الاختبارات والوقت ومعايير تقييم غريبة

السلام عليكم شباب وياليت اذا في دكاترة او اداريين يكونون موجودين هنا

انا موضوعي كاتبه والحديد حامي فممكن يكون فيه غير حيادية اعذرونا عليها.

انا هنا ابغا اتكلم اكثر شيء عن الوقت في الاختبارات. اعتقد ان الكل ملاحظ انه حدث جدا طبيعي ان وقت الاختبار يخلص وانت باقي ما خلصت. انا ابغا اعرف ايش المعنى من ان الوقت يكون ضيق (اتوقع مجرد قرار خاطئ من الجامعة)

يعني لما الوقت يضيق فهنا الجامعة تختبر سرعتي في حل الاختبار. بس هذا المعيار ماني لاقي له قيمة. فرضا واحد خلص الاختبار اسرع مني. ايش المهم.

بحط مثال عشان اوضح لكم قد ايش فكرة الوقت سيئة من الجامعة.
نفترض ان في اثنين يختبرون اختبار. الاول يخلصه في ساعة ونص وراح يجيب 75% الثاني يخلصه في ساعتين ويجيب 75%
الطالبين نفس المستوى بس واحد اسرع من الثاني
الحين الجامعة اختبرت هذول الاثنين في اختبار مدته ساعة ونص. الاول راح يجيب 75% والثاني حول 50% (ما اعتقد ان الرقم مبالغة ابدا)

الحين الفرق الحقيقي بين هذول الطالبين هو بس سرعة الحل وهذا يعتبر شيء تافه ما يهم احد. ولكن من نتيجة اختبار الجامعة راح نشوف ان الاول افضل من الثاني بفرق شاسع. وهو غير صحيح.

هذي الي اقصده لما اقول معايير تقييم غريبة. زي ماشفتم الفرق جدا كبير على شيء ماله قيمة.

في جزئية ثانية مالها قيمة تاثر بدرجة الاختبار بشكل واضح وناتجة بسبب فكرة ان الوقت ما يكفي.
وهي باي ترتيب تبدا تحل الاختبار.
ونفس الشيء بعطي مثال لكن ذي المرة المثال راح يكون بشخص واحد ولكن الفرق القرار الي ياخذه (صراحة عشوائي مو قرار)

نفرض ان الاختبار ثلاث اسئلة
اذا الطالب حل الاول بعيدن الثاني بعدين الثالث راح تختلف درجته عن لو حل الاول بعدين الثالث بعدين الثاني.

وهذي النقطة سارت لي اكثر من مرة.
الوقت مثل ما قلتلكم ما يكفي.
السالفة اذا حظك سيء واخترت السؤال الي راح يعتبر اصعب وياخذ وقت اكثر هنا انت مارح تاخذ غير شوية من درجة الخطوات ويضيع عليك الوقت ماتقدر تحل السؤال الاخير.
ولكن لو بديت بالسؤال الاسهل فغالبا راح تحله وراح تروح للاخير ويخلص الوقت عليك لكن راح تلحق تحل شوي وتاخذ شوية درجات على الخطوات.

اعتقد انه الحين واضح انه درجة الاختبار تتاثر بشكل كبير باشياء مالها قيمة وهي سرعتك في الاختبار + حضك باي ترتيب تحل الاسئلة.

هنا ابغا اعرف. ايش كان الهدف من الاساس في ان الوقت ينحط مايكفي؟

محدثكم مخلص فاينل على البلاكبورد جاه خمس اسئلة تحتاج رسمة بس البلاكبورد ماطلعها فقررت اسوي لها سكيب الين اخلص باقي الاسئلة واسئل الدكتور ايش الحل معاها. النهاية خلص الوقت وانا باقي لي سؤاليين غير الخمسة.
ولازلت ماني فاهم ايش المعنى من اختبار السرعة هذا