كلاس ممل
شرح ممل
مافي حل مسائل (حتى لو كانت ممله)
حتى وهو يحضّر ممل
تصحيحه ممل وغريب

لكن الشهاده لله باين انه تهمه مصلحه الطالب بس الماده ممله جدا بطبعها

 

ME-322 term 152

التحضير :
غالبًا نهاية الكلاس ينادي على الأسماء وأحيانًا في البداية، ما يدقق عالتأخير كثير

طريقة الشرح :
سلايدات، والمادة بطبيعتها طوييييييلة وفيها حفظ كثير، بالتالي ما ألوم الدكتور إذا كان الكلاس كله كلام وشرح ممل.
ممكن ألومه في شغلة وحدة، وهي رغم أن المادة تقريبا 70% حفظ و 30% حل مسائل، لكن في المياجر والفاينال تصير المسائل تقريباً 60% و الأسئلة النظرية 40% ، بالتالي التركيز يكون أكثر على المسائل ، والدكتور ما يحل مسائل كثير ولا يركز عليها، يشوف إنها سهلة ومباشرة، وأغلبها كذلك بس لازم على الأقل الطالب يكون عنده فكرة عن طريقة الحل

الكويزات :
سهلة جدًا، تقريبًا كلها نسخ لصق من الكتاب، ويعطي تقريبا 7-8 كويزات ، وياخذ أفضل 5 ، من ناحية الكويزات ما عليه كلام أبدًا

المياجر ، الفاينلات :
كومون ، وأشوفها بالعموم سهلة ، مثل ما ذكرت أن أغلب الأسئلة حل مسائل، وأغلب المسائل ما تطلع من الهومووركات أو الأولد اكزامز، لازم تطلع عليهم قبل لا تدخل الاختبار

القريد النهائي:
A

الصوت:
واضح واللغة مفهومة

إضافات :
الدكتور ربما يكون شديد في الكلاس ، بس دمه خفيف ويمزح كثير، تصحيحه في الكويزات و المياجر ممتااااااز جدًا يعطيك فوق حقك، والمادة بطبيعتها سيلف ستدي ، أشوفه من أفضل الخيارات لهاذي المادة إن لم يكن أفضلهم

 

ME406 - 172

التحضير : يحضر نهاية الكلاس..يهتم بالتحضير...اذا تأخرت عادي تحضر بس اذا اكثر من 10 دقايق يعتبرك غايب

طريقة الشرح : الدكتور شريح وفاهم الManufacturing صح..بالStatistics جيد بعد..سلايدات ويحل ع البورد..

الكويزات : عطانا 7 كوزات خذ افضل 5.....صراحه كوزاته دايم فيها تركات ويبغالها مذاكرة ميجر..كوز واحد اللي كان في متناول الطالب وسهل الحل..

المياجر: كومن...متوسطة الصعوبه...تصحيحه وسط..ماينقصك مايزيدك...يصحح ع الخطوات وهذا شي ايجابي

الفاينلات : كومن..برضو متوسط الصعوبه...تصحيحه كان عادل نفس المياجر

القريد النهائي: اعطيه 8.5/10

الصوت: عالي وواضح..الانجلش تمام

إضافات :
الدكتور فلاوي ويحب يسولف ويه الطلاب..بداية كل كلاس اول خمس دقايق سوالف ويه الطلاب..متساعد ويه الطلاب في مواعيد الكوزات والواجبات..اجل لنا اكثر من مره ماقصر

بالنسبه لموضوع الاخلاق...ناس واجد ذمته لاخلاقه...شفت انه طبيعي...هو بعض الاحيان يفصل ع الطلاب اذا شاف انه ماحد منتبه معاه ولا يشارك...اذا سأل سؤال بيسك في الكورس ولا احد جاوب..هنا يفصل...بس معظم الوقت عادي يخش يسولف يشرح ويطلع..

