http://faculty.kfupm.edu.sa/EE/rakan بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات :
يدرس لاب ee370 غالبا طريقته يحضر من البداية ويأخذ التأخير راح يساعدكم كثير في الريبوت ووالكود حق الماتلاب لانه فاهم عدل للماتلاب عنده 4 الى 5 كوزات اذا راجعت وكنت فاهم راح تحلهم الفاينل عليه 9 درجات اتوقع وكله اختياري, على قد فهمك راح تجاوب(اثناء الشرح يقول هذا راح اسألكم عنه في الفاينل وكذا على طول سجله لانه راح يجي 10000000000000%) لا تحاول تغش عنده ابدا لانه يكشف براحه يحب يسمع من الطلاب ويأخذ اقتراحاتهم في النهايه راح تطلع فاهم لاب ee370 صح اذا كنت متابع معاه اول بأول
لاب 370 التحضير : ورقة تمر .. وإذا تأخرت كثير يخصم عليك .. طريقة الشرح : يطول في الشرح في بداية اللاب .. يحاول يشرح أي شي في الماتيريال له علاقة بالتجربة .. وأحيانا زيادات مالها علاقة .. طبعا الثلاث ساعات جالسها .. جالسها.. حتى لو .. فرضا .. خلصت قبل الوقت بيشرح لك أشياء بعد التجربة .. يعني حط في بالك إنك بتجلس المدة كلها .. الكويزات : معقولة .. أغلبها على ورق .. الفاينلات : صعب وطويييييييييل .. تخيلوا جاب لنا 60 سؤال MCQ إذا ما كنت ناسي .. بصراحة حسيت إنه عقدها في الفاينل .. تراه لاب يبو .. والمشكلة كان عليه 9%.. القريد النهائي: A الصوت: واضح .. إضافات : بصراحة كمدرس ممتاز .. علاقته مع الطلاب علاقة أخوية بدون تكلف .. بعض الأشياء ما تفهمها في اللكتشر ممكن تفهمها معاه .. حريص جدا على فهم الطلاب .. دقيق جدا في تصحيح الريبورتات .. أنا كانت ريبورتاتي زينة .. ومع إن في الفاينل جبت قريد سيء لكن طلعت بأحسن قريد لي في اللابات في جميع مواد الكهرب إلى الآن .. باختصار .. إذا تبي تقهم وتستفيد نزل معاه .. لكن بتتعب .. إذا أنت من النوع اللي بس تبي تحضر وتنقل الريبورت من واحد ثاني .. ما أنصحك تنزل عنده أبدا .. لأنه ممكن بالراحة يعطيك صفر إذا شافك نقلت .. وهو أصلا قبل ما يبدا السمستر أرسل لجميع طلابه ايميل.. إن اللي متعود على نقل الريبورتات .. أنصحه بتغيير السكشن من الحين لأني مو من النوع اللي يمشي .. اللي يبي يستفيد حياه الله << طبعا بنفس المعنى مو بالضبط .. - دايم يشوف وش االأخطأء اللي الطلاب يسوونها في الريبورتات ويشرحها .. -تصحيح سريع .. أقصد إنه ما يتأخر أبدا في إعادة الريبورتات والكويزات وتنزيل الدرجات على الويب سيتي .. -إذا أرسلت له رسالة على الايميل يرد بسرعة ..ويساعدك قدر الإمكان.. - الطلاب أحيانا ينزعجون منه لأنه أحيانا يطول في شرح شي يكون واضح وبسيط .. يعيد ويزيد فيه ..
^ القريد يا طويل العمر هو افريج = 15 انا كنت مع القحطاني وما كان نجلس في كل التجارب 3 ساعات مثل ما يقولون عن العوهلي ! كلهم ممتازين ،، لو انا مكانك باحتار كثير، بس باختار القحطاني لأني اعرفه اكثر ومرتاح معه واول ما تخلص تطلع ،،
والله للأمانة مدرس رائع جدا لازم تعرفون يا شباب إن نظام: (متى نخلص؟ نطلع بدري اليوم ولالا؟) ........... ماعاد يمشي هذا بالفزكس 101 ولا كمستري معقول. لكن أنت في تخصص من أعقد التخصصات في الجامعة لازم تفهم .. لازم تتعلم .. لازم لك مدرس بالضبط مثل راكان العوهلي ماتطلع إلا وأنت فاهم صح حتى لو انك ماتفهم في اللكتشر يشرح كل شي .. تسوي التجربة وانت عارف وش تسوي وليش وكيف وفاهم فكرة التجربة والهدف منها.. رغم إنه يطول في الوقت. مرة كان كان اللاب في أسبوع الإجازة .. وكان ناوي يروح المطار يلحق رحلته بعد نهاية اللاب على طول وكان مجهز للسفر وجايب شنطته معاه للاب ههههههههه وفوّت الرحلة على نفسه من كثر ماهو يعيد ويزيد في جزئية معينة كانت صعبة شوي. الله يوفقه ويسعده ماشاء الله تبارك الله عليه .. يوضح كل صغيرة وكبيرة .. يهتم فيك أكثر من ما تهتم في نفسك. تطلع فاهم اتصالات .. فاهم ماتلاب .. وأهم من هذا كله تتعلم إنك ما تغش في الريبورتات هههههههه ولا تنسوا إن هذي المادة 370 من أهم وأصعب المواد في التخصص.. يعني خذ بالك منها. تحياتي للمدرس وبالتوفيق للجميع
