفيد، اضافة على انه يحط حلول بعض الاسئلة الي يحلها مع حلول الكويزات

بالتوفيق

 

Term 162 MATH 202

التحضير :
نادر جدا ، وإذا حضّر يمرر ورقة التحضير بداية الكلاس وكل واحد يحط صح عند اسمه.

طريقة الشرح :
شرح كامل على السبورة. يبدأ المحاضرة بذكر الأشياء اللي بيشرحها بشكل سريع. يتكلم عن المفهوم الأساسي ، يشتق القانون -أحيانا- قدام الطلاب ، ويحل مسائل كثيرة على كل نقطة.
اللي ما يحب يكتب بيرتاح مع الدكتور ، النوتات كلها على البلاك بورد جاهزة ، لكن خذ معك دفتر لأنه أحيانا يضيف سؤال اولد اقزام على النوت أو يسوي تعديل معين عليها. مرات يحل بطريقة مختلفة عن النوت فتحتاج تسجلها معه -خصوصا في تشابتر ٦-.
شرح رائع جدا ، خلّص المحاضرة وراجعها في نفس اليوم وتقفّل على الدرس -بعدما تتدرب طبعا-.

الكويزات :
اعطانا ٤ كويزات ، مستواها متوسط. الأسئلة يجيبها من الأولد اقزام وأسئلة الكتاب. أعطى كويز اختياري خامس للي يبي يحسن درجته وقال بس باخذ أفضل أربعة.

المياجر:
كومون ريتن. تصحيحه ممتاز جدا.

الفاينلات :
كومون ريتن ، ما اختبرنا للحين.

القريد النهائي:
+A

الصوت:
صوت واضح ومسموح ، أغلب الشرح بالانجليزية.

إضافات :
١. د. بدر الحميدي من أفضل الدكاترة اللي درست عندهم خلقا وعلما. غير إنه فاهم ويعرف كيف يوصل المعلومة للطلاب في أبسط صورة فهو قريب منهم ويسولف مع الطلاب ، وقلبه على الطالب أكثر من الطالب نفسه. مواقف شفتها بعيني هالترم أثبتت هالشيء.
٢. الدكتور يتضايق من الطلاب اللي يتأخرون حتى لو هو ما يحضّر ، ونفس الكلام عن اللي ما يركزون معه في الشرح أو يستخدمون الجوال.
٣. ممكن السلبية الوحيدة في الدكتور هي واجباته -وهذا طبعا في ماث ٢٠٢-. كل اسبوعين إلى ثلاثة أسابيع تقريبا يعطينا ٣-٤ سكاشن في هومورك واحد ، نحل كل الأسئلة المذكورة في السيلبس لكل سكشن ، فيطلع لك هومورك أبو ٢٥-٣٠ سؤال ، ويحتاج حوالي ١٥ صفحة A4 عشان تخلصه. هو يفيدك كتدريب لكن اللي يؤجل كثير وما يحل الأسئلة أول بأول بيتراكم عليه.

ختاما ، إذا يحصل لك تاخذ كل كورسات الماث مع د. بدر الحميدي ، أنصحك ما تفوّت هالفرصة.

 

التحضير : لا يحضر غالبا
طريقة الشرح : لديه notes يرفعها على Blackboard يكتبها على السبورة ويشرحها لك بهدوء ، يحل تمارين أيضا.
الكويزات : مباشرة (سهلة)
المياجر: ..
الفاينلات : ..
القريد النهائي: A+
الصوت: واضح
إضافات : يصحح الاختبارات بسرعة ويسلمها لك في اليوم الذي يلي الاختبار.
أرى أن notes أفضل من الكتاب. سهل فهمه وبدون لت وعجن مثل الكتاب.
مهتم بأن يكون الطلاب منتبهون معه.
لطيف دائما وظريف ظرافة محمودة.
الجميل فيه أيضا ، يعطيك تصور كامل عن المادة ويحددلك هدف كل section ويربطها لك مع سكاشن الثانية بتوضيح أهداف كل سكشن.

 

Math 101 ... Term 171

التحضير : في البداية كان يحضر وفي النصف الثاني من الترم ما صار يحضر .. طبعا التحضير كان عبارة عن ورقة تلف على جميع الطلاب .. أنصحك بعدم الغياب لكي تحصل على أكبر قدر ممكن من البونص في الكلاسورك

طريقة الشرح : ممتازة .. يحل العديد من الأسئلة ذات أفكار متعددة .. يستخدم السبورة كوسيلة أساسية للشرح .. طبعا شرحه مرتب على السبورة .. أغلب شرحه من النوتة حقته ( يفضل إحضارها لكي لا تضطر لكتابة الأسئلة ) .. طبعا فيه أسئلة متجددة من خارج النوتة .. لكن 90% تقريبا من النوتة

الكويزات : صعبة .. تحتاج إلى مذاكرة جادة .. أذكر أفرج الكويزات كان أقل من 50% .. لذلك أضطر الدكتور إلى زيادة الكلاسورك لكل طالب بشكل كبير في نهاية الترم

المياجر: كومون

الفاينلات : كومون

القريد النهائي: A

الصوت: ممتاز

إضافات : دكتور مميز كشرح وكأخلاق وكتعاون .. لكن المادة تحتاج إلى كمية عالية من الممارسة .. لذلك اللي بتأخذه في الكلاس مهما اختلفت أفكار الأسئلة غير كافي .. طبعا أي إشكالية تواجهها في أي سؤال الأستاذ ما راح يقصر معك في حلها .