by the way كلاسات واجد اخذ اكثر من وقته..عادي يجلس 55 دقيقه ولا ساعه بدل ال50 دقيقه

بالنسبه للقريدات..شفت انها معقوله...القريدنق مو عالي ولا منخفض...وسط

في النهايه شكرا له....انصح تنزل معاه

مابغينا نتخرج...Peace

 

بنود التقييم :
182
ME 406

التحضير : كل كلاس وبالغالب نص الكلاس, اول كلاس بالسمستر كان يقول الي يتأخر خمس دقايق بغيبه حتى لو اسكت عنه , مدري كان يسويها ولا لا بس هو اصلا ما يهتم بعدد الغيابات

طريقة الشرح : سلايدات ومملة ولا هي ذاك الزود وبذكر الاسباب بالاضافات ان شاء الله.

الكويزات : 7 كويزات اخذ اعلى خمسة منهم , تصحيحه سيء جدا فيهم لدرجة ممكن تعوض كل شي صح وتسوي كل شي وتغلط برقم واحد يعطيك صفر على السؤال واذا رحت له الاوفس يقول لك هذا انا ناسخه نسخ من الهوموورك فمالك عذر لو انك حال الهوموورك بنفسك كان ما اغلطت ! وتتساوى انت والي ما ذاكر.

المياجر: كومن واذا بدعت في الاول اضمن لك القريد بالمادة كلهاا


الفاينلات : كومن

القريد النهائي: F للدكتور

الصوت: عالي ومفهوم

إضافات :
-اول شي نبدا فيه ليش طريقة شرحه سلايدات ومملة , الدكتور من الي شفته واصل لمرحلة مؤمن ان الطلاب سافطينه وخريجين ولا همهم الكورس ولا همهم فهمه للاسف , لدرجة يسأل اسئلة بعض الاحيان ولا احد يعرف يجاوب تشوفه يناظر بالطلاب ويقلب عيونه ويؤشر بيده ويصفط السؤال ويروح لشي ثاني فعلاقته مع الطلاب سيئة جدا لدرجة ان الطلاب مالهم خلقه ولا هو له خلقهم فما فيه اهتمام من الطرفين واشوف هذا حاصل بسبة طريقة تعامله.

_ نجي للتصحيح , الله العالم ان الدكتور هو الي ماسك امور المادة هالترم , فالميجر الاول الي هو ستاتستكس غير ان المواضيع ماث وجديدة على الطلاب وغثيثة جدا جاب لنا الميجر درجته في الورقة من 30 ! كان على ما اخبر 5 اسئلة كل سؤال اكثر من فقرة وكل فقرة عليها ما بين نص درجة الى درجة ونص , فبما انه كل فقرة تقريبا درجة والميجر منهجه احتمالات يعني ماث , كان الله يهديه اذا جوابك غلط ما يعطيك جزء من الدرجة فكان اغلب التصحيح يا ابيض يا اسود فتصحيحه سيء جدا للاسف وانت يا فووق مره ولا تحت مره وحتى هو قالها الدرجات ما فيه وسط يا كويسين مره يا سيئين مره. الميجر الثاني كان بالورقة من 100 وللامانة تصحيحه كان زين ومنصف , الصدمة ان الفاينل كان تقسيمة الدرجات نفس الميجر الاول من 30 وكل فقرة عليها درجة تقريبا للاسف. فعشان كذا كتبت بخانة المياجر انه اذا درجتك زينة بالميجر الاول فانا اضمن لك بشكل كبير القريد بهالمادة , لان الميجر الثاني والفاينل مانفكتشرنق فاغلب الكلاس حول الافرج زي 322 وصعب تعوض.

