بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات :
اخذت معه CHE 303 في ترم 201 (ترم الاونلاين) التحضير : يحضر من تيمز ويحمل الحضور يعني ما يسال من حاضر من غايب طريقة الشرح : سلايدات يقراها ويعلق عليها واذا جا يتفنن يكتب بالماوس الكويزات : كوزات هو يكتبها اقل ما يقال عنها غبية. السؤال يحتمل اكثر من اجابة ومافيه اسئلة فيها حسابات كلها كونسبت بس بطريقة متخلفة وما يقبل تناقشه في اخطائه. المياجر: الميجر الاول كان عار في تاريخ القسم والجامعة. ٣٢ سؤال خيارات في نص ساعة في فورمز و٣ اسئلة في ساعة كل سؤال يحتاج ٤٠ دقيقة على الاقل. الاسئلة غير مدروسة والتعامل مع الاختبار كان سيء لابعد الحدود وادارة كارثية. الفاينلات : الفاينل سهل بس كالعادة كان فيه خطأ لكن المرة هذي بعد مفاوضات طويلة بنص الاختبار قرر انه يعترف بالغلط. القريد النهائي: الفاينل خلص من ١٣ يوم وللحين ما نزل قريدات ولا اي شي. اتوقع انه بينزلها على البورتال مباشرة عشان محد يناقش تخبطاته والبلاوي اللي صارت الصوت: جيد هو بريطاني كلامه واضح بس احيانا يشطح بكلمات صعبة إضافات : تعامله جدا سيء مع الطلاب ولا انصح بالتسجيل معه للسبب هذا وعشان طريقة كتابته للاختبارات. غير كذا وضعه مقبول وممكن يتحسن بالمستقبل لان مشاكله بتنحل اذا ترك كبريائه وحاول يحسن من نفسه. اذا انت من النوع اللي يشيل من الدكاترة اللي كذا لا تنزل عنده لانه بينرفزك ويخليك ما تقدر تركز معه
ما راح اتعب نفسي و انا اكتب عنه ولكن ثق و تأكد انه كل واحد نزل عنده فهو مجبور لا بطل, حاول قد ما تقدر ما تنزل عنده لانه ما راح تطلع لا بكونسبت ولا درجات
يشرح اشياء غالبا ماتحتاجها في الاختبارات + يرفض يعترف بأخطائه بالاختبارات رغم انه معترف فيها بسلايداته، وللاسف نتحملها نحن
CHE303-Term 202 التحضير :من برنامج MS Teams طريقة الشرح : أفضل من المتوقع، ممتازة جدا وواضحة - باستعمال شرائح مأخوذة من الكتاب مع توضيح وتعليقات توضيحية بشكل أفضل من الكتاب. الشرائح تشمل ملخص للكتاب بشكل جذاب وجميل وتغني عن الكتاب. الكتاب جدا جاف ولا أنصح بقرائته. شرائح الدكتور روبن أفضل بكثير للشرح وحلول الأمثلة. الكويزات : عبارة عن 4 أو 5 أسئلة قصيرة من الشرائح - بعضها حسابي (قصير) وبعضها نظري. الغرض منها الحرص على متابعة تقدم الطالب العلمي - الاطلاع على الشرائح قبل الاختبار القصير يفيد جدا في حلها وهي سهلة ولا تعقيد فيها. المياجر: الاختبار النصفي كان قسمين: أسئلة نظرية وأسئلة حسابية. الشرائح تشمل حلولها كاملة . وكان هناك تركيز ومراجعة على النقاط التي ستكون عليها أسئلة في الاختبار. الفاينلات : عبارة عن 3 أسئلة حسابية من الشرائح، أسهل بكثير مما كان متوقع والوقت كان كافي جدا في الاختبارين الصوت: ممتاز وواضح - لهجة بريطانية ومتمكن من اللغة الانجليزية أفضل من مدرسين اللغة الإنجليزي ^_^ إضافات : الدكتور متعاون جدا ولطيف- في المحاضرة يحب يجيب عن الأسئلة وكذلك في المكتب أو أي وقت آخر. الدكتور طلب تقييم نصف الفصل الدراسي بسبب اهتمامه بالحصيلة العلمية للطالب. الدكتور خريج جامعة كامبردج وهي غنية عن التعريف. الدكتور يسعى لتطوير نفسه دائما وأبدا ويستقبل النقد البناء برحابة صدر. أنصح بأخذ المادة معه لأنه سيضيف الكثير لعلم الطالب- وأخيرا: (( المهمة الكبرى تبقى على الطالب وهي المذاكرة بشكل دوري وحل مسائل الكتاب لأن هذه المادة صعبة الفهم بدون ممارسة وبدون مذاكرة بشكل دوري كما يحدث من بعض الطلاب. هذه المادة مختلفة تماما عن بقية المواد وينبغي أخذها بجدية تامة لصعوبتها ولأهميتها للمهندس الكيميائي!!))
CHE303-202 التحضير: كان ترم اونلاين والتحضير في الغالب كان عن طريق MS Teams طريقة الشرح: بإستخدام السلايدات لكن يلزم التركيز مع الدكتور لان السلايدات صعب تفهمها لحالك الكويزات : كويزين خلال الترم مستواهم متوسط المياجر: الترم كان ميد وفاينل لكن كان في اختبارين عليهم 10٪ مستواهم متوسط لكن الوقت لا يكفي الصوت : لكنة بريطانيه واضحه جدا القريد النهائي: باقي ننتظر اضافات: الدكتور محترم ومتواجد خلال الساعات المكتبيه لاي استفسارات من الطلاب
CHE303-Term 202 التحضير : كان عن طريق تحميل لستة الحضور من MS Teams وكان بعض الاحيان يحط سؤال بداية اللكتشر واللي يجاوب عليه يعتبره حاضر بغض النظر جواب صح او غلط. كان يحضر كل كلاس بس كان متعاون ومو مدقق عالتاخير طريقة الشرح : يشرح من سلايدات، السلايدات هو مسويها ومشتغل عليها. وباين انه يقضي وقت كثير عشان يسوي السلايدات، اشوفها ممتازه وفيها حاجه اسمها Idea check تخليك تتاكد من انك فاهم الكونسبت. بعد كذا عندك الExamples توضحلك كيف تحل المسائل الكويزات : عطانا كويزين، كانت ملتبل تشويس مستواهم متوسط المياجر: كومون الفاينلات : كومون القريد النهائي: باقي مانزل القريدات، ولكن متفائل انه راح يعطينا قريدات كويسه الصوت: واضح وممتاز جدا، اكسنت بريطاني، ويشغل كام وهو يشرح. إضافات : الدكتور كان يجي محضر كل كلاس، وكان يعرض الobjectives حق كل كلاس بشكل واضح. الدكتور طيب ومتواجد دايما ف الoffice hours واذا اتواصلت معاه عن طريق MS Teams chat بيرد عليك على طول، ماهو من النوع اللي يقرا ويسحب
جميع التعليقات الايجابيه كانت بطلب من الدكتور عشان يحذف الغيابات بالمختصر الدكتور سيء جداااا وماانصح احد ينزل عنده بكل الاحوال