التحضير : ينادي على الأسماء .. قال في اول الترم المتأخر يخصم عليه ولكن لا أعرف هل طبق هذا الكلام أم لا طريقة الشرح : شرح واضح بالتفصيل .. يساعد في التجربة ويجيب على جميع الاستفسارات الكويزات : كويز عملي .. كويزين mcq .. كويزين كتابة كود ماتلاب الفاينلات : فاينل طوييييييييييييييييييييل .. حتى إني صدعت .. بس اللي متابع معاه في التجارب وذاكر المانوال يجيب درجة ممتازة القريد النهائي: A++++ الصوت: واضح إضافات : أ. راكان شخص حريص وأخلاقه عالية .. تصحيحه للريبورتات بالملي ويكشف اللي يغش .. ويعطي كل واحد حقه .. الأفرج كان أقل من 15 (شيء كويس) من الآخر .. لو انت طالب افرج أو أقل وهدفك تجيب 14-15 .. نزل عند غيره لكن لو طالب مهتم ونفسك تجيب درجة عالية .. نزل عنده
Term201-EE370-LAB هذا الفصل كان استثنائي؛ لأنه كان عن بعد بسبب جائحة كورونا. التحضير : اللاب كان عن طريق برنامج زوم، وكان الدكتور يحضر في بداية اللاب في كثير من الأحيان، ومرات ما يحضر، ولكن يقول افتحوا الكاميرات. طريقة الشرح : شرح الدكتور ممتاز، ويوضح الهدف من التجربة ويربطها بالجزء النظري بشكل ممتاز، وبما أن هذا الفصل كان عن بعد، فاضطررنا لاستخدام برامج محاكاة بديلا عن الأجهزة في اللاب، واسمه tutorTims. الكويزات : كان هناك 4 كويزات، وكانت عن الماتلاب والجزء النظري في اللاب مانيوال، وكلها كانت عن طريق البلاك بورد. الفاينلات :الفاينل كان حوالي 30 سؤال وكانت شبيه جدا بأسئلة الكويزات، وكان هناك اختبار لفظي واختبار باستخدام برنامج المحاكاة tutorTims. القريد النهائي:+A الصوت: واضح إضافات : 1- الدكتور راكان حريص على مصلحة الطالب، ويوجه الطلاب أثناء اللاب على تحسين مستواهم، والاستفادة من أخطائهم في التجارب السابقة. 2- الطالب الحريص الذي يسجل ملاحظات مع الدكتور خاصة في أول اللابات، سيحصل على درجة عالية مع الدكتور، ولاحظت بأن مشكلة أغلب الطلاب كانت في عدم فهمهم لأساسيات الماتلاب والتجارب الأولى في اللاب، لذلك عانوا طوال الفصل، فإذا استطعت أن تتجنب هذه المشكلة، وأنجرت تقارير الماتلاب أول بأول بفهم، بإذن الله سيكون حالك في اللاب ممتاز وستحصل على درجة عالية.
أخذت معه لاب EE370 الفصل 203 أون لاين التحضير : مرات ومرات طريقة الشرح : شرح الدكتور كويس، يشرح ببورد أبيض وغالبًا شرحه يكون عن الماتلاب ويصور لك البورد ويرسلها بالايميل لك كمرجع راح يفيدك أثناء كتابة الريبورت الكويزات : عطانا 3 كويزات وكويزاته كانت صعبة وافرجها مرة نازل، بس كان الكلاس اللي بعده يمشي على اسئلة كل كويز ويحلها. الفاينلات : الفاينل كان قسمين قسم عن الثيري وهذا كان أغلبه جاي من الكويزات فإذا كنت مركز معه في حل الكويزات غالبًا راح تحل 80% من الاختبار، القسم الثاني هو اورال اقزام وصراحة كان الوضع تحجير شويتين كان يقعد مع كل طالب 10 دقايق تقريبًا وما يبقى سؤال ما يسأله واسئلته تكون يا عن كونسبت أو يطلب منك توريه طريقة تشبيك شي معينة ب TutorTims. القريد النهائي: B+ بسبب صعوبة اختباراته. الصوت: واضح. إضافات: الدكتور حبيب جدًا ومزوح مع الطلاب ويجاوب على أسئلة الطلاب ومتساعد معهم لكن يعيبه أمرين الأول هو صعوبة اختباراته والأمر الثاني هو تصحيح الريبورت، يعني عادي يعطيك نص درجة الريبورت أو حولها وغالبًا على أشياء تافهة وتشوفه ينقص على نفس النقطة كذا مرة يعني مثلًا نسيت العنوان لل graph راح يخصم عليه واذا في مثلًا أكثر من graph راح يخصم عليهم كلهم.