 

اسم الدكتور : بدر الحميدي
المادة:Math 101
BY WHATS APP
الفصل الدراسي:191
بنود التقييم ⬇⬇⬇

التحضير : والله ما كان طول الترم يحضر كان بس يحضر يوم الخميس
طريقة الشرح :يشرح على السبوره وصراحة الي يحب يكتب مع الدكتور بيستفيد منه لانه يرتب شرحه وكذا ف سهل عليك للمراجعه
الكويزات :كانت والله متوسطه تميل لصعوبه
المياجر: كومن
الفاينلات :كومن
القريد النهائي:A+
الصوت:واضح جدًا
إضافات : الدكتور بدر من افضل الدكاتره بالجامعة ويحاول انه يفيد الطالب ب اي شكل كان الشيء السيء الوحيد ان عنده سكشن واحد بس كل ترم

 

math 101-201 (عن بعد)
التحضير :ما يحضر الا نادر يقول اكتبو رقم مرات بس لكن نادر
طريقة الشرح :يكتب السؤال في الون نوت ويحل وتكون المحاضرة مسجلة
الكويزات :كويزاته كانت صعبة الافرج حق السكشن كان 30% في البدية كانت تفتح الكاميرا بعدين صارت لا,وارتفع الافرج ( معلومة بس اذا ما حليت في الطريقة اللي يبغاها وما طلع الجواب صح بيعطيك خطاء حتي لو حلك صح بس جوابك خطاء واذا كان جوابك صح بيشوف حلك عشان يخصم عليك)
المياجر: ما كان فيه ميجر بس اسسمينت واحد و ميد
الفاينلات : كومن
القريد النهائي: D+
الصوت:واضح بس مرات يتكلم عربي ومرات يتكلم انجليزي فا تلخبط شوي
إضافات : الدكتور هذا الاغلب مدحه بس ما شفت منه شي بصراحة يبشر بالخير لا شرح كنت فاهم عليه يمكن عشانه عن بعد لانه شرح في الاونلاين كورس احسن بكثير من شرحه عن بعد وكان تعامله سيئ مع الطلاب مرات لمه احد يسأل يقول "ما درست هذا قبل؟! هذا من 001 " الشئ الوحيد اللي سواه زين هذا الترم انه يسوي هيلب سيشن كثيرا لكن مراح تفهم عليه لانه شرحه مب نفس المستوئ اللي كان يقول عليه ( عن بعد).

 

Term 211|Math-201
التحضير : ما يحضر لأنه يثق في الطلاب
الشرح: أفضل دكتور في الشرح من يوم دخلت الجامعة
التصحيح: ممتاز و يعطي كل واحد حقه
التعامل: طيب جدًا و خلوق و يحاول يساعد الطلاب قد ما يقدر و يمزح في الكلاس عشان محد يطفش من الكلاس
الصوت : جدا واضح
التقييم: A+++

 

MATH 201- Term 211
التحضير :ما كان يحضر طول الترم
الشرح : عنده نوتة على الون نوت يبدا بالكونسبت وبعدها يحل مسائل وشرحه جدا جدا ممتاز، غير انه في دروس كان يعلمنا طرق سريعة و غير موجودة الكتاب عشان تسهل عليك الحل ويعطينا عدد من المسائل من الكتاب نحلها و يسوي معانا هلب سشن قبل كل ميجر وتجي اسئلة نفس افكارها في الميجر
الكويزات :كويزاته كانت متوسطة الصعوبة ياخذ الاسئلة من الكتاب ويجيبها و تصحيحه حلو يعطيك فوق حقك حتى لو الجواب النهائي غلط، مع ذلك الافرج كان في الخمسين ودفنا في النهاية
المياجر: كومن
الفاينلات : كومن
القريد النهائي: A++++++
الصوت:واضح جدا
إضافات : دكتور بدر جدا ممتاز ويتعب في الشرح والدليل على ذلك افرج كلاسه اللي هو الاعلى في الميجر الاول والثاني والدكتور اول مرة يدرس 201 في الجامعة فإذا قدرت تنزل عنده فأنت محظوظ هالترم كان كلاسه المغرب ومع ذلك سكشنه مقفل.

 

Math 102-Term 211

يشهد الله من قوته في الشرح كنت بس اركز بشرحه في الأونلاين كورس واحضر الهلب سشن اللي يسويه، وان شاء الله الحين بطلع بقريد عالي.

الدكتور بدر الحميدي أخلاق وقوة في الشرح ، والأخوة فوق ما قصروا في التقييم.

 

Math 101-Term 213
والله ما يحتاج اقيمه حتى الرجل أشهر من نار على علم
اذا شفته اترك الكل وسجل عنده خوش قطيفي

التحضير : عن طريق ورقة تتمرر على كل الكلاس, واحيانا ما يحضر, لكنه متشدد على سالفة التأخير بس طيب فيمشيها احيانا, وتقدر تكلمه واتساب اذا تعطلت وما قدرت تحضر وبيمشيها لك اذا عذرك مقبول

الشرح : عنده نوتة على الون نوت يبدا بالكونسبت وبعدها يحل مسائل على السبورة وشرحه جدا جدا جدا ممتاز، وكان يعلمنا على الاسئلة الي بتجي في الميجر وبأي صيغة بتجي وحقا كان كلامه صحيح

الكويزات :كويزاته كانت متوسطة الصعوبة وتصحيحه حلو يعطيك فوق حقك حتى لو الجواب النهائي غلط

المياجر: كومن

الفاينلات : كومن

القريد النهائي: A+

الصوت: واضح جدا

إضافات : دكتور بدر جدا ممتاز وطيب وخلوق ويتعب في الشرح ويجاوب على جميع الاسئلة المطروحة في الكلاس ولما اقول جميع فأنا اعنيها حرفيا مهما كان السؤال غبي, فالله يعينك اذا جاك ذاك الي دايما يسأل اسئلة غبية ويضيع الوقت ههههههه