-نجي للهومووركات الي عليها 10 درجات من المجموع وفيه 8 هومووركات , تقريبا يعني كل هوموورك كان عليه درجة وشوي , زبدة الكلام ان السلوشن الي كان ينزل لنا كان حرفيا مفقع واغلبه غلط ! وكان ينرسل للقريدر الي يصحح الهوموورك وهو مفقع ولا الدكتور داري ولا القريدر داري عن البلاوي الي كانوا ينزلنها فتنزل دايم قريدات الهومووركات للطلاب الي حالين بين 80 و60 ! ومتى نشيك على السلوشن ؟ ما نشيك عليه الا قبل الميجر بكم يوم ويبدا يرسل لنا سلوشن كل سؤال نسأله ! طيب الدرجات الي تنزل بالبلاك بورد للهوموركات والخسف الي انت قاعد تسويه وش ذنبي انا فيه اذا انا مسلم كل هومووركاتي تنقص درجتي وتقربني من نص الشعب الي ما سلموا الهومووركات ! فأتوقع لو تحسبها تلقى انك منزرف بدرجتين ولا ثلاث تقربك للافرج ولا حياة لمن تنادي

- نجي للبروجكت , اشتغلنا الين ما انكدينا على وجيهنا ببروجيكتهم الغثيث واجتماعات وحوسة وابلشونا وسلمناه على الوقت بكل شي يبيه , الصدمة عطانا تقريبا 6 من 10 , لما سألنا قروب من القروبات الي كانوا مسلكين شغلهم عن درجتهم قالوا انه عطاهم 6 من عشره بعد ! ما احط بذمتي بس اتوقع كل الشعب حول بعض

-الدكتور اتوقع عنده مشكلة جدية مع الطلاب عامة , اخلاقه اسوأ دكتور اخلاقا شفته بالجامعة , لدرجة ذاك اليوم واحد من الطلاب كان حاضر الكلاس ونام المسيكين وهو بوضعية الجلوس ( يعني ما حط راسه على الطاولة ونام قصد) قومه وقال له بالحرف الواحد لا عاد تنام بكلاسي والمره الجاية الي تنام فيها عندي بطردك من الكلاس لان هذي قلة حيا واحترام لي ! المسيكين ما حط حتى راسه على الطاولة عشان تلعنه كذا ! تسأله سؤال يرد عليك يعني شو ويعيد سؤالك باستهجان ولا يقول لك انت وس رايك ! , بيئة كلاسه سيئه جدا جدا جدا للاسف. ويجيك كلاس نفسيته حلوه وعشره لا ما تدري وش وضعه

- بالاخير ما ادري عن وضع الهومووركات والسلوشن وتقسيمة درجة المياجر بالمادة دايما كذا ولا بس بترمننا واكلناها معهم , اذا كل ترم كذا فأتوقع هذي اقل مادة بقسم الميكانيكال كله فيها احترافية بالتدريس واتمنى جديا مراجعة وضعها من جديد هي والي يدرسونها.

- من بعض تعليقات الاخوان فوق اتوقع ان الدكتور مزاجي من ترم لترم , فأنا اقول انفذ بجلدك احسن لك ولا تخليه الا اخر خيار لك ما يسوى تخاطر وتنزل عنده.

 

ME-406 term 191

التحضير :
دايم يحضر والتحضير ينادي بالاسماء بنص المحاضرة ما يدقق على التأخير كثير

طريقة الشرح :
سلايدات، والمادة بطبيعتها طويلة وفيها حفظ كثير، بالتالي ما ألوم الدكتور إذا كان الكلاس كله كلام وشرح ممل.
ممكن ألومه في شغلة وحدة، وهي رغم أن المادة تقريبا 70% حفظ و 30% حل مسائل، لكن في المياجر والفاينال تصير المسائل تقريباً 60% و الأسئلة النظرية 40% ، بالتالي التركيز يكون أكثر على المسائل ، والدكتور ما يحل مسائل كثير ولا يركز عليها، يشوف إنها سهلة ومباشرة، وأغلبها كذلك بس لازم على الأقل الطالب يكون عنده فكرة عن طريقة الحل

الكويزات :
سهلة سؤال واحد يجي نسخ لصق من الهومورك بس اذا اخطيت بشيء بسيييط مرة ولا طلع الجواب النهائي صح يعطيك صفر بالكويز، ويعطي تقريبا 7-8 كويزات ، وياخذ أفضل 5

المياجر ، الفاينلات :
كومون ، الميجر الاول كله مسائل كان متوسط، الميجر الثاني والفاينال 50% خيارات كونسبت و 50% مسائل، والمسائل تقريبا نسخ لصق من الهومورك.

