GS 424 Business Psychology

هذا الموضوع مخصص لمناقشة المقرر المذكور في العنوان
بنود تساعد في تقييم المقرر:

جودة المقرر بشكل عام
المواضيع التي يغطيها المقرر
الكتاب المستخدم للمقرر
الأسئلة والأمثلة المستخدمة في المقرر
مدى فائدته في الناحية التطبيقية

ولكم الحرية في تقييم المقرر باستحداث بنود أخرى ترونها مناسبه لتقييمه.

كما نرجو تحري الصدق والعدل في تقييم المقرر
وعدم الخلط بين تقييم الأستاذ وتقييم المقرر بذاته

 

ترم 201 (عن بعد)

بأكتب عن الكورس بشكل عام لأن الدكتور اللي كان ماسك الكورس طلع من الجامعه الى اجل غير معلوم.

الكورس ممتع جدا الصراحه واشوفه أكثر كورس ممكن يفيدنا من كورسات الGS لأرتباطه بالCarrer اللي بتبدأه بعد التخرج.

الكورس مقسم لأربع إطارات رئيسية تمثل اهم الجوانب النفسية (Psychological Aspects ) في بيئة العمل:
1- The Structural Frame : يشرح اختلاف الهياكل في الشركات والمنظمات والعلاقه بين المسؤول والموظف. مثلا بعض الشركات زي قوقل ما تكون فيها مناصب كثيره بين الموظفين والرئيس فيصير التواصل سهل جدا وسلس (Flat orgnization structure), لكن في المنظمات الحكومية غالبا يكون الوضع عكس كذا فتشوف في مدير + مدير للمدير + مدير لمدير المدير وهلم جرا (Tall organizational structure). وممكن نوع اخر يجمع النوعين السابقين بالاضافه لعدد من المفاهيم الاضافيه لهذا الاطار.

2- The Human Resources Frame : وهذا الإطار يمثل 60% من مجمل الكورس تقريبا، لهذا السبب اشوف ان الكورس إداري اكثر من انه كورس في علم النفس. الإطار هذا يناقش التحفيز في بيئة العمل بشكل عام فالموظف بشكل عام في البداية يكون متحمس للعمل لكن مع الوقت يعتاد على الراتب ويبدأ يفقد الغايه فأنت كرئيس لازم توجد له تحديات جديده عشان يستمرالتحفيز وبناء على هذه التحديات تكافأه بترقيات او علاوات مثلا. بعدها يكمل الاطار في مفاهيم ثانيه مثل الرضا عن العمل، الJob strees مسبباته وكيف ممكن يأثر على الانتاجيه وكيف تعالجه (وهذه الجزئية فادتني بشكل شخصي)، القيادة بمختلف مفاهيمها، الفرق كيف تتكون وكيف تكون فعاله، واخيرا فيه شي اسمه psychlogical assesment وهو اللي اذا قدمت على شركه غالبا تسويه لقياس الذكاء واشياء من هذه القبيل، راح تتعلم وش الهدف منه وكيف يصير.

3- The Political Frame: يشرح الPower او السلطه في الشركه و عن طريقها ممكن تجبر شخص يسوي اللي تبيه سواء اعجبه او لا. مثلا قد تكون سلطة المدير على موظفه، او موظف عنده مهاره نادره فيستخدمها ليتفاوض على راتب او مميزات مع المدير وهكذا. وتناقش ايضا طرق حل الخلافات والمشاكل داخل الشركه.

4- The Symbolic Frame: يشرح كيف تتكون ال Culture في الشركه وكيف تأثر على الموظف جديد، و يشرح ثقافة السلامة واهميتها وايش ادى الاخلال فيها الى كوارث تاريخية مثل كارثة خليج المكسيك في التلوث النفطي.


الشرح فوق مختصر ويعطيك فكره عن مكونات الكورس. من الاشياء الرهيبه اللي كان يسويها الدكتور انه يعطينا Case study او فيلم وثائقي وانت تحاول تربطه بالموضوع بشكل موجز وهذا اللي يخلي الكورس practical ، كنا نسويها بشكل شبه اسبوع الا اوقات الاختبارات وفي الشهر الاخير الدكتور الغاها بسبب اننا كنا مضغوطين نوعا ما وحط الدرجات الباقية في المياجر.

زي ما قلت الكورس ممتع جدا وبرجع لمحتوياته ان شاء الله بعد التخرج لانه يعطيك الكثير من المقترحات والحلول العملية المفيدة في بيئة العمل سواء كنت موظف او رئيس.

برفع السيلابس في المرفقات وبرفع كل ملفات الماده عندي في الResources في اقرب وقت.