القريد النهائي:
A

الصوت:
واضح واللغة مفهومة

 

بنود التقييم :

TERM : 192

التحضير :

يومي نهاية الكلاس يحضر بالاسماء وكان يقول انه مافي خصم عالغيابات اهم شي ماتجيب ال DN

طريقة الشرح :

يشرح الكونسبت والمسائل من السلايدات ..والمسائل احيانا يحلها على السبورة .. بشكل عام حتى اذا استخدم السبورة خطه يكون مو مرتب وغير واضح بالنسبة لي..

الكويزات :

كوزاته بالنسبة لي صعبة ولافيها وقت كافي واغلب الدرجات اصفار نظامه كويز بعد كل شابتر ....بحكم سالفة الكورونا والدراسة اونلاين الدكتور حاول يسهل الامور وعطانا كويز سهل عليه 5 درجات من 10 ٪ تعويض للكورات الي قبل .. وغير كذا اخر الكوزات تغير مستواها وصارت سهلة جدا واغلب الطلاب يجيبون الدرجات كاملة ...

المياجر:
كومون .. مستواها سهل الى متوسط الهموركات مهمة خصوصا حق اللاترام القديمة لاحظت جاب منها بعض الافكار فالميجر الاول...الميجر الثاني كان اونلاين و معظم الاسئلة كونسبت من بنك الاسئلة (بحاول انزله فالريسورس اذا قدرت )

الفاينلات :
مافي فاينل شكرا للكورونا ^-^

القريد النهائي:

B+

الصوت:

واضح يتكلم بالانجليزي واحيانا عربي للتوضيح

إضافات :

الدكتور مزاجي لابعد حد. احيانا يدخل الكلاس مروق واحيانا ماله نفس ...تاجيل الكوزات عنده مستحيل (سواها مرة وحدة بعد اصرار الطلاب وكثرة الايميلات ولا عاد كررها مرة ثانية )...الصراحة كنت كاره الدكتور في بداية السنة لكن بعد سالفة الكورونا كبر في عيني بعد ماساعدنا في : تعويض الكوزات + خلى النجاح من 33 / 70 + البروجكت ما الزمنا فيه للي ضامن النجاح + الميجر الثاني كان كونسبت ومكرر عند كل الطلاب + ماخصم ولا شي عالغيابات والي كانوا يسحبون عالاونلاين لكشرز .....
الدكتور عليه بعض الشطحات واحيانا ينفس عالطلاب بس بشكل عام انا ماصار معاي اي موقف معاه واشوفه خيار جيد جدا اذا ماقدرت تنزل عند سرحان...

 

ME406

 

406 ترم 201

المادة كريهة وغثيثة ..نصها احصاء ونصها مانيفاكتشرنق

القسم الاول اخلاق الدكتور تقفل فيها لا تاجيل كويزات ولا هومووركات
بعد المد الدكتور عطى شويةاريحية في الكورس

شرحه كله كلام لان المادة كلها حفظ في حفظ يحل لك كم مسالة وتمشي

الدكتور يبان عليه انه تهمه مصلحة الطالب حيث انه قعدنا بعد الفاينل والمد عشان يتاكد من ورقة كل طالب انها اتسلمت على البلاك بورد
هو عصبي شويتين لكن ممكن الطلاب لهم دور في الشي ذا